a6588dea690847d6444b38b208327cd5.jpg

 

Гуравдугаар бүлэг - Аравдугаар хэсэг




Тэнд уул толгод, нуга хөндий, үржил шимтэй газар, цэнгэг устай тунгалаг гол мөрөн, өөгүй дардан зам,бас төмөр зам ч холгүй байх ёстой. Нарлаг дулаан өдрийн дараа хөнжлөөр хучихаас аргагүй сэрүүхэн шөнө бодог газар байвал сайхан. Нарс болон бусад модтой , өргөн нуга хөндийд нь Билл адуу малаа бэлчээнэ. Агная гэвэл буга гөрөөс, бор туулай мундахгүй, секвой модны төглүүдтэй хараа хаах манан татадггүй газар л байвал таарна гэж Саксон хайж буй ферм дүрслэх ажээ.
Марк Холл үүний нь сонсоод инэд алдаж :
- Мод бүхэн дээр алтан гургалдай дөнгөдөж, цэцэг унах шүүдэр нь хүртэл бал бурам, заримдаа тэнгэрээс бэлэн хоол бууж ирдэг , мөнх залуу насны ундраа, төмрийг алт болгодог, өвчинг анагаадаг философийн чулуутай . За яахав, харин би тийм газрыг мэднэ шүү. Одоо би танд үзүүлье гэж чангаар хэллээ.
Тэгээд муж улсынхаа замын зургуудыг шүүрдэж эхэлхэд Саксон хүлээж байв. Холл эрсэн зүйлээ ололгүй том гэгчийн газрын зураг гарган ирж үзэхэд бөмбөрцөгийн бүх газар орон харагдах боловч өөрийнх нь эрсэн газар орон байхгүй байна гэхэд ,
- За , яахав алзахгүй . Өнөө орой манайхаар орж ирээрэй , би фермийг тань үзүүлж өгнө гэв.
Үдэш Саксоныг байшингийнхаа сэрүүн асарт урьж дуран авайгаараа тэргэл сарыг дурандуулж ,
- За, энэ сарын дэрхэн биеэр, тэр олон нуга хөндийд л таны эрж багаа газар чинь байгаа даа гэв.
Тр хоёрыг дотгош ороход Холл авгай за тэгээд юу болов гэсэн байдалтай харна.
- Би Саксонд суурьшиж суух гэж байгаа сарных нь хөндийг харуулж өглөө гээд Холл инээлээ .
Тэгэхэд Саксон
- Билл бид хоёр анх гарахдаа аль ч хүрэхээс буцахгүй байсан . Саранд хүрч очих хэрэг гарлаа ч гэсэн тийшээ явахгүй гэж ухрахааргүй байсан шүү.
- Гэвч дүү минь , газар дээр тийм диважин олдохгүй . Жишээ нь манан татдаггүй газар секвой ургана гэж байхгүй . Манай тэр хоёр чинь салшгүй юм . Тийм мод гагцхүү манан их татдаг газар л ургадаг юм гэж Холл ярихад Саксон бодолхийснээ шүүрс алдаж ,
- Тэгвэл бага зэргийн манан бол гайгүй хэрэг , мод нь л байвал боллоо . Философийн чулууны орд гэдгийг чинь би үнэндээ мэдэхгүй, гэхдээ Хэфлер гуайн гантигтай төстэй болоод төмөр зам ойролцоо бавал бид хоёр аргаа олж болох байна. Тэгвэл бал бурман шүүрийн төлөө саранд явах гэсний хэрггүй болно. Тийм шүүдэр Невадын біт сондуулд ч буудаг юм. Энэ бол баримтгүй зүйл , аав минь ээжид тэгж ярьдаг. Ээж надад тэгж ярьдаг байсан гэв.
Ирээдүйн фермийн тухай яриа дараа нь ч үргэлжилжээ . Холл Америкийн нэгдсэн Улсыг “мөрийтэй тоглоомын диваажин” гэж нэрлэдэг аль муугий нь дуудан харааж зүхэв.
