1308215072-saran hondii.jpg

 

Хоёрдугаар бүлэг - Дөрөвдүгээр хэсэг

 


 


Саксон мэдэх юмар нимгэн ч гэсэн нүдээ аньж явдаг хүн бишээ . Зоогийн газрын эзэн Кэди , түүний нэг их буянтай биш гэхнээ одоо бодь сэтгэлт гэргийн дэргэд өнгөрүүлсэн хүүхэд ахуй цагаасаа Саксон их юм үзэж , эр эм хүмүүсийн харьцааг ажиглаж , өсөж торнисон үедээ тэр бүхнээс дүгнэлт хийжээ. Хуримласан анхны шөнөөс хойш нөхрийнхөө хайрыг яавал хэзээд авч байх талаар ингэж сүрхий бодох эмэгтэй аль ч язгуурын дотор тун цөөн байдаг бөгөөд нөхрөө зөв сонгож авахын ач холбогдлыг ингэж сүргий боддог охид ажилчин ангийнхаа дотор тун цөөн боой .
Саксон хайр сэтгэлийн талаар өөрийн гэсэн маш ухаалаг флисоф бий болгожээ. Аливаа улиг Ўолсон уйдмаар юмнаас зайлсхийж ямагт уран нарийн юмыг зориуд буюу зөнгөөрөө илүү сонирхоно. Өөрийгөө өөд татаж явахгүй бол хайр сэтгэлээ өөд татахгүй гэдгийг сайн ойлгож байлаа . Сууснаасаа хойш өнгөрсөн хэдэн сарын туршид Билл Саксоынг дүй муутай хувцалсан юм уу , уцаарлах эсвэл урвайхыг ганц ч удаа үзсэнгүй. Гэр орныхоо байдлыг ч гэсэн өөрийнхөө эрхмэлдэг шиг сэргэг амгалан тайван даруухан уур амьсгалтай болгожээ. Аар саар атлаа баярлууштай , санаанд оромгүй мөртөөө сайхан санагдах аахар шахар юм хичнээн учир холбогдолтойг ч Саксон ойлгож байв. Саксон бол бүтээлч бодолтой , идвэхэг ухаантай хүн юм . Биллийг яг өөртөө таарсан хүн юм гэж бодно. Хайр сэтгэлийнх нь халуун омгийг үнэлж бахархана. Шилдэг сайхан юмтай байх гэсэн хүслэ , харамгүй өгөөмөр , цэвэрч нямбай зан байдлы нь бодохоос бусад харчуулаас хамаагүй дээр санагдана. Билл хэзээ ч бүдүүлэг аашлахгүй , усгал зөөлөн харьцааны хариуд нь мөн л тийм байж чадна. Гэхдээ санаачлага Саксоны гарт байсан , тэгэж байх хэрэгтэйг ч Саксон өөрөө ойлгож байв. Билл өөрөө юунаас болж ингэ байгаагаа голцуу мэдэхгүй , ухамсарлахгүй байхад Саксон бүхнийг яруу тод ухааран бодож , Биллийг дээд зэргийн сайн хар хүн гэж үзэх болжээ.
Мер±едес Хиггинстэй ярьсан яриа нь гагцхүү ханмлсан нөхөр Биллийнхээ хайр сэтгэлийг бууруулахгүй хадгалж байх гол зорилгыг нь ухааруулсан төдийгүй , мэдлэгтуршлагаараа баяжуулсан төдийгүй , харин амьдралынх нь ухаарлыг ихээхэн өргөтгөн тэлжээ. Эмгэн Саксоныг хийсэн дүгнэлтээ шалгахад нь туслаж , шинэ шинэ санаа өгч урьдынхы нь тодотгож , гэр бүлийн асуудал бүхэлдээ адармаатай хэр нь чухал болохыг сургажээ. Түүний хэлж айсан ухаан жолоогүй үгнээс Саксон олныг тогтоон санаж , бас олныг нь аль хэдийн тааварлаж байсан ба олныг нь огт ойлгоогүй өнгөрчээ. Гэвч тэр л бүрхүүл цэцэг гээд баахан юмны утга санаа , янаглан хайраа өгөхдөө хэзээд цаанаа юмтай үлдэж бай гэсэн дүмрийг нь сайтар ухааран эзэмшиж чадаад хайр сэтгэлийн талаар энүүнээс илүү оноч мэргэн гүн ухаан байж боломгүй мэт санагдах болжээ. Юм бүхнийг цоо шинэ нүдээр харах болов. Саксон гэр бүл болсон танил хүмүүсээ санаад тэд ямар учир аз жаргал муутаы болсон шалтгааны нь тов тодорхой мэдэх болжээ.
