Home Blog

БНСУ-д өнөөдрөөс эхлэн кофе шопууд нээгдэнэ

0
БНСУ-д 1 сарын 18 өдрөөс эхлэн кофе шоп зэрэг газруудад сууж үйлчлүүлэхийг зөвшөөрч эхэллээ.
БНСУ-ын засгийн газраас орлого нь тасалдаад байсан жижиг бизнес эрхлэгчидээ бодон тодорхой хэмжээний түвшинд эргээд ажиллах зөвшөөрлийг нь олгож эхлэв. Ийнхүү фитнес, сургалтын төв, караоке энгийн цагаар ажиллаж эхэллээ.
Кофе шоп-д орой 21 цаг хүртэл сууж үйлчлүүлэх зөвшөөрсөн ба 21 цагаас хойш авч явах , хүргэлийн үйлчилгээ үзүүлнэ. 50 м2 хэмжээнээс дээш талбайтай газар ширээ, сандал алгасаж суух ба нийт суудлын 50%-ийг ашиглах эсвэл доод тал нь 1 метрийн зай барьж ширээ хооронд хаалт тавих зэргээр үйлчилгээ үзүүлнэ.
Харин 2-оос дээш үйлчлүүлэгч нь 1 цаг сууж үйлчлүүлэх боломжтой юм байна.
Мөн цанын бааз доторх хоолны газар, кафе ч нээгдэж эхэлжээ.
Эх сурвалж : insight.co.kr news
ASIA PEOPLE MONGOLIA

БНАСАУ-ын хөгжлийн таван жилийн төлөвлөгөөг батлав

0

СӨҮЛ. /Yonhap/. БНАСАУ-ын Ардын дээд хурлын 14 дэх удаагийн сонгуулийн дөрөвдүгээр чуулган ням гарагт болж, 2021 оны төсөв, улс орны удирдлагад хийх боловсон хүчний халаа сэлгээ болон эдийн засгийн хөгжлийн таван төлөвлөгөөг баталжээ.

Өнгөрсөн долоо хоногт өндөрлөсөн Солонгосын Хөдөлмөрийн намын VIII их хурлын үеэр удирдагч Ким Жөн Уны дэвшүүлсэн таван жилийн төлөвлөгөөг Ардын дээд хурлын депутатууд санал нэгтэй дэмжлээ гэж БНАСАУ-ын хэвлэлүүд мэдээлсэн байна.

БНАСАУ-ын Ерөнхий сайд Ким Док Хун чуулганы үеэр үг хэлэхдээ өмнөх төлөвлөгөөг хэрэгжүүлэх явцад “ноцтой алдаа” гарсныг цохон тэмдэглээд, одоо “үг дуугүй биелүүлэх шаардлагатай хүнд даалгавруудтай” тулгарч байгааг онцлон дурджээ.

Түүний хэлснээр, шинэ таван жилийн төлөвлөгөөнд коронавирусний цар тахал болон АНУ-ын хориг арга хэмжээг үл харгалзан өөрсдийн хүчин чадалд тулгуурлан “хий, эсвэл үх” уриан дор эдийн засгийн хөгжлийг хурдасгахаар тусгасан байна. Тодруулбал, төмөрлөг, химийн аж үйлдвэрүүд, машин угсрах болон усан онгоцны үйлдвэрлэл, хөдөө аж ахуй болон загас агнуурын аж ахуйг хөгжүүлэхэд онцгой анхаарч, Пёньянд 50 мянган өрхийг орон сууцтай болгохоор төлөвлөжээ.

Ардын дээд хурлын депутатууд мөн сайд нарын танхимд хийх халаа сэлгээг баталж, зургаан шадар сайдыг, түүнчлэн Улсын төлөвлөлтийн хорооны дарга болон Ерөнхий прокурорыг шинээр томилохоор болсон байна.