- Энэ оронд хичнээн их бололцоо байсан гэж санана . Тал бүрээс нь далай хүрээлсэн , цаг уур сайхантай , хамгийн үржил шимтэй хөрстэй , түүхий эдийн маш баялаг ундрагатай цоо шинэ газар байсан – энэ дэлхий дээр өөр зүйрлэх тийм сайхан нутаг багаагүй ! Энэ сайхан нутагт хуучин ертөнцийн мухар сүсгээс бүр мөсөн ангижирсан хүмүүс ирж суугаад ардчилал тогтооход бэлэн байжээ . Ганцхан зүйл буюу хомхой сэтгэл нь тийм юм хийхэд саад болжээ .Тэд үзсэн харсан бүхнээ сүрэг гахай шиг цусалсаар хамаг юмы нь цөлмөөд тэр хооронд ардчилал мөхжээ . Тэд бол мөрчин, хоолны хэнхэг өвчтөнгүүд байж . Газраа бооцоонд алдлаа гэхэд өмнө зүг хэдхэн бээр яваад шинэ нутагтай болдог байж . Тэр үеийн хохмой толгойтногууд замдаа тааралдсан бүхнийг царцаа шиг устгадаг байж – индиан нарыг хядаж , газрын хөрс сүйдэлж , ой устгаж байхда урьд нь тэд тагтаа , азранг хүйс тэмтрэгчтэйгээ адил цөлмөж байв. Тэдний худалдаа наймаа , улс өрийн бодлогын ёс суртхууны нь мөрийтэй тоглоомчдын ёс суртхуун байжээ . Тэдний хууль нь тоглоомд хо¦их гэсэн мөрийтэй тоглоомчдын л хууль байлаа. Бүгд тоглоно . Тоглоом мандтугай ! гэцгээдэг байж . Хүн болгон тоглож чаддагбайсан учираас эсэргүүцэх хүн гарахгүй . Хожигдсон нь шинэ газар олж авах гэж өрнө зүг явдаг байсн гэж би түрүүн хэлсэн . Өнөөдөр ялсан нь маргааш бүгдийг нь алдаад бас нэг өдөр өнжихөд дахиад л хөзөртэй болсон байна.
Тэд тийнхүү Атлантын далайгаас Номхон далай хүртэл замдаа тааралдсан бүгдийг цуслан устгах , мөрийтэй тоглоом хөөцөлдөх л ажил хийсээр энэ тивийг бүхэлд нь бузарласан юм . Тэд газар нутаг , ой мод , малтмал баялагийг цөлмөж дуусгаад түрүү яарч мэгдэхдээ дутуу үлдээсэн аахар шаахар юмаараа мөрийцөх , түүнчлэн эрх ямба , монополио эдлэх гэж буцаад хуйларчээ . Чингэхдээ тэд бузар луйвар , наймаа панзаа нууц халхавчлахын тулд улс төрийн бодлогыг ашиглажээ . Харин ардчилал ул мөр ч үлдсэнгүй .
Хожим нь бүр ч зугаатай юм эхэлжээ . мөрий алдсан нь паагаа нэхэх юмгүй болж хожигсон нь хоорондоо үзэлцэх болж бусад нь мөрийцөж байгаа нэгийнхээ тоглоомыг ажиглан бүчиж , гараа халааандаа хийгээд зогсохоос өөр сачийгүй болсон байна. Ходоод нь хонхолзоод ирэхийн цагт мөрий авсан мөнгөтөнгүүдийнхээ бөхөлзөн хийх ажил хайрла ч хэмээн малгайгаа гартаа нухлан царай алдан зогсоно. Тэгээд ялагдсан нј ялсаныхаа ажлыг хийх болж өнөөг хүртэл ажилласаар байна, харин ардчилалыг архивт нэгэнт шилжүүлчихжээ . Билл Робертс та нэг удаа мөрийцөж явсангүй , яагаад гэвэл таны бүхий л удам чинь мөрийтэй тоглоомд хожигдсон улс байсан хэрэг.
- Та өөрөө яаж байсан ? Танд мөрийцөж явсан шинж байхгүй юм шиг санагдана гэж Билл хэлэв.