Тэгээд гэр ахуйн ажил , гоёл чимэглэл , биеэ өөд татах талаар урьд урьдынхасаа хамаагүй их анхаарах болов. Арвилан хэмнэхийг хэзээд эс марьавч идэж уух юмнаас шилж сонгон хамгийн сайхны нь авна хамгийн ойрхи уншлагын газар очиж , эмэгтэйчүүдийн сэтгүүл, ням гаригийн хавсралтаас биеэ хэрхэн авч явах тухай зөвөлгөөн завар уншиж тус болох олон юм мэдэж авч байв. Биеэ эрүүл •ийрэг өнгө жалхаа алдахгүй, булчин шөрмөсөө хүчтэй уян налархай байлгахын тулд, гимнастик иллэг тогтмол хийдэг байв. Билл энэ талаар юу ч гадарлахгүй явна. Тэр бүгдийг мэдэж явах хэрэг ч юу байх билээ. Үр шим нь л хамаатай болохоос бусад нь падгүй . Сксон карнегийн номын сангаас хүний бие элдэв эрхний ажиллагаа эрүүл ахуйн тухай ба эмэгтэй хүний эрүүл мэндийн талаар Сара, асрах газрын хүмүүжүүлэгчид, Кэти авгайн аль аль нь ярьж байгаагүй тийм олон зүйлийг мэдсэн ажээ.
Саксон олон уда бодож хэлэлцсэний эцэст эмэгтэйчүүдийн сэтгүүл захиалж хувцас эсгэх тухай боон бас бус зөвлөгөөн нь түүний дур хүсэл, бололцоонд жигтэйхэн тохирч байлаа.
Уг нь уншлагын газар өөр янз янзын сэтгүүл байх тул Саксон тэдгээрээс гэртээ авчирч нэхмэлийн буюу хатгамлын олон тод сайхан зургий нь үзэж ашигладаг болов. Олс давуун эдлэлийн дэлгүүрүүдийн үзмэрүүдийн цонхон дэр удтал харж зогсохдоо тэнд тавиастай байгаа хувцасны намба загварыг судалж бага сага юм худалдаж авахыг нэг удаа завдсан боовч үнэнд нь болоод арга буюу тэр санагаа орхиход хүрчээ.
Яваандаа эмэгтэй хүний эгэл бошинзны оронд нэг их гоё биш боловч гоц ганган франц хатгамал , хуниас нэвтлэгтэй бошинз өмсөх болов. Өвөл өмсдөг хямд ¤аавуун даашинзаа нэхдсээр эмжжээ. Нэг их үнэгүй боловч аятайхан даавуугаар хөхөвч болон цамц хийж өмсөв. Шөнө ундахдаа өмсдөг цамцан дээрээ цэцэгэн хээ тавьж, бас сайхан угааж индүүддэг болохоор тэр нь хэзээд цоо шинэ юм шиг дэгжин харагдана. Парист өглөөний хоол цайны үеэр товгор долгиотуулсан хуниас бүхий хачин хөөрхөн тлвь өмсөх болов гэж сэтгүүлд бичсэнийг нь Саксон олж уншив. Юуны өмнө өглөөнийы тийм хоол цай бэлдэх явдал Саксоны хувьд ердийн хэрэг учир зовох юмгүй билээ. Тодхон цагаан цоохор швейцер ам даавуу , авч чухам ямар товь хийж , ямар маягийн нэхдэсээр чимье дээ хэмээн олон зураг загвар үзэж үзэж хийсэн нэг товийг нь Мерседес Хиггинс ихэд сайшаажээ.
Гэр зуураа өмсөж байхаар сайхан эрээн даавуугаар задгай захтай аятайхан бошинз оёж өмсөхөд зормол мэт мөлгөр цагаан хуруу нь ямагт ил харагдах болов. Дотуур хувцасанд хэрэглэх өдий төдий сүлжмэг нэхсэнээс гадна үдийн хоолон дээр хэрэглэж байх жижиг алчуур , хайрцаг саван дээр тавих , дор нь дэвсэх сүлжмэг олныг оёж авчээ. Ороо бүтээх афган бүтээлэг нэгийг худалдан авахад Билл онцгой их баярлажээ. Өөдсөөр хийсэн хивс , орны урдуур дэвсэх заншил дахин сэргэж байна гэж эмэгтэйчүүдийн сэтгүүлүүдэд бичсэнийг Саксон уншиж мэдээд мөн чингэх болов. Түүнээс гадна мөнгөнийхөө хүрэлцээг хамгийн сайн бөс давуугаар хийсэн ширээний болон орны цагаан даавууу авч янз мягий нь тааруулан шаглан хажааслав.
