1308215072-saran hondii.jpg

 

Хоёрдугаар бүлэг - Нэгдүгээр хэсэг


 


Хуримын маргааш Билл ажлаасаа буцаж ирэхэд Саксон түүнийг үүдэн дээрээ тосов. Хоёул үнсэлдэн хөтлөлцсөөр зочныхоо өрөөгөөр дамжин гал тороо руугаа орохын өмнө Билл зогсож сэтгэл их л хангалуун янзтай үнэртсэнээ .
- Саксон минь , манайхаас ямар сайхан үнэр ханхалана вэ ? Ганц кофений үнэр биш , хажуугаар нь бас өөр юм үнэртэж байна . Өрөө бүхнээр маань жигтэйхэн сайхан үнэр ханхалж байна. Чухам тийм юмных гэж хлэж чадахгүй нь шүү ! гэв.
Биллийг нүүр гараа угаах хооронд Саксон цахилгаан зухан дээр хайруул тавгаа тавилаа.
Билл гараа арчин , эхнэрээ ажиглах зуур хайруулынха таваг дээр давтаж шарсан мах хийхэд нь баярлан сайшааж ,
- Чи минь улайссан хайруул дээр нүдсэн мах тосгүй хайрчихыг хаана сураа вэ ? Энэ бол хамгийн сайн арга , гэтэл эмэгтэйчүүд яагаад ч юм ийм арга хэрэглэдэггүй юм гэлээ.
Саксон , өөр нэг хайруулын тавгийн таг сөхөж сайхан үнэртэй бас нэг хутгаар эргүүлэхэд Билл араас нь очиж хоёр сугаар нв гараа оруулан цээжээр нь тэвэрч хацраа хацарт нь хүргэх гэж толгойгоо мөрөн дээр нь тавив.
- Хм ! Ээж минь сонгинотой төмс шардаг байсан юм . Хичнээн сайхан болдог гээч ! Үнэрийнх нь сайхынг яана ! Билл гараа суллахад хацар нь хацрыг нь энхрийлэх адилаар шүргэлээ. Гэвч тэсэлгүй дахин тэврэв. Үсий нь үнсэж үнэрий нь авч буйг Саксон мэдэрч байлаа.
- Хм , чамаас ямар сайхан үнэр х нхлана вэ ? Тансаг үнэртэй эмэгтэй гэж хүмүүсийн ярихыг сонсоод чухам юу байдгийг мэдэхгүй явжээ. Одоо л ойлголоо. Чам шиг ийм тансаг сайхан үнэртэй хүүхнийг ер үзээгүй .
Билл , хэлж барамгүй азтай жаргатай байв. Унтлагынхаа өрөөнд орж үсээ самнаж эргж ирээд жижигхэн ширээний ард эхнэрийнхээ өөдөөс харан сууж хуьга , сэрээ барьснаа өгүүлрүү :
- Эхнэртэй байх их сайхан юм . Харин эхнэртэй олон хүний ярихыг сонсоод … Саксон минь, бид хоёр тэдэнд бага сага жишээ болж лав чадна байх шүү . Тэдэнд урьтаж нэлээд олон оноо өгчихсөн ч хожихоо л хожих юм байна. Нэг л юманд миний сэтгэл дундуур байна.
Саксоны нүдэнд айх байдал агшин зуур илрэхэд Билл инээд алдаж ,
- Юу гэвэл чи би хоёр эртхэн л суудаг байж . Хичнээн өдөр алдсан гээч ,
Саксоны нүдэнд баярлаж талархсан оч гялалзах агаад насан турхруу ингэж явсугай хэмээн дотроо тангараглаж байлаа.
Үдшийнхээ хоол ундыг идэж дуусахад Саксон ширээгээ цэвэрлэж аяга тавгаа угаав. Билл угаасан зүйлийг нь арчиж өгөх гэтэл Саксон цамцных нь хормойноос доош татаж сандал дээр суулгав.
- Баярлаад л сууж бай , амрах хэрэгтэй . Байз , хө . Миний юу хийхийг харж суугаад яах вэ ! Тамхиа татаж суу л даа . Май , өнөөдрийн сонин . Уншихаа яарахгүй бол би одоохон, нүд ирмэхийн зуургүй уаалгаа дуусгачихая .