- Надад тэгж байх хэрэгцээ байхгүй . Би тооцоогоор явдаг нь биш ч би бол шимэгч байхгүй юу .
- Энэ чинь юу гэсэн үг вэ .
- Нохой бөөс хачиг хувалз мэт бусдын хүчээр мьдардаг аливаа амьтны адил гэсэн үг . Би бол ажилчидын зулгарсан арьсанд шигдсэн хачиг . Надад тоглож мөрийцөх ч хэрэгцээ байхгүй , ажил хийх ч хэрэгцээ байхгүй . Миний эцэг надад идэж хүрэхээр хонжвор үлдээсэн. Уа ! … Онгирох ч юу байхаю , найз минь таны эцэг өвгөд минийхээс дээрэлхэх юмгүй байж ! Таных хожигдсон минийх хожсон л байж , тэгээд ч та одоо миний төмсний талбайд ажиллаж байна шүү дээ гэхэд Билл гөжүүдлэн ,
- Бүү мэд авхаалжтиай нь одоо ч хожиж болно шүү дээ … гэв.
- Сангийн газар дээр үү ? гэж Холл түргэн асуухад Билл , амин газар нь сум туссан юм шиг хэсэг таг болсноос мөчөөгөө өгөлгүй ,
- Ямар ч гэсн хожиж болно гэв.
- Бусдын ажлыг хэзээч булааж болох л доо . Тан шиг ийм сортоотой залуу хүн хаана ч хэзээ ч хийх ажлаа олно. Харин таны энд хүрэхгүй хүмүүсийг бодоод үз л пээ . Кармелийнхны адууны жүчээнд дөрвөн морины жолоо барих ажилд тийм хүн замд чинь тэнүүчилж байгаа хүмүүсийн дотор олон байв уу ? Зарим нь залуудаа танаас доргүй улс байгаа биз . Ямар олиг байхав ! Бид ч гэсэн дор орсон улс биз дээ ? Урьд тив нутаг маань манаахны дуртай цагтаа авч, алдаж байх газар байсан бол одоо амь зогоох муу ажлаас өөр өөр юу үлдэж вэ ?
- Тэглээ ч өөрцгүй … гэж Биллийг хэлтэл эрээ цээргүй дайрч ,
- Цус маханд чинь шингэсэн болохоор л тэр. Арга ч үгүй юм даа ! Энэ улс орны хүмүүс хэдэн үе дамжин мөрийцсөн болохоор таныг ертөнцөд мэдэлж байхад агаар нь бузардчихаад бүх насаараа та амьсгалж байна. Та өөрөө мөрийтэй тоглоомд ганц орж байгаагүй байж , түүнийг хамгаалахын тулд ургаа хад мэт өмөг түшэг болон зогсоход бэлэн байна.
- Тэгвэл тоглоомд нэгэнт шүүгдсэн бид яах болж байна ? гэж Саксон асуухад Холл ,
- Цагдааг дуудаад тоглоомоо зогсоох хэрэгтэй . Энэ бол булхайтай тоглоом гэлээ .
Саксон хөмсөг зангидана.
- Өвгөд дээдсийнхээ хийгээгүй юмыг хий . Зоригтой хөдлөөд жинхэнэ ардчилал хүгрэх хэрэгтэй гэж Холл тайлбарлав.
Саксон Мерседесийн хэлж байсан үгийг нэхэн санаад :
- Ардчилал бол толгой эргүүлэхээс цаашгүй юм шүү гэж миний нэг найз эмэгтэй хэлдэг байсан юм гэв.
- Нээрэн , мөрийтэй тоглоомын нууц газрыг сахиус Шуудан зөөгч байсн нэг жаал хожим ерөнхийлөгч болж байсан гэдэг нэг худал үлгэрийг манай сургуулиудын олон сая хүүхдүүдэд итгүүлэх гэж оролддог . Бас дуу хоолой маань улс орныг удирдан нэмэр болж байна гэж санаад шөнөдөө тайван нойрсч байдаг гудрага иргэд ч олон саяараа байгаа.
