1308215072-saran hondii.jpg

 

Хоёрдугаар бүлэг - Арван дөрөвдүгээр хэсэг




Биллийн нүдний хавдар харьж , шарх сорви нь хэдхэн хоногийн дотор гайхмаар түргэн эдгэрчээ . Бие мах бод нь гойд чийрэг чадалтайда л тийм хурван эдгэсэн хэрэг. Нүдэн доорхи хөх нь л үлдэж хоёр долоо хоногийн турш цав цагаан царайд нь гойд содон харагдав. Харин тэр хоёр долоо хоногийн дотор чухал чухал явдал цөөнгүй гарсныг дурдвал :
Отто Фрэнкийг шүүн таслах ажил ихээхэн сунжирч худалдаа үйлдвэрлэлийн эздээс голдож бүрэлдсэн тангарагтны шүүгчид түүнийг буруутай гэмтэн этгэд хэмээн цаазаар авах ял оноосон тул мэдээж хэрэг , шүүхийн тогтоолыг ёсоор гүйцэтгэх гэж түүнийг Сан – Квентиний шоронд аваачжээ .
Честер Жонсон ба бусад арван дөрөвийн хэргийг шүүх ажил улам илүү сунжран үргэлжилсэн авч мөн л тэр долоо хоногийнхоо шувтаргаар дуусав. Жонсоныг дүүжилж алах , хоёрыг нь цагаатгаж бусад долоог нь хоёроос арван жилээр шийтгэжээ.
Саксон энэ бүхнийг сонсоод ихл гуниглаж байв. Биллийн урам улам хугарсан боловч дайчин омог нь дарагдсангүй .
- Дайн тулаанд хүний амь сүйдэхгүй өнгөрдөггүй дээ . Харин оноосон ялы нь гайхмаао м . Хүн алсан гэж буруутвал бүгд л буруутна , аль эсвэл хэн ч буруутах ёсгүй байсан. Бүгдийг нь хүний амины хэрэгт холбогдуулбал бүгдийг адил шийтгээд Жонсоныг дүүжилсэн шигээ бүгдийг дүүжлэх ёстой байсан , эсвэл хэний нь ч дүүжлэхгүй байсан. Шүүгчид яахаараа тийм шийд гаргадаг билээ учры нь хөөцөлдөж олохсон . Хэний ч хэдэн жилээр таслах вэ гэж магад хонжворт сугалаагаараа юмуу хуруу гаргаж шийдсэн байх. Яахлаараа Жонни Блэкт дөрвөн жил өгсөн байж Кол Хэтчинскинд хорин жил өгсөн юм бол ? Нэгэнд нь аз таарсан м шиг болжээ . Энэ янзаар бол Кол Хэнтчинст дөрвөн жил өгөөд Жоннид хорин жил өгөхөд болох л байж .
Би хоёулнг нь бүр багаас нь мэднэ . Тэр хоё чинь Аравдугаар Киркхэм гудамжины хүүхдүүдтэй бас манайхны хүүхдүүдтэй ч тоглодог байсан юм . Бид хичээлээ тарчихаад элсэн харгиа руу юмуу , хөвдөг док руу очиж усанд орохоор явдаг байсан юм . Тэнд ус нь гурваас таван метр гүнзгий гэдэг байсан юм , энэ ч худал байх л даа . Бид нэг пүрэв гаригт очоод баахан дун хорхой олоод , тэрнийгээ худалдах гээд баасан гаригийн хичээл таслаж ! байсан юмдаг. Чулуун хана гэдэг газар очиж сагамхай загас барьдаг байсан. Яг нар хиртэж байхад Кол хаалгаар багтмааргүй том гэгчийн алгана барьж билээ . Би тийм том загас насандаа үзээгүй … Гэтэл одоо тэр залуу маань үмхий шоронд хорин жил суух болж байна шүү дээ . Эхнэр аваагүй явсан л яамай . Наана нь сүрьеэгээр үхчихгүй бол бүр өтөлсөн хойноо гарах юм байна … Эх нь усанд живж үхэх вий гэж нээг их айдагсан , усанд шумбасан байж магадгүй гэж сэжиглэвэл үсий нь долоож үзээд давс амтагдвал суран бүсээр ороолгодогсон . Мань эрч их хаширлана. , гэртээ ирхын алдад нэгийг нь хашаанд ороод цоргоны усаар толгойгоо угаачихна .
