Home Blog

“Samsung” шинэ ухаалаг гар утаснуудаа танилцуулав

0

МОСКВА. /TASS/. Өмнөд Солонгосын “Samsung Electronics” компани пүрэв гарагт “Galaxy S21”, “S21 +” болон “S21 Ultra” гэсэн ухаалаг гар утасныхаа гурван шинэ загварыг танилцууллаа. Бүх загвар нь нэг платформ дээр бүтээгдсэн бөгөөд хөдөлгөөнт холбооны тав дахь үеийн сүлжээг дэмждэг байна.

Өдгөө хүмүүс алсаас ажиллаж, гэртээ илүү их цагийг өнгөрүүлж байгаа учраас компани нь мультимедиагийн хамгийн өндөр шаардлагад нийцсэн ухаалаг гар утас бүтээхийг хүссэнийг “Samsung” компанийн ерөнхийлөгч бөгөөд хөдөлгөөнт харилцаа холбооны салбарыг хариуцсан захирал Тэ Мүн Ро онцоллоо. “Бид мөн сонголт ямар чухал ач холбогдолтойг ялангуяа өнөө цагт ойлгож мэдэж байгаа тул “Galaxy S21” цуврал загвар нь хэрэглэгчдэд өөрсдийнх нь хэв маяг, хэрэгцээнд тохирсон төхөөрөмжийг сонгох боломж олгоно” гэж тэрбээр нэмж хэлэв.

“Galaxy S21” ухаалаг гар утас нь 6.2 инчийн “120Hz Dynamic AMOLED 2X Infinity-O” ухаалаг, хялбаршуулсан дэлгэцтэй бөгөөд илүү жигд гүйлгэж, контентыг үзэх боломжтой. “Galaxy S21+” загвар нь “Galaxy S21”-тэй ижил үзүүлэлттэй 6.7 инчийн дэлгэцтэй, мөн хүчин чадлыг нь нэмэгдүүлсэн батерейтай байна. Хоёр загвар хоёулаа хиймэл оюун ухаан бүхий гурвалсан камертай, мөн “Exynos 2100” процессортой, 8 GB-ын RAM, 128 GB/256 GB-ын дотоод санах ойтой ажээ.

“Galaxy S21 Ultra” загвар нь “Galaxy S21” цуврал дотроо хамгийн том хэмжээтэй нь юм. Уг ухаалаг гар утсанд суурилуулсан бүх камер нь 4K форматаар нэг секундэд 60 зураг дарах чадалтай байна. Түүнчлэн 100 дахин ойроос харах боломжийг олгодог “Space 100X ZOOM” камер нь өндөр мэдрэмжтэй “hybrid optical zoom” линзтэй тул хол байгаа объектын нэг ч жижиг деталийг орхилгүйгээр чанарын өндөр түвшинд зураг авдаг аж.

Шинэ загварууд мөн хувийн нууцлалыг хадгалах шинэ хэрэгсэлтэй болсон бөгөөд зураг байршуулахаасаа өмнө байршлын мета өгөгдлийг аюулгүйгээр устгаж болно.

“S21 Ultra”, “S21+” загварууд нь хэт өргөн зурвасын (UWB) технологитой болсноор ухаалаг гар утсаараа автомашиныхаа хаалгыг автоматаар онгойлгох боломжтойг “Samsung” мөн онцолсон байна. Үүнээс гадна эдгээр загвар нь алдагдсан эд зүйлсээ хайж олоход туслах хүсэлтийг “Galaxу” загварын бусад ухаалаг гар утас хэрэглэгчдэд мессежээр илгээдэг “AR Finder” функцтэй болжээ.

Эх сурвалж: Montsame.mn

БНАСАУ шумбагч онгоцноос харвах алсын тусгалтай баллистик пуужингуудаа танилцуулжээ

0

ПЁНЬЯН. /KCNA/. БНАСАУ-ын нийслэл Пёньян хотод пүрэв гаргийн орой Солонгосын Хөдөлмөрийн намын VIII их хуралд зориулсан хүндэтгэлийн цэргийн сүрт жагсаал болжээ.

