БНСУ ЖАНСЕН, МОДЕРНА КОМПАНИЙН ВАКЦИНЫГ ТӨЛӨВЛӨСӨН ХУГАЦААНДАА АВАХ БОЛОМЖГҮЙ НӨХЦӨЛ БАЙДАЛ ҮҮСЭЭД БАЙНА (JANSSEN, MODERNA VACCINES MAY BE OFF SCHEDULE)

Жонсон&Жонсон Жансен компанийн вакцин хийлгэсэн 6 хүнээс цусны бөөгнөрөл илэрсэнтэй холбогдуулан 4 дүгээр сарын 13-ны Мягмар гарагт АНУ-ын Хүнс, эмийн алба болон Өвчний хяналтын төв хамтран тус компанийн вакцинжуулалтыг зогсоох зөвлөмж гаргасан. Үүний дараахан Жансен компани Европт нийлүүлэх вакцины хугацааг хойшлуулахаар болсноо мэдэгдсэн. Харин БНСУ-ын хувьд вакцины аюулгүй байдалд санаа зовниж буй хэдий ч нэг удаагийн тунтай Жансен компанийн вакциныг худалдан авах төлөвлөгөөндөө өөрчлөлт оруулаагүй гэв. БНСУ нөхцөл байдлыг ажиглаж, аюулгүй байдлын үнэлгээг үргэлжлүүлэн хийнэ гэдгээ мөн илэрхийлсэн юм. Жансен компанийн вакцин нь зөвхөн нэг тун хийж дархлаа тогтоодог тул БНСУ-ын вакцинжуулалтын хөтөлбөрийг түргэсгэнэ гэж үзэж байгаа. Солонгосын талаас Жансен компанийн вакцинд 4 дүгээр сарын 7-нд зөвшөөрөл олгоод байсан бөгөөд 2 дугаар улиралд нийт 6 сая тунг хүлээн авахаар төлөвлөж байсан юм. Гэвч дээрх шалтгааны улмаас төлөвлөсөн хугацаандаа хүлээн авах боломжгүй болох нөхцөл байдал үүсээд байна.

Эх сурвалж: Кореа Жунан Дейли сонины тэргүүн нүүр (Korea Joongang Daily)