- Би Честер Жонсонтой олон удаа бүжиг хийж үзсэн . Эхнэртэй нь бишгүй л тааралдаж байсан , харин Китти Брэндтэй тааралдсанас хойш уджээ . Бид хоёр чинь Карэтоны үйлдвэрт хамт ажиллаж басан улс .Сан – Франциско руу хүргэнийдээ очно гээд явчихсан юм . Китти одоо жирэмсэн. Их хөөрхөн хүүхэн байсан _ мөн ч олон залуу эргүүлдэг байж билээ .
Хатуу шийтгэж цаазалсан явдал эрх баригчидад бодож байснаас ажил хаягчдад огт өөр сэтгэгдэл төрүүлж , тийм ял цээрлэлээс хүмүүс айж гэлэмсэнгүй харин ч уур хилэн нь бадарчээ . Сксон Биллийг бөөцийлж , Билл ч дэмий зодоон хийсэндээ гэмшиж байсан тэр үед тэр хоёрын бие биенээ хайрлах нь урьдын адил галын дөл мэт дүрэлзэж эхэлсэн боловч тэгсгээд бас л замхарч Билли голцуу хөмсөг зангидан аман дотроо үглэх болж тодорхойхон ярих болбол сүүлчийн могикан Берт нас бархынхаа өмнөхөн хэлдэг байсантай тун төстнй юм бурах болжээ . Тэгээд хэдэн өдрөөр гэртээ орж ирэхийг больж дахин архидаж эхэлсэн байна.
Саксон бүр горь тасарч хичнээн аймшигтай эмэгнэлт явдал чухам хэдийд дуулдах бол хэмээн түмэн янзаар бодохдоо Биллийг нэг мэдэхэд хүмүүс дамнуурган дээр дамжилсаар орж ирэх байх л гэж бодно. Аль эсвэл булангийн мухлагийн утсан дээр хүн ярья гэж байна гэж дуудаад танихгүй хүн утсаар танай нөхөр чинь эмнэлэгт хэвтсэн гэх юмуу шарил хадгалах газар байна гэх биз хэмэн үргэлж зовох болжээ . Харин хүний адуу морийг хорлож гэнэ , ердийн тээврийн том эздийн нэгнийх нь байшинг тэслэх бодисоор дэлбэлсэн гэнэ гэсэн мэдээ сонсогдохоор Билл одоо шоронд ороод ялтны судалтай эрээн цамц өмссөн байх , эсхүл Сен – Квентийн дүүжлүүрийн газар хүргэгдээд Пайн гудамжин дахь энэ жижиг байшинг нь сонины сурвалжлагч , гэрэл курагчид бүчээд авах шиг санагдах ажээ .
Гэтэл тийм гай ирсэнгүй , өөр гай дайрсан байна . тэднийд суудаг Гармон ажилдаа явахаар гал тогооных нь өрөөгөөр өнгөрөн гарахдаа өчигдөр Элвайцо намгийн тэнд галт тэрэг онхолдож жолооч нь доогуур нь орчихсон хэрнээ гэмтээгүй , харин тэр дороос гарч чадахгүй байтал усны долгио түрэн айсуйг хармагц айхдаа намайг буудаатах гэж хашгирч байсан гэнэ гээд Саксонд яриад зогсож байтал Билл гаднаас орж ирлээ . Нүд нь ёозгүй гялалзаж , зовхи нь бөлцийснийг ажвал бас л архидсан нь андашгүй ажээ . Билл Гармон ру ууртй харж , авгайтйгаа ч мэндлэхгүй явж очоод хана түшэв.
Гармон эвгүй юм болж буйг ойлговч ажиглаагүй юм шиг царайлан
- Би танай гэргийд нэг сонин юм болсонтухай сая ярьж байлаа … гэтэл Билл үгий нь галзуу мэт таслан .
- Та миний эхнэрт юу ярьж өгсөн ч падгүй Би эрхэнмд хэлэх гэснээ хэлмээр байна ! Миний эхнэр таны ор дэвсгэрийг хурааж өгөхөд хүрч байна , энэ надад огт таалагдахгүй байгаа шүү ! гэхэд Саксон уурласан гомдсон ичсэндээ царай барайлган ,
- Билли болиоч ! гэж хашгирахад мань эр дуулаагүй царайлав.
Гармон бүр зовчихсон
- Юу болж байна даа , би ойлгохгүй байна гэв.