БНАСАУ-ын шинэ төсвийн хэмжээ өнгөрсөн жилийнхээс 1.1 хувиар өссөн гэж мэдээлж байна. Эрүүл мэндийн салбарт зарцуулах зардлыг 2.5 хувь, боловсролын салбарынхыг 3.5 хувиар нэмэгдүүлжээ. Батлан ​​хамгаалах салбарын зардал өөрчлөгдөөгүй бөгөөд 15.9 хувь байна.

“Kia” 2027 он гэхэд долоон шинэ цахилгаан автомашин танилцуулна

0

СӨҮЛ. /Yonhap/. БНСУ-д автомашины борлуулалтаараа хоёрдугаарт бичигддэг “Kia” компани 2027 он гэхэд шинэ загварын долоон цахилгаан автомашин танилцуулна гэдгээ өнөөдөр мэдэгдлээ.

“Kia” ийм тээврийн хэрэгслүүдийнхээ эхнийхийг энэ оны эхний улиралд танилцуулна. Энэхүү автомашин нь бүтэн цэнэгээр 500 гаруй километр замыг туулах хүчин чадалтай байх бөгөөд хурдан цэнэглэх горимоор 20 минутын дотор бүрэн цэнэгтэй болох ажээ. Мөн “Kia”-гийн шинэ лого бүхий анхны автомашин болно.

Мөн “Kia” ирэх долоон жилийн хугацаанд суудлын, спорт, олон зориулалттай гэх мэт загварын цахилгаан автомашинуудыг танилцуулахаар төлөвлөжээ. Ийнхүү цахилгаан хөдөлгүүртэй загваруудынхаа тоог нэмэгдүүлснээр 2025 онд дэлхийн цахилгаан автомашины зах зээлийн 6.6 хувийг эзэлж, 2026 он гэхэд жилд 500 мянган автомашин борлуулахыг зорьж байна.

Эх сурвалж: Montsame.mn

“LG Uplus” 2G сүлжээг үйлчилгээнээсээ хална

0

СӨҮЛ. /Yonhap/. БНСУ-ын “LG Uplus” үүрэн холбооны оператор компани энэ оны зургаадугаар сарын сүүлээс “2G” сүлжээг үйлчилгээнээсээ хална гэдгээ өнөөдөр мэдэгджээ.

БНСУ-ын утасгүй сүлжээний хамгийн том компани болох “SK Telecom” өнгөрсөн оны долоодугаар сараас “2G” сүлжээг халсан бол тус компанийн өрсөлдөгч “KT” 2012 онд ийм шийдвэр гаргасан байна.

“Сүүлийн жилүүдэд “5G” гэх мэт шинэ үеийн сүлжээ нэвтэрснээр эхэн үеийн сүлжээг хэрэглэгчдийн тоо ихээхэн буурах болсон” гэж “LG Uplus” мэдээлжээ.

БНСУ-ын Мэдээлэл, харилцааны технологийн яамны мэдээллээр, 2020 оны 11 дүгээр сарын эцсийн байдлаар “LG Uplus”-ийн “2G” сүлжээг 374 мянган хүн ашиглаж байсан нь нийт хэрэглэгчийн /14.8 сая/ 2.5 хувьтай тэнцэх үзүүлэлт ажээ.

“Бид “2G” сүлжээг үйлчилгээнээс хассанаар 2.5 сая хэрэглэгчтэй “5G” сүлжээгээ сайжруулахад түлхүү анхаарна” гэж “LG Uplus” мэдэгдсэн байна.

БНСУ-д “2G” сүлжээг 1996 онд анх нэвтрүүлж байжээ.