Санаагий нь ойлгоогүй Саксон :
- Та миний ах Том шиг ярьж байх чинь . Хэрэв бид бүгдээрээ улс төрийн бодлогод оролцож илүү сайн ирээдүйн төлөө тэмцвэл мянган жилийн дараа ч юмуу зорьсондоо хүрч мэдэх юм Гэтэл бид одоо л аз жаргалтай байхыг хүсч байна… гээд гараа атгаснаа – Хүлээж чадашгүй ! Одоо л аз жаргалтай байхыг хүсч байна ! гэв.
- Би яг ингэж хэлэх гэсэн юм шүү дээ , найз минь . Хүлээж чаддаггүй л хожигдсон хүмүүсийн гай ! Тэд одоохон л алив өгөөдөх гэнэ. Одоохон хаанаас өгөх вэ гонж Та ч гэсэн өөрцгүй . Саран дээрх нуга хөндий өгөөтөх гэсэн үг . Билл ч гэсэн өөрцгүй надтхай педро тоглоод арван цент бушуухан авах гэнэ. Бодвол тэр бид хоёрын аль ч үгүй өгөө аваатай байдаг дотроо зүхдэг байх л даа .
- Лут байна ! Олны цуглаан дээр үг хэлж байвал тарах уран илтгэгч шиг байна шүү ! гэж Билл хэлэв.
- Эцгийнхээ бузар ргаар олсон бузар мөнгийг үрж байх хэрэгцээ байгаагүй бол би үнэхээр олны цуглаан дээр үг хэлдэг ур н илтгэгч болохоос зайлаагүй байх. Надад даанч падгүй . Ялагдсан нь сүйддэгээр сүйдэхээс биш . Тэд дээр гараа гээд ч бусдаас дээрдэх биш . Бүгд л өрөөсөн гутал , сохор шар шувуу , өлсгөлөн гахай , махчин элээ … гэтэл Холл авгай
- Больдоо , Марк минь , гансархын нэмэр гэхэд Холл хлимгаа арагш хаян урамгүй инээснээ ,
- Үгүй , гансрахгүй шүү ! Биллтэй педро тоглож арван цент хожсон маань дээр байх. Сэхээ авахуулахгүй хожиж орхиё гэлээ .
Саксон Билл хоёр Кармелийн тэр нөхдийнхөө найрсаг харьцаан дунд байхдаа ус агаар нь таарсна газрын цэцэг шиг ихэд сэргэсэн нь өөрт нь ч илт байлаа .Саксон , Пайн гудамжны ажилчидын явцуу хавчуу ахуй байдлаас нь аль хэдийн ангижирч , өөрийгөө эгэл нэг индүүч , ажилчин , морин тэрэгний эхнэр гэж бодохыг болив. Тэр хоёрын амьдрал одоо сэтгэгдлээр нэгэнт баян болжээ . Бие махбодь , санаа сэтгэл , амьжиргаа аль аль талаар зоюох юмгүй болсон нь нүүр царай , хөдлөж гишгэхээс нь андашгүй бөлгөө. Билл хэзээ ч ийм эрүүл чийрэг , гоё ганган байгаагүй гэж Саксон дотроо бодно.
Харин Билл бодохдоо би чинь дорно дахины баячууд шиг авааль эмстэй хүн юм . Саксон минь түрүүчийнхээсээ хоёр дахин гоолиг юм гэж үзжээ . Саксон өөрөө ичиж зовсон байдалтай ярихдаа Кармелийн голын усанд сэлж зугаалах үед Холл авгай болон бусад хүүх¬үүд бие цогцсыг нь шагшин магтаж Цолмон дагинатай зүйрлэж эрт дээр үеийн бусад голиг баримлуудын янз байдлыг дуурайлах гэж явган суулгах зэргээр тэгээч , ингээч гэх юм гэжээ .
Билл , Цолмон дагина гэгч юу болохыг ойлгосон байж . Холлын өрөөнд хоёр гаргүй гантиг баримал байхыг яруу найрагч тайлбарлахдаа : энэ бол эмэгтэй хүний гоо үзэсгэлэнгийн төгс дүрслэл бөгөөд даян дэлхий хүйгээрээ өмнө нь сөхрөн биширч байсан юм гэжээ .