- За чиний наад царайгий чиэь харахаас ой гутаж байна . Нэг үгээр хэлэхэд одоохон зайл , би чамайг гэртээ байлгахгүй ! Тонил! Сүнсээ ч энд бүү үлдээ ! Мэдэв үү ! гэж Билл агсран хашгичав.
Саксон бүр зовж мьсгаа давхцан галчийн чихэнд
- Яасны нь мэдэх юм алга , ухаан солиу байна наадхи чинь . Бурхан минь , яасан муухай , яасан ичгүүртэй юм болж байна даа гэхэд Билл өөдөөс нь эргэн харж
- За чи амаа тат , чамтай ярьсан хүн алга ! гэв.
- Гэсэн ч Билл минь , чи юу хэлж байгаагаа бодоо ч гэж Саксон ятгахыг оролдлоо.
- Таныг би манайхаас зайл ! гэж байна шүү. Харин чи өрөөдөө оч .
- Та яаж байна , хүнтэй ингэж ярьж болдог юм уу ? гэж гармон сая л ам нээлээ .
- Харин ч таныг их удаан тэвчсэн гэж мэдээрэй ! гэж Билли уухилав.
- Би төлөх хөлсөө зохих ёсоор нь өгч байсн байхаа ?
- Би над толгойгий чинь хага цохих байж , одоо ч гэсэн хожимдохгүй байна л даа .
- Билли чи арай хэтэрч байгаа юм биш үү … гэж Саксон хэлтэл Билли,
- Чи энд байсаар л байна уу ? Чамайг одоохон өөр өрөөнд ор гэж байна , аль эсвэл хүчээр орох гээд байна уу ? гээд тохойноос нь барьж авахад Саксон мөчөөрхөж үзлээ . Гэтэл хуруу нь булчингий нь тасчиж орхимоор өвтгөж эхэлсэн болохоор тийм хүчтэй юманд мөчөөрөхөөд ямар ч ашиггүй болохыг ойлгоод арга буюу өдхөн аяы нь дагахаас домгүй болов.
Саксон зочныхоо өрөөнд ороод түшлэгтэй сандал дээр лагхийн сууж эхэр татан уйлах зуур гал тогоонд юу болж буйг чагнав.
- Ямарч болтугай би мөнгөө төлсөн болохоор энэ долоо хоногийг дуустал байх болно гэж галч хэлэв.
- Сайхан мэдээрэй , новштой чинь хамт сарампай болгоод хаяна , Тэвчээр минь хэдийд ч алдагдаж мэднэ шүү , сайхан мэдээрэй ! гэж Билл маш удаан бараг дуу аялах мэт яривч уурандаа хоолой нь чичэрч дуулдана.
- Та нэрд гарсан хэрүүлч , зодоончил доо , би мэдэж байна … гэж галч хэлж эхэлтэл дэлсээд авах чимээ гарч тэгснээ шил хагарч довжоон дээр зодолдох дуу гарч шатаар хүний бие өнхөрөн унах бүдэг чимээ сонсдоно. Билл гал тогооны өрөөнд буцаж орж ирээд юм хүм түчигнүүлж байснаа үүд хавийн хагархай шилийг шүүрдэж байгаа бололтой . Тэгснээ цоргын усанд нүүр гараа угаагаад арчих зуур исгэрч байснаа өрөөнд нь орж ирэв. Саксон өөдөөс нь харсан ч үгүй . дэндүү муухай , дэндүү сэтгэл зовмоор юм болсон санагдана. Билл ямар нэг юм бодсон янзтай тээнгэлзэсхийн зогсож байснаа .
- Би хот явлаа . Манай эвлэлийн цуглаан болно. Намайг ирэхгүй бол энэ муу нохой шүүхэд заргалдсан байна гэж мэдээрэй гээд үүдний өрөөний хаалгыг нээн зогсов. Өөр рүү нь харж буйг Саксон мэдэж байлаа . Үүд хаагаад шатаар уруудан буух чимээ сонсдов.
- Саскон туйлын их гайхаш тасарсан болохоор бодол санаа нь тогтож чадахгүй , юу ойлгохгүй байна . Имй юм болно гэж хүнйи ураманд бодсонгүй , ухаанд нь багтамгүй санагдана.