Тамхиа татаад сониноо уншиж суухад нь Саксон хулгай нүдээрээ байн байн ажиж тухлахад нь ганц юм, гэрийн шахай л дутаж байна гэж бодов.
Хэдэн хормын дараа Билл сүүрс алдан сонингоо хажуу тийш тавиад ,
- Ашгүй тэртэй тэргүй би сонин уншиж чадахгүй шүү дээ гэхэд Саксон жуумалзан ,
- Яагаад , нүд чилнэ гэж үү ? гэв.
- Үгүй , үгүй . Нүдэнд өөр нэг юм харагдаад болохгүй юм . Чамайг л хараад байвал зүгээр болохдог оо.
- Одоохон миний хүү , одоохон очлоо.
Саксон, гал тогооныхоо алчуурыг усанд базаж, угаалтуураа цэвэрлэж , хормогчоо тайлаад Биллийн дэргэд очиж нүдий нь үнсэв.
- За одоо дээр болов уу?
- Арай дээр боллоо .
Саскон эмчилгээгээ давтан хийлээ.
- Одоо яаж байна ?
- Нэлээд дээр боллоо.
- Одоо ?
- Бүр сайн боллоо.
Гэвч Билл жаахан бодосхийснээ, баруун нүд бас жаахан өвдөж байна гэв.
Саксон тэр нүдий нь эмчлэх зуур гэнэт цочин өвдөх мэт чангаар хашгирав.
- Яав чи минь ? өвдөв үү ?
- Нүд минь . Айхтар өвдөж байна.
Одоо тэр хоёр гүйцэтгэх үүргээ сольж Билл нь эмч Саксон нь өвчтөн болж хувирав. Хоёул эдгэрсэн хойноо Саксон нөхрөө зочныхоо өрөөнд оруулж нээлттэй цонхныхоо наад талд байх нэг том сандал дээр хоёул багтан суулаа. Тэр бол тэдний гэр дэх юмнаас хамгийн үнэтэй зүйл юм . Долоон доллар тавин центийн үнэтэй түшлэгт сандал мэтийн зүйл Саксоны зүүдэнд ч орж байгаагүй лут эдлэл тул Саксон тэр сандлыг өдөржин харахаас санаа нь зовж байсан юм. оройн сэрүүнд тэнгисийн эрэг хавийн хотынхны дотрыг онгойлгох шиг болдог тэнгисийн усны таатай үнэр эдний цонхоор ханхалж эхлэв. Төмөр зам дээр урын тэрэгүүд уухилж аахилан байхад Оклейдын буудал , хамгаалавч хоёрын завсар хүрч ирээд хурдаа сааруулах галт тэрэгнүүдийн чимээ түжиг пажиг хийх дуулдана. Зуны үдэш гудамжинд тоглох хүүхдүүдийн дуу хоолой цангинах бөгөөд байшингийнхаа довжоон дээр элдэв хов жив ярилцан суух айл хөрш авгайчуудын аяархан хүүрнэлдэх нь сонсдоно.
- Энэнээс илүү байр гэж яаж байх вэ ? Сард зургаан доллар төлж суудаг байсан тавилга хэрэгсэлтэй муу өрөөгөө бодохоос гутрах шиг болж байна! мөн ч их хугацаа дэмий алдаж дээ . харин би тэндээс түрүүний гараад явчихсан бол чамтай уулзахгүй байсан байх, яана яваагүй маань аз болж гэж бодохоос сэтгэл минь тайвшрах юм . Ганц сарын өмнө гэхэд л чамайг энэ хорвоод байдаг гэж би мэдээгүй явж шүү дээ .
Билл гара дээш явуулж наадхынхаа нүцгэн гарыг барьж илбэ¬ ханцуйнда шургуулав.
- Чиний арьс их зөөлөн. Хүйтэн биш, зөөлхөн л юм д а . Хүрхээс сайхан санагдах ѕм .
- Чи намайг мод хөргүүр Ўолгох нээ! гээд Саксон инээд алдлаа.