Солонгосын төв цахилгаан мэдээний агентлагийн мэдээлснээр, парадын үеэр шумбагч онгоцноос харвах алсын тусгалтай баллистик пуужингуудыг танилцуулжээ.

“БНАСАУ Зэвсэгт хүчний хүчин чадлыг харуулж, дэлхийн хамгийн хүчирхэг зэвсэг болох шумбагч онгоцноос харвадаг алсын тусгалтай баллистик пуужингуудыг талбай дээр нэг бүрчлэн үзүүллээ” хэмээн “КСNA” агентлаг мэдээлсэн байна.

Цэргийн парад Пёньян хотын Ким Ир Сений нэрэмжит талбайд болж, БНАСАУ-ын удирдагч Ким Жөн Ун арга хэмжээнд оролцжээ. Энэ үеэр мөн тактикийн пуужин, өөрөө явагч их бууны суурилалтуудын шинэ загваруудыг үзүүлжээ.

Хөдөлмөрийн намын VIII их хурал 1 дүгээр сарын 5-наас 12-ны хугацаанд болсон юм. Өмнөх их хурал 2016 оны 5 дугаар сард болсон. Хамгийн сүүлд БНАСАУ-д 2020 оны 10 дугаар сард Солонгосын Хөдөлмөрийн нам үүсгэн байгуулагдсаны 75 жилийн ойд зориулсан цэргийн парад болжээ.

Эх сурвалж: Montsame.mn

БНСУ-д халдварын 513-н тохиолдол шинээр бүртгэгджээ

0
БНСУ-ын Халдварт өвчин судлалын төвийн 09:30 цагийн мэдээллээр тус улсын хэмжээнд коронавирусаар халдварласан тохиолдол 01 дүгээр сарын 15-ны 00.00 цагийн байдлаар 513-аар нэмэгдэж нийт 71,241-д хүрэв. Шинээр илэрсэн 513 тохиолдлын 29 нь хилийн чанадаас зөөвөрлөгдөн ирсэн байна. Нийт 56,536 (+764) иргэн эдгэрсэн бол 1,217 (+22) иргэн нас барсан. Одоогийн байдлаар 4,978,075 (+52,716) иргэнийг шинжилгээнд хамруулснаас 4,744,511 (+59,622) иргэний хариу сөрөг гарч 162,323 (+7,419) иргэний хариу хүлээгдэж байна. Тусгаарлалтад 13,488 (-273) иргэн байна.
사진 설명이 없습니다.
Эх сурвалж: Embassy of Mongolia in Seoul

Цагийн ажил

0

Цагийн ажил

0

Цагийн ажил

0

Цагийн ажил

0

БНСУ-ын иргэдийн дийлэнх нь коронавирусний вакцин хийлгэх гэж яарахгүй байна

0

СӨҮЛ. /Yonhap/. БНСУ-ын иргэдийн дийлэнх нь эхлээд бусад хүмүүст хэрхэн нөлөөлөхийг харахыг хүсэж байгаа учир “COVID-19”-ийн вакцин хийлгэх гэж яарахгүй байгааг Сөүлийн их сургуулиас явуулсан санал асуулгын дүн харуулжээ.

Санал асуулгын дүнгээс үзвэл, түүнд оролцогчдын 67.7 хувь нь коронавирусний вакцинжуулалтын хувьд хүлээзнэхийг илүүд үзэж байгаа бол ердөө 28.6 хувь нь аль болох хурдан хийлгэх хүсэлтэй байгаагаа илэрхийлсэн байна.

Судалгаанд хамрагдсан хүмүүсийн 80 орчим хувь нь яваандаа “COVID-19”-ийн эсрэг вакцин хийлгэх бодолтой байна. Харин ердөө 1.8 хувь нь хэзээ ч вакцин хийлгэхгүй гэж мэдэгдсэн бол 32 хувь нь коронавирусний вакцинд итгэдэггүй гэж хариулжээ.