- Гудамжинд тоглох хүүхдийн дуу чимээнээр Саксон сэргэх шиг болж харвал нэгэнт орой болжээ . Дэнлүүгээ харанхуйд тэмтэрч олоод асаалаа . Тогоонд болголгүй түүхий үлдээсэн үдшийнхээ хоолыг хараад баахан зогсоход уруул нь өмөлзөх мэт чичрэнэ. Зуухны гал уньарч төмс чанаж байсан савтай ус ширгэж , тагий нь онгойлгоход хярвас үнэртэж байв. Саваа дор нь юүлэн цэвэрлэж , гал тогоогоо аялуулж маргааш идэх төмсөө цэвэрлэн хэрчиж тавиад орондоо хэвтэв. Ийм атйван хэнэггүй байдал нь түүний зан биш боловч энэ удаа тийм байдалд хүчтэй автагадаж тэгсэн дээрч дэрэн дээр толгой тавимагц дугжирч, өглөө нар дээр гарсан хойно сая сэрсэн байх юм .
- Биллийн явсан анхны шөнө ийнхүү бөх унтаж санаа огт зовоогүйдээ их гайхан нүдээ нээгээд тухайлан бодсон зүйлгүй мэлрэн хэвтэж байснаа гараа хөндийрүүлэхийг ажиж үзвэл өчигдөр орой Биллийн базсан газар нь том гэгчийн хөх няц болсон байв. Хорвоод хамгийн хайртай хүн нь ингэснийг үзээд Саксон гайхсангүй, харин дөнгөж базмагцаа ийм болсныг бодохоос эр хүн яасан аймаар их хүчтэй байдаг юм гэ гайхжээ . Тэгээд өөр олон таван юм огт бодолгүй : Чарли Лонг , Билл хоёрын ал нь илүү тэнхээтэй бол ? гэж өөртөө огт хамаагүй юм шиг бодов.
- Хувцасаа өмсөж галаа асааны дараа ч Билл ирсэнгүй баригдсан хэрэг байлгүй, одоо яах билээ ? Шоронд нь орхиод шинэ амьдрал эхлэх үү ? Ийм юм хийж байгаа хүнтэй цаашид амьдрах утга учир алга гэх мэт нэлээд чухал юм бодож цааш нь сэтгэрүүг : "Нэг бодвол тийм ч утга учиргүй юм биш шиг , ямар ч болтугай , миний авааль нөхөр шүү дээ " “Зовсон ч жаргасаан ч ” энэ үг бодлынх нь хажуугаар дагалт хөгжим хангинах адил ер салахгүй байв . Хаяна гэдэг маань сулдаа бууна гэсэн үг . Ээж минь ийм асуудлыг яаж шийдэх б айсан бол ? Дэзи хэрхэвч сулдаа буухгүй байсан байж таарна . Тэгэхээр би тэмцэх л ёстой, нөгөө талаар Саксон одоо энэ талаар их буурьтай бодов. Билл бол ямар ч атугай олон харчуулаас хавьгүй дээр хүн, урьд дуулж сонсож байсан хэн бүхнээс илүү хүн гэж эелдэг сайхан харьцаж байсан , урьдынх нь зан аашийг санаж, ялангуяа “Бид хоёр хамгийн сайхны нь авна. Робертсынхан нарийндаа хатсан улс бишээ” гэж дандаа хэлдэг үг нь санагдлаа .
- Арван нэгэн цагт , ажил хаялтыэ үеэр сэрэмжлэх харуулд хамт гарч байсан Биллийн нэг найз Бэд Сторзщерс орж ирээд Билл даалтаар гарахгүй , өмгөөлөгч авахгүй гээд хэргээ шүүхээр таслуулахыг хүсэж өөрийнхөө бурууг хүлээж жарн долларын торгууль төлөх буюу нэг сар хоригдох ял аваад тэр торгуулиа өөрийн өмнөөс нөхдөөрөө төлүүлэхгүй гэсэн гэж Саксонд мэдээллэв.
- Юу ч хэлсэн үгэнд ер орохгүй, ухаан солиу хүн шиг байна. “Ялаа биеэрээ эдлэнэ” гэнэ. Жаахан солио туссан бололтой . танд энэ зурвасыг өгүүлсэн , май . Та хэрэг болбол надад хэлүүлж байгаарай . Бид бүгд Биллийнхээ гэргийд туслана. Та иөнгөөр хэр байгаа вэ ?
Саксон мөнгө ердөө ч авахгүй гэж нэрлэхээд Строзщрсийн гарч явсан хойно л Биллийн бичсэн зурвасыг уншив.
