1308215072-saran hondii.jpg

 

Хоёрдугаар бүлэг - Есдүгээр хэсэг


 


Гайтай санамсаргүй юм голдуу ялимгүй юмнаас үүсдэг жам бий Пайн гудамжинд том жижиг хүүхдүүд тоглож байхыг Саксон цонхныхоо дэргэд суугаад харах зуур мөдхөн мэндлэх ёстой өөрийнхөө хүүхдийн тухай бодож байж . Нар дуниартан гийүүлж тэнгэрийн зүгээс сэвшэлэх салхинд хужирлаг үнэр үл ялиг мэдэгдэнэ. Гэнэт нэг хүүхэд Долдугаар гудамжны зүг заалаа. Хүүхдүүд цөм тоглоомоо орхиод тэр зүг харж хуруугаараа бас заацгав.
Тэгснээ хэдэн хэсэг болон бөөгнөрөв , арваас арван хоёр насны овоо торниун жаалууд тусдаа нэг бүлэг болж , томхон хоид нь их л айж цочсон байдалтайгаар нялх дүү нараа авч өргөв.
Хүүхдүүд чухам юунаас тэгтлээ гэлмэн цочсоныг Саксон хараахан олж хараагүй боловч томруун жаалууд нь хурдан гүйлдэж суваг дээрээс чулуу түүж аваад байшингуудын хоорондуур нуугдаж буйг хараад сая л үймсэн шалтгааныг гадарлав.
Жижиг хүүхдүүд томчуулаа дуурайна. Охид нь жижиг дүү нараа гэр гэрийн зүг авч яван энд тэндгүй хаалга наяигнуулан муусайн байшингуудынхаа довжоон дээр шуугилдан гүйлдэн гарч харагдана. Үүд хаалга дуу чимээтэй нь аргагүй хаагдахад нь гадаа эл хуль боллоо . Харин айж Іүгшсэн царайтай авгай хүүхнүүд цонхоо хагас онгойлгож ийш тийш харна. Төв гудамжнаас хөдлөх галт тэрэгний уухилах хөдлөх чимээ Саксонд сонсогдов. Дараа нь долдугаар гудамжны зүгт олон эрчүүлийн сөөнгтөн хашгиралдах чимээ гарлаа. Хараахан юу ч харагдхгүй байсан боловч тэр гарсан ду чимээг сонсоод Мерседесийн “Тэд чинь яс булаалдах нохой шиг бие биенээ хэмэлдэг юм . Булаацалдаж байгаа ажил нь яс л гэсэн үг шүү дээ” гэж хэлсэн үг өөрийн эрхгүй санагджээ.
Хүмүүсийн хашгиралдах чимээ ойртоход Саксон цонхоороо толгой цухиулган харвал цагдаа, тагнуул этгээдүүд арваад урвагчийг хамгаалан дагалдаж явна. Тэд эдний байшин байдаг гудамжний яг тэр талаар жагсан эгнэж явах агаад араас нь ажил хаясан зуу орчим ажилчин эмх замбараагүй хашгиралдан байн байн чулуу шүүрэн авч явна. Саксон ихэд цочин айж хамаг бие нь чичрэх янзтай болоход сэтгэл их догдолбол муу болно гэж бодоод биеэ барьж зоригоо чангалав. Мерседес Хиггинс авгай тэднийг тухатайхан харах гэж өндөр довжоон дээрээ сандал тавьж суугаад жигтэйхэн таван ажиглаж харж эхэлсэн нь Саксоны биеэ барихад нэлээд тус болов.
Цагдаа нар гартаа борооµой барьжээ. Тагнуулууд нь гар хоосон юм шиг харагдана. Ажил хаягчид араас нь хараал тавин занал зүхэхээс хараахан хэтрэхгүй явж байсан боловч хүүхдүүд уг байдлыг хурдан өөрчлөгөхөд хүргэлээ. Олсен , айшим хоёрын б айшингийн хоорондуур явж байтал нь гэнэт чулуу шидэж эхэлжээ. Ихэнх нь хүрэхгүй байсан боловч Саксоноос хорин алхмаас холгүй явсан нэг урвагчийн толгойг онов. Тэр хүн гуйваж бүдэрч яваад хашааных нь хаалган дээр хүрч ирмэгц халааснаасаа гар буу гаргав. Нэг гараараа нүдрүүгээ урсах нүүрнийхээ цусыг арчиж, нөгөөхөөр гохоо даран Айшэмийн байшин руу буудлаа : Тагнуул түүнийг дахин буудахаас нь өмнө гараас нь шүүрэн барьж чирэн явав. Ингэхэд ажил хаягичд улам чангчанг занан хашгиралдаж , Саксон , Мэгги Донэхью хоёрын байшингийн хоорондох баахан чулуу мөндөр мэт бууж грах нь тэр. Урвагчид ба тэднийг хамгаалагчид зогтусан зогсож гар буугаа гарган ирэв. Зодоонд мэргэжсэн тэр хүмүүсийн нүүр царайнд илрэх шийдэмгий ширүүн догшин байдлыг харахул тэд цус урсгаж , хүний амь сүйдлэхээсээ сийхгүй улс болхоыг Саксон даруй ойлгожээ . Тэдний удирдагч бололтой нэг хүн нарийн бүрх малгайгаа авч халзан толгойныхоо хөлсийг арчиж харагдав . Тэр бол бие томтой бэлцгэр тарган, харахаас нэлээд болхи хүн мэт бөгөөд янжуур зуусан байх ба хууз нь тамхины утаанд эндтэндгүй шарлжээ. Мөр унжуу, нуруу бөгтгөр, хоёр мөр нь нэг х г болсныг Саксон ажиж амжжээ.