БНСУ-ын Засгийн газар намар гэхэд хүн амынхаа 60 гаруй хувийг вакцинжуулахаар төлөвлөсөн байна. Ерөнхийлөгчийнх нь мэдэгдсэнээр, тус улсын бүх иргэнийг вакцинд үнэ төлбөргүй хамруулна.

Өмнөд Солонгост цар тахал дэгдсэнээс хойш 70 мянга гаруй хүн халдвар авч, 1100 гаруй хүн нас барсан байна.

Эх сурвалж: Montsame.mn

Пак Гын Хэгийн 20 жилийн хорих ялыг хэвээр үлдээлээ

0

СӨҮЛ. /KBS/. БНСУ-ын Ерөнхийлөгч асан Пак Гын Хэг авлига, албан тушаалаа урвуулан ашигласан хэргээр 20 жил хорих ялыг тус улсын Дээд шүүх хэвээр үлдээх шийдвэр гаргажээ.

БНСУ-ын Ерөнхийлөгч асан нийтдээ 22 жилийг шоронд өнгөрүүлэхээр болж байна. Үүний хоёр жил нь 2016 оны парламентын сонгуульд хууль бусаар оролцсон хэргээр оноосон ял юм.

Пак Гын Хэ 2017 онд хариуцлага алдсаныхаа төлөө албан тушаалаасаа огцорч шүүхэд татагдсан (импичмент) юм. 2018 оны долдугаар сард анхан шатны шүүхээс түүнд авлигын хэргээр 15 жил, эрх мэдлээ урвуулан ашигласан хэргээр дахин таван жилийн хорих ял оноож, 18 тэрбум воны (16 сая ам.доллар) торгууль ногдуулжээ.

Дараа нь давж заалдах шатны шүүх хорих ялыг 30 жил болгон сунгасан байна. Улмаар шүүхийн шийдвэрийг хэд хэдэн удаа хянан хэлэлцэж, Ерөнхийлөгч асныг ялласан зарим зүйлчлэлийг хасжээ. Дээд шүүх Пак Гын Хэгийн хэргийг эцэслэн шийдвэрлэсэн тул дахин давж заалдах эрхгүй байна.

Үүний зэрэгцээ БНСУ-ын эрх баригч “Тобуро” Ардчилсан намын дарга Ли Нак Ён Ерөнхийлөгч Мүн Жэ Инээс Пак Гын Хе, мөн авлигын хэргээр 17 жил хоригдох ял эдэлж байгаа түүний өмнөх Ерөнхийлөгч Ли Мён Баг нарт өршөөл үзүүлэхийг хүсэхээр төлөвлөж байгаагаа өнгөрсөн долоо хоногт мэдэгджээ. Төрийн тэргүүн байсан хүмүүсийг уучлах нь үндэсний эв нэгдлийг бэхжүүлнэ гэж Ли Нак Ён цохон тэмдэглэсэн байна.

Харин өмнөд солонгосчуудын дийлэнх нь энэ саналыг эсэргүүцэж байгааг олон нийтийн дунд явуулсан санал асуулгуудын дүн харуулжээ.

Эх сурвалж: Montsame.mn

БНСУ-ын иргэдийн гар утсаа ашиглах хугацаа өсжээ

0

СӨҮЛ. /Yonhap/. БНСУ-ын иргэд өнгөрсөн онд өдөрт дунджаар 4.4 цагийг гар утсаа ашиглаж өнгөрүүлсэн нь өмнөх оны мөн үеийнхээс 19 хувиар өссөн гэж “App Annie” гар утасны мэдээлэл судалдаг платформ мэдээлжээ.

Цар тахал дэгдсэн үед ийнхүү өссөн үзүүлэлт нь дэлхий нийтийн гар утасны хавсралт хэрэглэж өнгөрүүлсэн өнгөрсөн оны дундаж үзүүлэлттэй /4.2 цаг/ ойролцоо байсан гэдгийг “App Annie”-гийн тайланд дурдсан байна.