“Хайрт Саксон минь , Строзщрс чамд энэ зурвасыг дамжуулна. Миний төлөө бүү гунихар . Би гашуун эм ууж үзэхээр шийдсэн юм . Тэгвэл ч зохих хүн шүү дээ , чи мэднэ , ухаан минь эрүүл биш болсон бололтой . Гэсэн ч би дүрэмгий аашилж , жудиггүйсэндээ гэмшиж байна. Намайг эргэж ирэх хэрэггүй шүү. Би өөрөө дургүй байна. Чамд мөнгө хэрэгтэй бол манай эвлэлд мэдэгдээрэй, өгнө . Нарийн бичгийнх нь дарга тун сайн хүн бий . Би сар болоод гарна. Саксон минь би чамдаа хайртай хэвээр шүү харин энэ удаа чи намайг уучилаарай. Үүнээс хойш , түүнээс цааш намайг уучлах өршөөх гэх явдал хэзээ ч гаргахгүй гэдэгт итгээрэй ”.
Строзрсийн дараа Мэгги Донэхью , Олсен авгай хоёр сайн хөршийн хувьд Саксоныг эргэж сэтгэлийг нь засах , юу хэрэгтэй байна , тус болъё гэх боловч Биллийн эьгүй байдалд орсон тухай огтхон ч дурсахгүй сүрхий арга ухаантай байх аж .
Оройхон Жеймс Гармон бага зэрэг сүйтгэнэсээр орж ирэв. Галч , Биллийн дүрэмгүй аашилсны энэ илэрхий нотолгоог нуух гэж бүхий л аргаар оролдовч Саксон хэзээний ажаад уучлалт гуйхад тэр хүн уучлалт гуйна гэсэн чинь юу гэсэн хэл вэ гээд ,
- Робертс хатагтай минь , би таныг зэмлээгүй . Та ямар ч гэмгүй , би сайн мэдэж байна . Таны нөхрийн ухаан орж гарч байсан бололтой . Элдэв өлзий бусын юм тохиолдоод байхад нь би гайгаар хомрогонд нь өртчихөж л дөө .
Өөр юу байхав гэнэ.
- Тийм нь ч тийм .
Галч толгой сэгсэрэв.
- Би иймэрхүү юмыг тун сайн ойлгоно. Урьд бишгүй архидаж бишгүй жудаггүй зан гаргаж явлаа . Гомдол мэдүүлсэн минь дэмий снагдаж байна. Үнэндээ тэрхэн зуур тун их доромжлуулах шиг санагдаад уурандаа хэлчихгүй юу . Харин одоо уур гарсан хойно ийм хэрэг удчихсандаа гэмшиж явна.
- Та их номхон сайн хүн гэж Скаон хэлээд хэсэгхэн түгдэрсхийсэн боловч нэгэнт бодсоноо хэлэхээр шийдэв.
- Одоо эзгүй хойгуур та манайд байх эвгүй юм даа … Өөрөө мэдэж байгаа шүү дээ ..
- Тэгэлгүй яах вэ. Одоохон хувцаса сольж өмсөөд юм хүмаа зэхэе. Зургаан цагт морин тэрэг ирүүлээд нүүе дээ. Гал зуухны чинь өрөөний түлхүүр энэ байна , май аваарай .
Урьдчилан төлсөн мөнгөө авахгүй гэж баахан зүтгэсэн боловч Саксон та заавал ав гэсээр өгчээ . Явахдаа Саксоны гарыг маш элэгсэг дотно чанга атгаад хэрэгцээ гарвал надаас мөнгө заавал зээлдэж аваарай гээд ,
- Зовох юм ер байхгүй шүү . Би чинь авгайтай, хоёр хүүтэй хүн Нэгнийх нь уушги муудаад эхтэйгээ хамт эрүүл агаарт гарч Аризонд байгаа . Төмөр замын захиргаа тэдэнд маань хөнгөлттэй билет олгосон , би мөнгө зээлдүүлэх бололцоотой гэв.
Тэгээд шатаар уруудан буухад нь энэ цэвдэг хорвоод энэ мэт сайхан хүн бас байдаг л юм байна гэж гайхлаа .