Тагнуулуудын нэг ньнэг тийш заахад бусад нь инээлдэв. Тэгсэн чинь дөрвөн настай нэг жаал яагад ч юм эхийнхээ хараанаас мултарч дааж ядан ахдмаар чулуу барьчихсан томчуулын “Чөтгөр алгадмар” “Чөтгөр алгадмар” , “Чөтгөр ! ” гэсэн үгийг ууртайгаар чанга хашгирч нүүр нь улайчихсан майга хөлөө алцадзуулан ангийнхаа атаат дайсны зүг гүйж явна. Хингинс дооглон инээлдэхэд уур нь улам их хүрэв бололтой . Тэр жаал баацагнан гүйж очоод гар дахь чулуугаа шидэхэд тэр нь өөрөөс нь дөрөв таван алхмын дайтай унав. Энэ бүхнийг Саксон түүнчлэн нялх хүүхдийнхээ хойноос гүйж гарсан Олсен авгай ч харжээ. Ажил хаягчдын дундас гар буун дуу пасхийхэд Саксон цонхныхоо дор буй хүмүүс рүү харав. . Нэг нь унжсан зүүн гарынхаа салаа булчинг хараад жигтэйхэн хараал тавьж байв.
Гарынх нь цус хурууныхаа салаагаар чив чив дуслах харагдана. Саксон хараад байх хэрэггүй юм гэж бодох боловч дайчин баатарлаг өвөг дээдсийнх нь эрэлхэг зориг уламжлан үлдсэн бололтой, эмэгтэй хүний аймхай байдал нь гэнэт үүссэн тулалдааны явцад Саксон жирэмсэнээ мартаж, янжуур татж явсан тарган байсан тарган хүнтэй тохиолдсон явдлыг хармагц ажил хаягчид ба бусад бүх юмыг мартжээ. Тэр хүн яагаад ч юм толгойгоо хашааны шонгуудын хооронд хавчуулсан харагдана, бие нь хашааны гадна унжиж , өвдөг нь бараг газар шүргэнэ. Бүрх малгай нь ойчиж , халзан толгой нь гялалзана. Зууж явсан янжуур нь ч алга . Тэр хүн Саксон руу хараад шонд хавчигдсан гараараа ямар нэг дохио өгч, нүдээ ирмэх мэт харагдах боловч амь тэмцэн өвдөхдөө нүүр ам нь татвалзаж байсан хэрэг аж.
Гэтэл ганц хоёр секундын дараа Бертийн дуу гарчээ . Харвал мань эр байшингийнхаа дэргэдүүр явган хүний замаар гүйж аоаас нь ажил хаягч хэдэн хүн дагалдан гүйнэ.
Берт “Сүүлчийн могиканууд минь наашаа!, Эдэнд үзүүлээд өгөмз” хэмээн хашгирч байв.