Уг тайланд мэдээлснээр, 2020 онд БНСУ-ын иргэдийн санхүүгийн хавсралт ашиглах хугацаа ихээхэн өсжээ. Тодруулбал, энэ төрлийн томоохон таван хавсралтад нэвтэрсэн тоо өнгөрсөн оны мөн үеийнхээс 120 хувиар өсжээ.

Мөн “YouTube” нь БНСУ-ын иргэдийн хамгийн их ашигладаг стриминг хавсралтаар тодорсон бөгөөд үүнд сард дунджаар 37.8 цагийг зарцуулсан бол дотоодын хавсралт болох “AfreecaTV” /13.9 цаг/ хоёрдугаарт жагсжээ. Түүнчлэн эхний таван байрт “Twitch” /11.1/, “Wavve” /9.1/, “Netflix” /8.4/ бичигдсэн байна.

Нийгмийн сүлжээний хавсралтуудын хувьд, Хятадын “TikTok”-ийг хамгийн их буюу сард дунджаар 13.8 цаг ашигласан бол “KakaoTalk” /11.1/, “Facebook” /8.7/ удаалжээ. Мөн “App Annie”-гийн тайланд дурдсанаар, БНСУ-ын иргэд өнгөрсөн онд 5.64 тэрбум ам.долларыг хавсралтууд ашиглан зарцуулжээ. Дэлхий дахины хувьд энэ үзүүлэлт 143 тэрбум ам.доллар байжээ.

Эх сурвалж: Montsame.mn

Сурталчилгаа

“Samsung” шинэ ухаалаг гар утаснуудаа танилцуулав

0
МОСКВА. /TASS/. Өмнөд Солонгосын “Samsung Electronics” компани пүрэв гарагт “Galaxy S21”, “S21 +” болон “S21 Ultra” гэсэн ухаалаг гар утасныхаа гурван шинэ загварыг танилцууллаа. Бүх...

БНАСАУ шумбагч онгоцноос харвах алсын тусгалтай баллистик пуужингуудаа танилцуулжээ

0
ПЁНЬЯН. /KCNA/. БНАСАУ-ын нийслэл Пёньян хотод пүрэв гаргийн орой Солонгосын Хөдөлмөрийн намын VIII их хуралд зориулсан хүндэтгэлийн цэргийн сүрт жагсаал болжээ. Солонгосын төв цахилгаан мэдээний агентлагийн мэдээлснээр, парадын үеэр...

БНСУ-д халдварын 513-н тохиолдол шинээр бүртгэгджээ

0
БНСУ-ын Халдварт өвчин судлалын төвийн 09:30 цагийн мэдээллээр тус улсын хэмжээнд коронавирусаар халдварласан тохиолдол 01 дүгээр сарын 15-ны 00.00 цагийн байдлаар 513-аар нэмэгдэж нийт...

БНСУ-ын иргэдийн дийлэнх нь коронавирусний вакцин хийлгэх гэж яарахгүй байна

0
СӨҮЛ. /Yonhap/. БНСУ-ын иргэдийн дийлэнх нь эхлээд бусад хүмүүст хэрхэн нөлөөлөхийг харахыг хүсэж байгаа учир “COVID-19”-ийн вакцин хийлгэх гэж яарахгүй байгааг Сөүлийн их сургуулиас явуулсан...

Пак Гын Хэгийн 20 жилийн хорих ялыг хэвээр үлдээлээ

0
СӨҮЛ. /KBS/. БНСУ-ын Ерөнхийлөгч асан Пак Гын Хэг авлига, албан тушаалаа урвуулан ашигласан хэргээр 20 жил хорих ялыг тус улсын Дээд шүүх хэвээр үлдээх шийдвэр...

88708390

0
1.15нд Солонгос явах хүн байна уу. Паспорт явуулах гэсийн.

Уншиж байна ...

Дахин ачаалах

Сонсох

Дууг хаах

Монгол