Тэр орой Донэхьюгийн жаал Саксонд нэг сонин оруулж өгөхөд үзвэл нэг босоо морины тэн хагаст Биллийн паянг бичсэн байв. Уншихад тун урамгүй Шүүхийн хуралд орж ирэхдээ нүүр нь нэл хөх няц байсныг бодхул мань эр бас л нэг зодоонд оролцсон бололтой гэж тэмдэглэжээ . Биллийг архичин , танхай , балмад , ажилгүй тэнэмэл этгээд , ийм хүн зохион байгуулалттай ажилчдыг гутаах учраас эвлэлд байх ёсгүй . Төмөр замын галчийг дайрсан явдал бол зүгээр байсан хүнийг ямар ч шалтгаангүйгээр муухай балмадаар уулгаласан цадиггүй хэрэг бөгөөд хэрэв ажил хаяж буй тээвэрчин ажилчид бүгд иймэрхүү хүмүүс юм бол тэдний эвлэлийг тарааж гишүүдийг нь хотоос хөөвөл цорын ганц зүйтэй арга болно гэж зэвүүрхэн бичжээ. Уг өгүүллэгийг зохиогч эцэст нь бичихдээ шийтгэлийг дэндүү зөөлдүүлжээ , хэрэгтэн этгээдийг ядахнаа хагас жилээр хулхилбал таарах байсан юм гээд сүүлийн үеийн ажил хаялтаар цадиггүй загнасан этгээд дэндүү олширч шорон гяндан багтаах зайгүй дүүрчихээд зургаан сар суулгах бололцоо гаргасангүй гэж нэг шүүгчийн хэлсэн үгийг иш татжээ . Тэр шөнө саксон орондоо орж хэвтсэн хойноо анх удаа өөрийнхөө ганцардмал болсныг ухаарчээ . Хар даран зүүдэлж байн байн сэрээд хажууд нь Билл хэвтэж байга юм шиг санагдан байн байн дэмий тэмтэрсээр байв. Сүүлдээ бүр дэнлүүгээ асааж нүдээ мэлийтэл нээн тааз ширтэн ямар их гай нүүрэлсэнийг дахин дахин эрэгцүүлэн бодохдоо Биллийг уучилж бодовч огт буруугүй гэж хөөрхийлж чадахгүй байна. Хайрынх нь сэтгэлийг дэндүү гэнэт , хэтэрхий их догшиноор дайрч л дээ . Даанч их гомдмоор санагдаж одоогийн зан авирыг нь мартаад гагцхүү урьдынхаар нь саная гэхнээ яагаад ч юм болж өгөхгүй . Согтуу хүнийг яана гэхэв гэж уучлахыг хичнээн бодовч хамт нэг оронд унтаж , хамаг хайр , бие цогцосоо харамгүй өгч байсан хүнийхээ ийм зан гаргахыг цагаатгаж эс чаднам. Тэгсэн атлаа ор нь ханхайж үгүйлэгдээд ганцаардан уйлж учир нь олдохгүй идогшин аашилсаныг нь мартагнахыг оролдож өнөөх базуулж хөндвөр болсон тохой хавийнхаа газарт хацраа наавал харин ч энхрийлэн хайрлах сэтгэл цухасхийн төрөх аж . Гэсэн ч Биллийг бодохоос , үйлдсэн гэмийг нь бодохоос зэвүүн хүрч хоолой ам нь хатаж , цээж нь давчдаж , зүрх нь өвдөж , сэтгэл нь шаналж :яахлаараа ингэдэг байна ? Яахлаара ингэдэг байна ? гэсэн уялдаа муутай бодол уураг тархинаас нь үргэлж салахгүй , бодоод бодоод ‘учры нь эс олно.
- Маргааш өглөө нь Сара ирэв. Саксоныг хүнтэй сууснаас хойш хоёр дахь удаагаа ирж байгаа нь энэ. Ирсэн учрыг нь Саксон амархан ойлгож урьдынх нь омог бардам зан агшин зуур оволзож , дажгүй байхаар шийдэж , ямар ч тайлбар яриа , цагаатгаж хаацайлах үг ч хэрэггүй , юм гэсэн байдалтай байв. Түүнд нь Сарагийн дургүй хүрч , дайрч эхлэв.