Зүүн гартаа ёотуу , баруун гартаа гар буу барьж , сум нь дууссан тул замгийг нь хоосон тачигнуулна. Берт гэнэт ёотуугаа газар алдан зогтусаад Саксоны зүг эргэснээ юу юугүй унах нь гэиэл нүд ирмэхийн зуур эгцлэн зогсож дайран ирэх урвагчийн нүүр руу гар буугаа шидээд тэр дороо салганан гуйвж өвдөг нугарч эхэлтэл хар хүчээ шавхан хаалганы шонгоос баруун гараараа шүүрэн барьж газар суух гэж байгаа юм шиг аажмаар доошлон эхлэв. Энэ хооронд ажил хаягчид дэрэгдүүр нь гүйлдэн өнгөрч байлаа . Жинхэнэ хайр найргүй тулалдаан болов. Урвагчид тэднийг хамгаалагч цагдаа, тагнуулууд амьтанд хөөгдсөн гөрөөс шиг Саксоны хашаанд нуруугаа наан үзэлцэх боловч зуун хүний довтолгооныг дийлэхгүй байлаа . Муна ёотуу гяласхийж, гар буу пасхийн том чулуу хоёр алхамын зайнаас нисэн хүний толгой хаг хаг цохиж байв. Бертийн найз зургаан сартай хүүхдийн эцэг Фрэнк Дэвис гэдэг залуу, ажил хаягч тасалдуулагч нэг хүний гар буу тулган будахыг Саксон харлаа. Хүмүүс хоолойгоо сөөгтөл хашгиралдан занаж, хараал тавих, ёолох чимээ тасрахгүй байна. Мерседесийн хэлдэг үнэн юм . Тэд хүний нэгэнт байжээ. Яс булаалдан хэмнэлдэж, яснаас болж бие биенээ алж байгаа нь харагдлаа . “Ажил гэдэг чинь яс ” , “ажил гэдэг чинь яс” гэж Саксон дотроо дахин дахин хэлэх бөгөөд хичнээн хүслээч гэсэн цонхноосоо холдож чадахгүй, яг л саа өвчин туссан мэт хаашаа ч хөдлөхгүй болжээ. Тархи нь ажиллахыг болив. Хэл нь үг хэлж чадахгүй татчих шиг , нүднийх нь өмнө кино тууз хачин хурдан хурдан жирэлзэн өнгөрөх мэт тэр аймшигт явдлуудыг дэмий л нүд дүрлийлгэн ширтэн суусаар амуй. Тагнуул , цагдаа , ажил хаягчид , үхэтхийн үхэтхийн унах нь харгдана. Ажил хаяхыг татгалзсан хүнд шархтай нэг хүн өршөөл гуйн сөгдөн гуйхад нүүр рүү нь өшиглөж байв. Түүнийг аргаш унан савж унахад өөр нэг ажилчин хүрч очоод цээж рүү нь яаралтайгаар сумаа дуусан дуустал буудлаа. Өөр нэг татгалзагчийг багалзуурдан хашаан дээгүүр толгойгоор нь давуулж хаяад гар бууны бөгсөөр нүүр рүү нь нүдэж гарав. Даанч хайр найргүй нүдэж харагдана. Саксоны таньдаг Честер Жонсон гэдэг ажилчин байж . Саксон , хүнтэй суухын өмнө иүүнтэй нэг биш удаа бүжиг хийж үзэхдээ зэгсэн зөөлөн бодь сэтгэлтэй хүн шиг санагддаг байж . Нэг удаа баасан гаригт хотын захиргааны байранд концерт үзсэний дараа тэр залуу, Саксоны өөр хоёр хүүхний хамт Арван гуравдугаар гудамжин дахь жижиг ресторанд урьж оруулаад тэндээсээ нэг зоогийн газар орж нэг нэг аяга шар айраг уугаад гэр гэртээ харьж байсныг Саксон саналаа. Гэтэл одоо чухам тэр Честер Жонсон ингэж байна гэхэд итгэх аргагүй . Гэнт нөгөө бүдүүн тарган эр толгой нь хашааны шон дунд хавчуулагдсан хэвээо боловч ёул гараараа гар буугаа авч нүдээ махчин араатан мэт гялалзуулан бууныха амыг Честерын бөөрөнд тулгав. . Саксон сүйд болох нь хэмээн дохио өгч хашгирахад залуу сонсоод эргэн хартал нь бүдүүн эр гохоо дарав. Честер алагдсан нэг урвагчийн хүүрэн дээр үхэтхийн унав. Тийнхүү сараалжин хашаан дээр гурван хүний хүүр үлдэх нь тэр.
Одоо Саксон юунд ч гайхахаа больж , ажил хаягчид хашаан дээгүүр нь даван орж ирээд хэдэн бут цэцгийг нь дэвслэн , Мерседес , тэдний байшингийн хоо°ондуур гшүйлдэг орж байхад огтхон ч хирдхийсэнгүй. Галт тэрэгний буудлын зүгээс пайн гудамжаар төмөр замын цагдаа , тагнуулын анги гарч зам зуураа буу тавьсаар байв. Харин нөгөө талаас цагда пиг дүүрэн суусан машин хонхоо дуугаргасаар хүнгэнэн гарч ирэв. Ажилчид урхинд орж . Тэд гагцхүү байшингуудын хоорондуурах зайгаар орж тэндээсээ арын байшингуудын хашаагаар нэвтрэн зугадахаас өөр гарцгүй аж . Гэтэл ганц газар шахцалдан чихэлдэж байж олон хүн гарч чадсангүй . Арваад ажилчин Саксоны байшингийн довжоо хана хоёрын завсар хавчигдсаныг цагдаа нар далимдуулан тэднийг зүгээр б аривчлахыг бодохгүй , харин улангассан тэр этгээдүүд бүгдийг буудан унагалаа.