- Хоолой чинь бас цаанаа л нэг зөөлхөн Дуугарах чинь хүртэл духыг минь гарараа илбэх шиг санагдаж байна. Их хачин юм , дуу хоолой чинь бие цогцсоор минь нэвт шувт сэрүү татуулан өнгөрөх шиг яагаад тэгж буйг тайлбарлаж чадахгүй . Бүгчим халуун өдрийн дараа тэнгисийн сэвшээ слахи үлээдэг , тиймээ , яг тийм сайхан салхи шиг санагдах юм . Нам дуугаар ярьж байхад чинь Маклоноугийн театрийн найрал хөгжмийн хийл хөгжмийн эгшиг уянгалаг зөөлөн сонсдох шиг юм . Дуу чинь нотны хамгийн өндөр хэмжээнд хүрнэ гэж байхгүй : зарим эмэгтэй уурлах буюу хөөрч оодрон хашгирхад чихэнд чийртэй байдаг , гэтэл чинийх тиймгүй . Тэднүүсийн дуу хоолой элэгдсэн пянзны чихрах ду шиг санагдана. Гэтэл чиний минь дуу хоолой сэтгэл зүрхэнд нэвтрэн сэвшээ зөөлөн слхи мэт дотрыг амраан, сэтгэлийг доргион жаргааж байх юм даа . Дагина бурхад гэж байдаг бөл тэд л ийм дуу хоолойтой байх ёстой гэж санагдана.
Хэдэн хором дуу чимээгүй өнгөрөв. Үгээр хэлье гэвч үг дутагдам их жаргалтай санагдахад Саксон нөхрийнхөө халимгийг илээд биед нь налдав.
Билл цааш нь ярихдаа ,
- Чи ямар хүнтэй болохоо н даар хэлүүлэх үү ? Ташуур дөнгөж хүрмэгц ором грдаг тийм хачин зөөлөн торго шиг гялалзсан үстэй сайн үүлдрийн залуухан гүү чи ер үзсэн үү ? Сэргэлэн , омоглон, тэсвэр хатуужлаараа хамгийн их чадалтай эмнэг мориноос илүү, тэсвэр хатуужилаараа хамгийн их чадалтай эмнэг мориноос илүү, тийм мөртөө ганц шөнө нэмнээгүй хонуулбал нүд ирмэхийн зуургүй шөрөмсөө тасартал тэмүүлэх буюу үхтлээ жилбэнтэж мэдэх сүрхий адгуус байдаг юм да. Тийм адуу шиг гоолиг биетэй, хүч тэнхээтэй, эелдэг зөөлөн ааштй , тийм амьтныг нэн их хайрлаж явууштай. Шилэн савыг юу гэдэг билээ , хөнтөргөж, газар шидэж болохгүй, болгоомжтой, хагарана ! гэдэг.
Чи надад тийм гүү шиг санагдах юм . Тэгэхээр би чинь чамтайгаа тун нямбай харьцах ёстой болж байна шүү. сайн үүлдрийн гүү ажлын морьдоос ямар ялгаатай байдаг вэ чи ч бусад хүүхнээс тийм их ялгаатай . Цэвэр цусных гэж байдагийг мэдэх үү ? Бие чинь гоолиг , зан чинь омголон … Тийм л төрж дээ … Бие цогцсоо ямар гэж санана ? Анетте Келлерман чиний хаана ч хүрэхгүй . Тэр чинь австрали хүүхэн чи америак . гэхдээ америк хүүхнүүд ийм гэж үү ? Чи бол жичдээ , тэргүүн зэрэг … Бусад хүүхэн лав л ийм биш дэг . Чамайг өөр улс гүрнээс заларч ирсэн юм уу гэмээр.
Франц хүүхэн гэлтэй . Бие цогцос чинь, явах, суух, босох, зүгээр байх намба чинь бүгд франц эмэгтэй шиг, тэрнээс ч дээр санагдана … гэв.
Калифорнигаас гарч явж үзээгүй, төрсөн Оклендааса гадуур ганц ч хонож үзээгүй Билл яг л үнэн юм ярьжээ. Саксон бол англосаксын сайхан модонд ургасан гоолиг цэцэг байжээ. Ер бишийн жижиг гар хөл, хамиалхан яс, уян налархай би? Хөдөлгөөн, энэ бүхэн франц – нормандчууд хүчирхэг сакс аймгийнхантай цус холилдон үүссэн аль эрт үеийн эрлийз удамтайы эмэгтэйчүүдийн нэг гэмээр санагдуулах аж.