- Би чамд хэлээгүй юу ? Чи мэлзэж чадахгүй . Өөдгүй танхай , шоронд л байвал таарах амьтан гэж би хэлдэг байсан шүү дээ . Чамайг зодоончтой хүзүү сээрээ холболоо гэдгийг дуулмагцаа л үнхэлцэг хагарчих гэж байсан юм . Тэгээд чамд шууд хэлж байсан. Чи л үгэнд орохгүй толгойлоод басан болохоос , юу гэсэн үг вэ ? Тохьтой томоотой бүсгүй хүн тэгж ямаан омог гаргаж , олон гуталтайгаарай гайхуулж болдоггүй байхаа ! Гэсэн ч чамд хүн үг хэлж болох биш ! Би яг тэр үел Томд “За одоо Саксон өнгөрчээ” гэж хэлж байсан юм . Яг ингэж хэлсэн юм шүү ! Шувуу хөлөө шаварт дүрвэл үхэх нь тэр гэсэн үг байда ! Чарли Лонготой суухгүй яасан юм ? Ядаж гэр бүлийнхээ нэрийг хугалахгүй байсан биз! Ер нь ингээд ч зогсохгүй гэж мэдсэн дээр байх шүү ! Эхлэж байгаа нь энэ бах ! Юугаар төгсөхийг бурхан л мэднэ ! Чиний тэр өөдгүй новш чинь бас хүний аминд хүрнэ дээ , Тэгээд дүүжлүүрт үхэх цаг нь ирнэ , харж л байгаарай ! Миний хэлсэн үгийг санах цаг ирнэ ч ирнэ. Яаж нойрсохыг дэвсгэр мэднэ гэгчээр одоо яана гэхэв , хохь чинь !
- Надад өөрийн минь дэвсгэрээс илүү дэвсгэр хэзээ ч байгаагүй юм чинь гэж Саксон мэтгэхэд Сара
- Тэр ч тийм л дээ үнэн гэж даапаалав.
- Хааны сэнтийгээрч солихгүй шүү .
Сарагийн уур шатаж .
- Чи яаж ч өмөөрөөд цаадхи чинь шоронгийн хулгайч гэв.
- Яадаг юм одоо ийм юм хэн хүний явдал болсон цаг ! Хэн ч ийм юманд орж болно. Том ч гэсэн социалистуудын зохиосон гудамжны цуглаанд оролцоод баригдаж явсан б айхаа ? Одоо чинь шоронд ганцц нэг хүн орж байгаа цаг биш ! … гэж Саксон жишэм ч үгүй мэтгэв.
Томын паянг дурдсан нь ганц болжээ .
Томыг цагаатгасан шүү дээ гэж Сара яаравчлан хэлэв.
- Тэглээ ч гэсэн нэг шөнө шоронд суусан даалтаар ч гараагүй шүү дээ .
Үүний хариуд Сара хэлэх үггүй мухардавч довтолгооноо өөр талаас явуулж эхэллээ.
- Галчтай будилсан паян чинь ч гэсэн зугаатай хэрэг байдаг шүү ! Чм шиг сүрхий хүмүүжил олсон ийм авгайд баяр хүргэхээс биш яахав. Гэртээ суусан хүнтэйгээ шүү !
Саксоны уур дүрсхийж :
- Хэн ингэж ярьж байгаа юм ? гэснээ даруй биеэ барилаа .
- Сохор хүн ч үздэг тийм вюм байдаг шүү дээ ! Нэр нүүрээ бодох аливаа санаагүйы болсон залуу хүүхэн минь , гэртээ суусан эр , зодоочин - эр нөхөр хоёр! … Юунаас болж тэр хоёр хоорондоо зодолдох вэ ?
- Сайн эр эм хоёрт ч гэсэн хэрэлдэх юм мундахгүй биз дээ гэж Саксон даапаалсан янзтай инээмсэглэв.
Сара эхлээд юу гэж хэлэх үгээ ч олсонгүй паг болоход Саксон ингэж хэлэв.
- Чи намайг ойлгой . хэрэв эрчүүл бүсгүй хүний төлөө үзэлцэж байвал тэр бүсгүй бахархах ёстой . Би ч бахархаж байна ! Мэдэв үү! Бахархаж байна ! Ингэж хэл! Айл аймгийнхандаа ингэж хэл ! Би үнээ биш . Надад эрчүүл дуртай . Эрчүүл миний төлөө хоорондоо золдолддог юм ! Миний төлөө явж байж шоронд орж байна! Эр хүн сайн сайхан санагдахгүй юм бол эм хүн гэж байсны хэрэг юу байна ? За одоо Сара чи тонил ! “Сохор хүн ч үзчих” тэр бүх юмныхаа тухай цаадулдаа очиж ярь , ярь … Бушуухан яваад Билл нь Шоронгийн хулгайч , Саксон нь эрчүүлийн дур булаасан муухай хүүхэн гэж хэл. Хөлөө хүрэх газар очиж хашгирч , чамд амжилт хүсье . Харин манайхаас одоохон зайл. Үүнээс хойш манай босгыг бүү алхаарай ! Чи тун их тохьтой томоотой авгай юм . Манайх шиг айлд таарахгүй хүн ! Нэр чинь хугарч мэднэ ! Хүүхдүүдээ бод тонил !