Ханисан суусан анхны аз жаргал бялхсан тэр хэдэн сар Сакслн нэг ч хормын төдий гар хумхин суусангүй , Биллээ халамжлахыг мартсангүй . Өвлийн улирал эхлэхэд түүндээ ханцуйвч нэхэж өгөв. Билл өглөө гэрээс гарах бүрдээ түүнийг нь гартаа эрхмэлэн хийх боловч булан тойруут аваад халаасанда хийчихнэ. Ноосон цамц хоёрыг нэхэж бас гэрийн шаахай хийж өгсөнд нь мөн туйлын их баярлажээ.
Угаас саруул ухаантай хашир суусан туршлага ихтэй Мерседес Хиггинс Саксонд үнэхээр их тус болж байлаа. Саксон шилдэг сайхан зүйл авахын сацуу бас мөнгө хадаглахыг чухалчлах болов. Юмны үнэ цалингаас түргэн нэмэгддэг тийм нийгмийн байгууллагын нөхцөлд аж ахуйг хөтлөхөд тохиолддог эдийн засаг , санхүүгийн орчин үеийн адармаатай асуудал Саксонд ч тулгарахгүй хаа зайлах билээ . Гэвч хөрш айлуудын авгай нарын худалдаж авдгаас хоёр дахин хямд юм хаанаас хэрхэн авч байхыг Мерседес зааж өгчээ.
Билл хагас сайн болгонд долоо хоногийын ажлынхаа хөлсийг авчирч Саксоны хор¬огчны халаасанд бүгдийг нь хийдэг
байлаа. Билл мөнгөө юу юунд зарсан гэж тооцоо нэхэхгүй, харин и©м сайн хоол үндтай явж хэзээ ч үзээгүй гэж байв.
Саксон мөнгөө зарахаас өмнө Биллийг энэ долоо хоног хэрэглэхийгээ авч хоцор гэнэ. Тэр байтугай дахин авах хэрэг гарвал авч байгаарай гэнэ. Юунд яах гэж хэрэглэхийг нь ч асуухгүй өгнө.
- Чи чинь мөнгөтэй явж занүсан хүн шүү дээ . Эхнэр авлаа гээд мөнгөөр хавчигдах хэрэг юу байна ? Чамайг ингээд байх юм бол би дэмий суужээ гэж харамсана. Эрчүүл бие биеэ дайлах дуртай байдаг , би мэдэлгүй яахав . Эхлээд нэг нь дараа нь бас нэг нь даая гэцгээдэг биз дээ, мөнгө хэрэг болно. Цаадуул шигээ мөнгөтэй байхгүй бол тэднээс дөлөх болно , би чамайг мэдэж байна. Тэгэх дээр хүрвэл муухай биз дээ ? Чамайг найз нөхөдтэй байгаасаа гэж хүснэ , эр хүн найз нөхөдтэй байх хэрэгтэй .
Ингэж хэлэхэд Билл баярлаж тэврээд , чи бол энэ дэлхий дээр хэзээ ч байгаагүй хамгийн гайхамшигтай жижигхэн эмэгтэй гэж үнэн голоосоо магтаад.
- Бодоод үз л дээ ! Би одоо хоол унд сайтай , тохилог сайхан суух болсноор барахгүй, нөхдөө дайлах, бас мөнгө хадгалах боллоо, би ч гэж дээ, чи минь хадаглах боллоо ! Тавилга хэрэглээнийхээ мөнгийг тогтмол төлж байна , ухаан жолоо алдам ийм сайхан эхнэртэй бас хадагламжинд мөнөтэй . Одоо манай мөнгө хэд болоод байгаа билЅэ ?
- Жаран хоёр доллар . Арга ядарсан цагт бага мөнгө биш шүү ! Чи минь өвдвөл яана , бэртвэл яана , юмыг яаж мэдэхэв …
Нэг удаа өвлийн дунд сард Билл их л зовсон байдалтайгаар мөнгөний тухай үг цухуйлгажээ. Унаган найз Билл Мэрфид муу ханиад ханиад тусаж , нэг хүүхэд нь гада тоглож байгаад морин тэргэнд дайруулаад тун базаахгүй байгаа аж . Мэрфи хоёр долоо хоног хэвтэрт байгаап бие нь бас л олигтой сайжрагүй тул Робертс тавин доллар зээлээч гэжээ.
- Айлтгүй , өгөх хүн . Бид хоёр бага сургуульд сурч байсан , гүндүүгүй сайн злуу Билл учирлав.
- Тэр яах вэ , чи эхнэр аваагүй байсан бол цаадахдаа мөнгөө шууд зээлүүлэх байсан биз дээ ? гэж Саксоныг асуухад Билл толгой дохино.
- Тэгэхээр эхнэртэй ыболлоо гээд өөр болох ёсгүй . Ер нь чиний л мөнгө шүү дээ , Билл минь.
- Хаанаас ш, юу гэсэн үг вэ ! Ганц минийх биш манай мөнгө , Чамтайгаа ярилцалгүй хэнд ч зээлүүлэхгүй шүү гэж Билл дуу алдав.