Тийнхүү цуст яраглал болсны дара Саксон зүүд наойрон дунд буй мэтээр хагас ухаантай юм довжооныхоо хэсгээс барьсаар буув. Нөгөө булиа эрийг хоёр цагдаа суллан гаргахыг оролдож байхад мөн л нүд ирмэн гараа савчсаар харагдана. Хашааны халганы нугас эвдэрсэн байна. Саксон чухам хэдийд хэрхэн ийм болгосныг ажаагүйдээ ихэд гайхав.
Бертийн нүд аниастай, уруул ам нь нэл цус болж, хоолой нь хэржигнэн нэг юм хэлэх гээд байгаа бололтой . Хүний гутлын уланд шархдсан х црынх нь цусыг Саксон алчуураар арчиж байхад Берт нүдээ нээлээ . Үзэн яд х өнөөх л харц нь хэвээр . Саксоныг танихгүй байв. Уруул нь хөдлөж, нэг юм нэхэн санав бололтой, сонсдохтой үгүйтээ
- Сүүлчийн могикан , сүүлчийн могикан … гэж шивэгнэв.
Тэгснээ ёолж эхлэн нүдээ дахин анилаа . Амьд нь амьд байгааг Саксон мэдэв. Бертийн цээж жигтэйхэн оволзож, хоолой нь түрүүчийн адил хэржигнэсээр байна.
Саксоныг харахад Мерседес хажууд нь ирж зогсон нүд нь гялалзаж , атираатай хацар нь улаа бутарчээ.
- Та энэ хүнийг манайд оруулаад өгөхгүй юу . гэхэд Мерседес толгой дохисноо тэнд байсан нэг цагдааг туслалцаад өгөөч гэлээ . Цагдаа Бертийг хяламхийн хараад аратан мэтээр уурлан заналт нүд ёлтолзуулан
- Чөтгөр алгадмарыг ! Бид өөрснийгөө яая гэж байхад гэв.
- Хоёулаа дөнгөх үү ?
- Битгий тэгэж тэнэглэ гээд Мерседес Олсен авгайг хуругаараа дуудав. Тэгснээ Саксонд : Жижигхэн эх минь та гэртээ бушуухан ор. Энд байх хэрэггүй, бид хоёр оруулчихна . Олсен авгай ирж явна , бас Мэгги Донэхьюг дуудья гэлээ.
Урьд Бил хоосон балгахгүй гэж тавилга хэрэгсэлтэй болгосон , гал тогооны цаадхи өрөө рүү Саксон тэднийг дагуулан явж үүдий нь нээхэд шалных нь хивс хамгийн түрүүн нүдэнд өртөв. Тэр өрөөг тохижуулахад Берт туслаж байсныг Саксон саналаа . Бертийг орон дээр хэвтүүлэхэд урьд тэр орыг нэг сайн өдөр оруулж тавихад Берт бас хамжилцаж байсныг Саксон мөн саналаа.
Тэгтэл Саксон бие нэг их хачин болоход Мерседес өөдөөс нь сэтгэл баахан зовсон, яах вэ гэсэн янзтай харж байв.
Төдөлгүй зовиуртай санагдан гагцхүү эмэгтэйчүүдийн амсдаг онцгой , тэсэх арагүй мэт өвдөлт эхэлжээ. Цаадуул нв Саксоныг унтлагынх нь өрөөнд бараг өргөж оруулв. Мерседес , олсен , Мэгги Донэхью гурав тойрон зогсчээ . Жаал Эмилийг гудамжнаас зайлуулж чадаснуу гэж Олсен авгагааас асуухыг саксонхүссэн боловч түүний нь Мерседес Берт дээр оч гэж явуулчихав. Гадаа үүд тогшиход Мэгии Донэхью хэн болохыг мэдэхээр явлаа . гадаа хүмүүс чанга чанга ярилцах , харааж зүхэх , хашгирах , зандрах тушаах дуу гарч бас эмнэлгийн ба цагдаагийн машины дохио гэнэ гэнэ тасхийнэ.
Дараа нь үдийн нар шиг малгар Марта Скелтон авгай , бас Гентли доктор ч ирлээ.
Базалж өвдөх нь түр намдахад нимгэн хананы цаанаас Мерийн цөхрөн хашгирах дуу гарч , дараа нь ,
- Би юу болсон ч угалгын газар буцаж очихгүй . Хэзээ ч , Хэзээ ч очихгүй гэж байн байн хэлж байх нь сонсдоно.