- Анетте Келлерман чиний чигчий хуруунд ч хүрэхгүй гэж би хэлдэг байсан шүү дэ гэж Билл бах нь ханасан янзтай хэлэхд Саксоны нүүр улайж , таван байж чадмааргүй баярлан нүүрээ цээжинд нь наалаа .
- Эрэгтэй найз нөхөд нь Саксоны гоо үзэсгэлэнг илэн далангүй магтана. Гэвч Сксон тиймэрхүү тохиолдолд гардаг алдаа ч хийхгүй , магтаалд толгой нь эргэхгүй байв. Нөхөртөө өдөр ирэх тусам онгог хайртай болж буй хүн хаанаас ч ингэх билээ . Нөхрөө дэндүү дээгүүр үзсэндээ биш , ер хайртаадай тэр бөлгөө . Нөгөө залуусыг бодвол эгэл жирийн байдалтай , эрдэм мэдлэгээр нимгэн , хэл ам нь олигтой эвлэхгүй , өө сэвгүй ярьж сурах ч үгүй биз эмээро ч гэсн түүнийгээ хэнээр ч солихгүй, өөрөө эхнэрээс нь дутахгүй хайртай байдаг үнэнч , шудрага, агуу бодь сэтгэлт Марк Холлаар ч солихгүй ажээ .
Биллийн эрүүл бие, төв шулуун зан, эгэл жирийн байдал нь Саксонд алив а номд заасан цэцэн цэлмэг ухаан буюу мөнгөний дэвтрээс хавьгүй эрхэм билээ . Чухамхүү бие эрүүл , зан төв шулуун, эгэл жирийнхээ ачаар тэр орой Холлтой хийсэн маргаанд дйилж Холл дахин ихэд гансарч эхэлсэн юм . Билл илүү их юм мэддэгээрээ дийлсэн биш, харин өөрийн хатуу итгэдэг үнэнийг хэлж , туйлбартай байснаараа дийлсэн. Ялна гэдэгтэ огтхон ч эргэлзээгүй нь хамгийн гойдбөгөөд гэмгүй царайлах бадал гаргасанд цаадуул нь алга ташин баяр хүргэсэн билээ … Саксон ямар учираас дийлсэн гэдгий нь тайлбарлан хэлж чадахгүй ч гэсэн ойлгож байв.
“Шеллийн ” хатагтай чихэнд нь : Саксон минь , та их азтай хүн юм ! “ гэж шивнэн нүд нь сэргэж байсныг хэзээ ч мартахгүй .
Хэрэв Сксоноос чи Биллд ингэтлээ хайртай байдаг юм гэж албаар хэлүүлэх гэвэл “Жинхэнэ эр хүн болохоор нь” гэж л хэлнэ дээ . Хэзээний тэгж боддог ажээ . Сксон түүнийгээ хэзээний эр хүний хиййморьтой эрэлхэг, зоригтой хүн гэж бодох тул сагсуу баньд нар ихээхэн галзуурвал : “Чи юу юм ? Зайлсан чинь дээр байх шүү ! ” гэж хэлдэг байсны нь санах бүр баярлаж уйлмаар санагдана. Онгог хайртай Биллээ ийм л хүн гэж санаж явна ! Өөрт чинь онгог хайртайг Саксон сайн мэднэ . Бүсгүй хүн л чагнан ойлгодог зүрхнийнх нь цохилтоор мэднэ. Үнэнийг хэлэхд Билл урьдынх шиг ухаан жолоогүй хайрлан нялуурах нь эс боловч хайр нь улам гүнзгий , улам ухаалаг болжээ . Энэ бол хүний сайхан чанарыг сөнөөж , зэрлэг адгуусны шинжийг бий болгодрог газар буцаж очоогүй цагт аливаа сорилтыг давж чадах бат бөх хайр байлаа.