- Цаадахдаа арай ингэж хэлээгүй биз дээ ? гэж Саксон сэтгэл зовиносон янзтай асуув.
Билл инээж.
- Яалаа гэж . юу гэж чамайгаа тэгж уурлуулахав. Мөнгө олохыг бодьё гэж хэлсэн . Мөнгө байгаа хойно чамайг зөвшөөрнө гэж дотроо итгэж байлаа даа .
- Өө, Билл минь чи надтай сууснаасаа хойш хэлсэн хамгийн сайхан үг чинь энЅ байна гэж Саксон хайр сэтгэлдээ догдолсон хоолойгоор шивэгнэн хэлэв.
Саксон , Мерседестэй олон удаа уулзах тусам түүнийг ойлгох нь багассаар байж . Тэр эмгэний хачин харамчийг нь төдхөн мэдсэн бөгөөд урьдын цагт тийм их үрэлгэн , туйлж явсан хүн гэхэд одоо ийм хорголоо тоолсн хувхай зантай болсон нь хачирхалтай санагдана. Нөгөө талаар, Мерседес өөрийнхөө төлөө юугаа ч харамнахгүй нь гайхалтай . Гар сүлжмэгтэй бошинз нь маш их үнэтэй байлгүй яахав. Нөхрөө хоол ундаар овоо байлгана, гэхдээ өөрөө хавьгүй их хэрэглэнэ. Хоолоо хамтдаа сууж иднэ . Гэвч Барри жоохон нүдсэн мах идээд боллоо гэдэг бол Мерседес шувууны буюу загасны хамгийн зөөлөн махы нь идэх бөгөөд нөхөртөө хонины хэсэг мах өгвөл өөрөө сайхн амтлаж хийсэн гонзгой махан шанз зооглоно. Цай кофе хоёроо ч тусдаа чанаж ууна. Барри хорин таван центийн цайнаас том сэнжтэй аягаар ууж байхад Мерседес гурвал долларын сайхан үнэр ханхалсан ундааг өнөдөгний хальс шиг нимгэхэн бүдэг ягаан өнгөтэй жижигхэн гангар шаазангаар ууж сууна . Кофе уухдаа ч өөрцгүй . Барри хорин таван центийн сүүтэй кофе уухад Мерседес наян центийн турк кофе зөөхийтэй ууна.
- Өвгөн тэртэй тэргүй болж байна гж боддог байв. Энэнээс илүү юм хэзэ ч үзээгүй хүн, тэгэхээр их үнэтэй юм түүнд зарвал нүгэл болно гэж Саксонд ярих аж .
Хөгшин залуу хоёр авгай нэг ёсны арилжаа наймаа хэлэлцсэн байна. Саксонд укулеле хөгжим сургаад эмгэн хэлэхдээ одоо ийм хөгжөөнтэй хөгжим дарж суух нас минь өнгөрчээ. Тэгэхээр өнөөх хийж өмссөн товь малгайгаар сольчихгүй юу гээд :
- Укулеле бас нэг хэдэн долларын үнэ хүрнэ. Би хорин доллараар авсан юмдаг , аль язгуурын юм даа . Гэхдээ товь малгай зэрэг үнэтэй байлгүй яахав. Укулеле дарна гэдэг маань хөнгөмсөг зан болжээ гэхэд Саксон ,
- Товь ч гэсэн хөнгөмсөг зан биш үү ? гэж асуувч дотроо тэр авгайн тийм наймаа хийх гэсэнл нь тун дургүй байв.
Мерседес үнэнээ хэлэв.
- Миний буурал үсэнд таарахгүй л дээ, өөр хүнд зарна . Би % үе мөчний өвчин хөдлөхгүй, гар өвдөхгүй цагтаа хийдэг юмныхаа ихэнхийг зарчихдаг хүн шүү дээ . Хонгор минь , өвөгний маань тавин доллар миний хээгцээнд хүрдэг гэж та арай бодоогүй биз дээ ? Би чинь дутасныгаа өөрөө нэмж олдог хүн байхгүй юу . Злуучуудыг бодвол настай хүмүүст илүү их юм ордог гэж мэдээрэй . Хэзээ нэг цагт та өөрөө мэднэ дээ , гайгүй .
- Би солих их дуртай байна . Даавуу авах мөнгөтэй болсон цагтаа шинийг хийж авна.
- Хэд , хэдийг хийгээрэй . Би худалдамз . Харин борлуулж өгснийх хэдэн хувийн шагнал авна шүү. Нэг бүрийг нь би зургаан долларар авч байх болно. Үлгэр загвары нь хоёул үзэж байгаад сонгоё . Танд ч гэсэн тийм малгай хийх даавуу шуувуу авахад илүү их мөнгө үлдэнэ.