- Хувцас чинь ямар чамин зохино вэ? Яг л ургасан шиг байна. Эелдэг зөөлөн дуу хоолой, арьсны чинь салшгүй хэсэг шиг харагдана. Хувцасаа энэнээс илүү яаж тохируулах вэ гэж бодогддог юм. Зураг шиг сайхан хувцасласан эмэгтэйчүүдтэй олны дотор яваа эр хүн хичнээн маадгар байдгийг чи мэдэх үү ? Ялангуяа залуучууд хараад “Билл өнөөдөр яасан сайхан хүүхэнтэй явна вэ ” Дагина л гэсэн үг ! Би л бол ийм амьтнаас салахгүй ! “ гэж ярилцахы нь сонсвол бүр ч их маадайна шүү дээ. Ер нь бүх талра иймэрхүү байх.
Зовлонтой хүнд ажил хийх өнгөрөөсөн өдрийн дараа нойр нь шөнөжин хүрч өгөхгүй, индүүдлэгийн газар өдөр болгон ирдэг янз янзын гоёмсог хувцасны загвар нүдэнд нь үзэгдээд заримы нь дуурйлгах санаатай нэхэн санах зэргээр но©р хулжин байдаг асан бол нөхрийнхөө хацарт хацраа нааж хэвтэх шиг ийм жаргалаа бодохоос ядаргаа нь нэг мөсөн гарах шиг болжээ.
- Саксон , би чамд шинэ нэр бодож олсон . Чи бол миний амьдралын рашаан ! Ийм нэр олсон !
- Надаас чи хэзээ ч уйдахгүй юу ?
- Уйдах ий ? Бие биенийхээ төрсөн хоёр чинь яаж уйдах вэ ?
- Билл минь , хоёул яаж зэгсэн уулзав аа ? хэзээ ч уулзалдахгүй өнгөрч болох л байсан . Сохор азаар таралдсан .
- Ийм азтай байх тавилантай байж шүү дээ !
- Нээрэн сохор азаар тарсан биш ч байж болох юм даа гэж Саксон бодлогошронгуй хэлэв.
- Яриангүй заавал уулзалдах учиртай байсан хэрэг . Хоёр биенээ олох байж л дээ .
Тэр хоёр үгээр хэлье үг дутмар хайр сэтгэлдээ автан нам гүмийн орчинд таг дуугуй суж байснаа Билл түүнийгээ чанга тэвэрч чихэнд нь одоо явж унтвал яасан юм гэж шивэгнэв.
Энэ мэтээр олон үдшийг өнгөрөөсөн юм . Заримдаа бүжиг , кино Орфей буюу Беллийн театрт очдог , эсвэл хотын цэцэрлэгт хүрээлэнд баасан гариг бүр тоглодог хөгжим сонсдог зарим бүтэн сайнд өглөөнийхөө хоол ундыг авад зугалганд гардаг байв. Эзэн нь Хунтайз , Ван гэдэг хоёр морь хөллөгөөтэй сүүхээ Биллд урьдын адил дуртайя өгдөг байлаа.
Саксон өглөө болгон сэрүүлэгтэй цагийнхаа дуугаар босно. Суусан анхныхаа өдрөөс эхлэн Билл хамь босч зуухандаа гал ноцоож байя гэжээ. Саксон тэр удаа арга буюу зөшөөрсөн боловч дараа нь унтахаасаа өмнө зуухандаа мод зэрэглээд орхих тул өглөө босмогц чүдэнз зурах л ажил үлдээгээд хоол унд болтол нөхрийгөө хэвтэж амрах боломжтой болгожээ. Эхний үед өглөөний хоол унды нь өгч явуулдаг байв. Долоо хоног хиртэй болоод Билл гэртээ ирж үдэлдэг байснаа сүүлдээ өглөө авч явахаас өөр аргагүй болжээ. Хлтын аль хэсэгт ажилтй байхаас шалтгаалж байв.
- Чи нөхрөө дэндүү бөөцийлж эрхлүүлж байна . Уг нь чи биш цаадхи чинь чамайг бөөцийлөх ёстой … гэж Мери нэг уулзахдаа хэлэхэд Саксон ,
- Олонхы нь олж байгаа хүн шүү дээ , ажил нь минийхээсхамаагүй хэцүү , надад сул цаг зөндөө байх юм . Бас тэгээд би их хайртай болохоор бөөцийлж л баймаар санагдах юм байна шүү дээ . Ер нь л … тэгмээр санагдаад байдаг юм гэжээ.