Ихэд гайхаж уурссан Сараг гарч явахад Саксон орон дээрээ очиж унаад цурхиран уйлав. Уг нь тэднийд гэмгүй суудаг хүнийг Билл зүй бус бүдүүлгээр дайрсанд Саксон ичиж байсан бол одоо уг явдлыг бусад хүн юу гэж боддогийг ойлгожээ . Билл ч гэсэн тэгж бодоогүй гэж Саксон эргэхгүй байна. Билл , гэртээ хүн суулгана гэдэг чинь эхнэртээ илүү ажил тойв удахын нэмэр гээд л дургүйлэхэж басан болохоос өөрөөр бодоогүй , мөнгөөр гачигдсандаа л тэр хүнийг хөлсөөр суулгахыг дурамжхан зөвшөөрсөн шүү дээ .
Гэсэн ч энэ бүхнийг айл хөршийнхөн , таньдаг хүмүүс ийм яриа үүсэх нь тэр. Энэ бол түүний бүхий л авиргүй явдлын дотроос хамгийн ичгүүртэй , хорлонтой нь юм шиг бодогдоно. Мэгги Донэхью , Олсен авагай хоёр их сайн басан бол ? Гараад явахдаа юу гэж ярилцаа бол ? Харцуул гудамжны буланд , архи пивоны газар юу юу гэ ярилцаа бол ?
Гутаж гунисандаа ядарч нулимсаа ширгэтэл уйлсан хойно Саксон ажил хаялт , эмх замбараагүй явдал эхэлсэн цагаас хойш олон зуун эмэгтэй , ялангуяа Отто Фрэнк , Хендерсоны эхнэр Мери , Китти Брэйди , ер Сен- Квинтиний шоронд орогсдын эхнэрүүд яаж байгаа бол гэхчилэн өөр юм бодохыг хичээхэд орчных нь ердийн амьдрал үндсээрээ өөрболон эвдэрч хувь заяа хэнийг ч хайрлахгүй өөрийг нь ч зөвшөөрөхгүй , тэр ч бүү хэл , зовлон дээр нь шившиг нэмдэг байна гэж бодохоос гэлмэж , ээ маань зүүрмэг бодол , муу ёрын зүүд байх … одоо сэрүүлэг дуугармагц босоод өглөөнийхөө хоол ундыг бэлдэж Билл ажилдаа явна шүү дээ гэж итгэхээр махран зүтгэв.
Саксон өдөржин орноосооо босоогүй хэр нь огтхон ч цурамхийсэнгүй . Хамаг бодол нь самууран төөрөлдөнө. Элдвийн юм бодогдоход юуны өмнө сүүлийн үед дайрсан өдий төдий олон гай өөрийнх нь хэлдэгээр шившиг санаанд нь орж , өдий төдий юм нэгд нэгэнгүй тодорч хүүхэд ахуй цагийнх нь явдал ч санагдах шиг , урьд хожид хийж басан төрөл бүрийн ажил амьдралын элдэв дээдийн байдал ч дүрслэгдэх шиг болоход тоо тоймгүй олон автомат хөдөлгөөн хийж байсан нь санаанд орж картон цаасны үйлдвэрт эсгэх наах ажил хийж , угаалгын газар юм индүүдэж , самронзын үйлдвэрт утас нийтгэж , шуузны үйлдвэрт жимс ялгаж , цэвэрлэсэн улаан лоолийг түм бумаар нь савлаж явсан нь бодогдов. Тэгснээ багт наадамд бүжиглэж , зугаалганд явж басан , сургуульд ном заалгаж , агсан н жил , таних нөхдийн эр овог , урьдын явдлын тухайы ээжийнх нь ярьж байсан санагдаад эцэс сүүлд нь Биллтэй амьдралаа холбосноо бодов. Гэтэл энэ мэтээр урьдын явдлыг бодож байтал заавал ч хэн нэгний хорлонд гар орж ирээд өнөөгийн бодит байдал нь зайлшгүй татан аваачих мэт болох нь хамгаас аймшигтай агаад чингэх бүрд хоолой ам нь хатаж , зүрх нь шимширч , хамаг бие нь хөндий оргиж , тамир алдрах нь хамгийн адаг ажээ .