Марк Холл эхнэрийнхээ хамт хаврын эхээр Нью-Йорк явахдаа хоёр зарц японоо халж явуулаад гэр орноо Билл Саксон хоёрт тэр чигээр нь үлдээжээ. Бас Жим Хэзард Парист явав жил бүр тэнд очдог байж . Билл их ганцаардавч өндөр давалгаатай усанд сэлсээр байлаа. Холл, унааныхаа хоёр морийг Биллйн асрамжинд орхисон болохоор Саксон морь унахдаа өмсөх гэж алтлаг хүрэн тансрангаар дэгжин хувцас хийсэн нь үснийх нь өнгөтэй тун сайхан зохижээ . Бидд өдрийн ажил авахаа ч болив. Илүү орон тооны дэлбэгчийн хувьд хоол ундандаа хэрэглэхээс илүү мөнгө олсон бөгөөд завтай цагтаа Саксоныг морь унуулж хоёул өдөржин Кармелийн ойр хавийн газраар тэнэ. Тэр хоёро Монтерийн эргийн болдог хавиар голцуу зугаалах агаад Саксон Дель Монтегийн их усан санд сэлж сурч байв. Орой дов толгод дамжин буцаж ирнэ. Өглөө эрт анд гарахад нь Саксон хамт явна , тйинхүү амьдрал нь ямагт баяр наадам мэт байлаа .
Нэг удаа морьдынхоо амыг татаж зогсоод Кармел хөндийг дээрээс нь сонирхож байхдаа Билл ,
- Би үүнээс хойш бусад хүнд хөлсний тогтмол ажил хийхийг бүр болилоо гэхэд наадах нь :
- Ажил л байвал ямар ч яадаг юм гэж бас болохгүй юм байна даа гэв.
- Яг үнэн . Саксон минь , Оклендод өдөрт сая доллар авч , сая жил ажиллаа гэхэд чи бид хоёр хашаа ч явахгүй тэндээ л шингэдэнэ шүү дээ , өдрийн дөрөвнийгуравы нь ажил хийгээд зугаалах гэдэг маанв кинонд ч очно ! Өөр юу байхав ? Даанч дэндүү ! Одоо чи бид хоёрын амьдрал өөрөө киноноос ялгаа алга ! Пайн гудамжинд байсан шиг тэрбум жил амьд байснаас Кармелд ингэж жил болоо үхлээ гэсэн ч дээр санагдаж байна.
- Зун болмогц Билл ибд сарныхаа хөндийд эрэлд гарна гэж Саксон , Холл ба түүний эхнэрт захидал илгээжээ. Аз болоход зэс цэцгэрхүү нүдтэй Төмөр Хүн хэмээх Бидо санваартан болох гэсэн хүслээ орхиж жүжигчин болохоор санаа шулуудадд каликийн дацангаас Кармелдаа буцаж ирээд Холлын байшинг харах болсон тул төлөвлөгөөнд нь саад болсонгүй .
- Тэр хоёрыг нөхөд нь явуулахгүй санааьай элдвээр ятгахад Саксон сэтгэл ихэд уярав. Кармелийн жүчээний эзэн , Биллийг алдахгүй гэсэндээ сард есөн доллар өгч байя гэжээ . Тэнгэсийн эргийн ойролцоох хотод бас нэг хүн мөн төдий цалин өгье гэсэн байна.
Нью – Йоркоос буцаж ирсэн уугчуур зантай , жүжгийн зохиолч өнөөх ирланд нөхөр нь Монтери өртөөн дээр тааралдахдаа :
- Юу гэсэн үг вэ , дахиад явах гэж үү ? хэмээн дуу алдахад Саксон :
- Явалгүй яахав ! Сарныхаа хөндийн эрэлд гарч байна шүү дээ ! гэж хөгжөөнтэй хэлэв.
- Ирланд залуу пүүгээг нь хараад .
- Уа , золиг ! Би ч гэсэн явах юмсан ! Намайг дагуулаад яваач гэснээ гэнэт урам нь хугарч - Ай золиг би чинь гэрээтэй хүн . Гурван төрлийн гэрээ бий ! Та хоёр ёстой азтай улс юм … ялангуая ийм улиралд хичнээн сайхан бэ ! гэжээ .