Эх сурвалж: Montsame.mn

БНСУ-д халдварын 389-н тохиолдол шинээр бүртгэгджээ

0
БНСУ-ын Халдварт өвчин судлалын төвийн 09:30 цагийн мэдээллээр тус улсын хэмжээнд коронавирусаар халдварласан тохиолдол 01 дүгээр сарын 18-ны 00.00 цагийн байдлаар 389-өөр нэмэгдэж нийт 72,729-д хүрэв. Шинээр илэрсэн 389 тохиолдлын 23 нь хилийн чанадаас зөөвөрлөгдөн ирсэн байна. Нийт 58,723 (+470) иргэн эдгэрсэн бол 1,264 (+15) иргэн нас барсан. Одоогийн байдлаар 5,087,220 (+25,930) иргэнийг шинжилгээнд хамруулснаас 4,856,456 (+26,891) иргэний хариу сөрөг гарч 158,035 (+1,350) иргэний хариу хүлээгдэж байна. Тусгаарлалтад 12,742 (-96) иргэн байна.
사진 설명이 없습니다.
Эх сурвалж: Embassy of Mongolia in Seoul

СОЛОНГОСЫН НЭГ ӨДӨР ЗОЧИН: Б.УНДРАХ ЧҮНЧОН ХОТООС ОЮУТАН ЭЭЖ /АНЯАН ИХ СУРГУУЛЬ ДОКТОР/

0

СОЛОНГОСЫН НЭГ ӨДӨР ЗОЧИН: Б.УНДРАХ ЧҮНЧОН ХОТООС ОЮУТАН ЭЭЖ /АНЯАН ИХ СУРГУУЛЬ ДОКТОР/

“ЖИРЭМСЭН, ХҮҮХДЭЭ ХАРААД ДИПЛОМ ХАМГААЛАХЫГ ЗӨВХӨН МОНГОЛ ЭМЭГТЭЙЧҮҮД Л ЧАДНА” Солонгост ажиллаж амьдардаг эгэл жирийн залуустай холбогдох

“Солонгосын нэг өдөр” нэвтрүүлэг Солонгост байгаа хэн бүхэнд нээлттэй. @MGLRADIO Солонгос хуудас

 

Гамбургер Монголоос үүсэлтэй юу? “Солонгос дахь Монголчуудын радио” нэвтрүүлэг | 2021-01-14

0

“Солонгос дахь Монголчуудын радио” нэвтрүүлэг | 2021-01-14

Цаг үеийн мэдээ, онцлох пост: Пак Гын Хэгийн 20 жилийн хорих ялыг хэвээр үлдээлээ

Онцлох бичлэг : Гамбургер Монголоос үүсэлтэй юу?

Сэдэв: Метронд анх суухад ямар байсан бэ?

Хөтлөгч: Б.Чинбат, Б.Чанцаа

#MGLRADIOLIVE #Солонгосэфир

Дэлхийн Монголчуудын – MGLRADIO 88.3

Монголчууд Солонгост | 2021-01-15

0

Монголчууд Солонгост | 2021-01-15

“Samsung” шинэ ухаалаг гар утаснуудаа танилцуулав

0

МОСКВА. /TASS/. Өмнөд Солонгосын “Samsung Electronics” компани пүрэв гарагт “Galaxy S21”, “S21 +” болон “S21 Ultra” гэсэн ухаалаг гар утасныхаа гурван шинэ загварыг танилцууллаа. Бүх загвар нь нэг платформ дээр бүтээгдсэн бөгөөд хөдөлгөөнт холбооны тав дахь үеийн сүлжээг дэмждэг байна.

Өдгөө хүмүүс алсаас ажиллаж, гэртээ илүү их цагийг өнгөрүүлж байгаа учраас компани нь мультимедиагийн хамгийн өндөр шаардлагад нийцсэн ухаалаг гар утас бүтээхийг хүссэнийг “Samsung” компанийн ерөнхийлөгч бөгөөд хөдөлгөөнт харилцаа холбооны салбарыг хариуцсан захирал Тэ Мүн Ро онцоллоо. “Бид мөн сонголт ямар чухал ач холбогдолтойг ялангуяа өнөө цагт ойлгож мэдэж байгаа тул “Galaxy S21” цуврал загвар нь хэрэглэгчдэд өөрсдийнх нь хэв маяг, хэрэгцээнд тохирсон төхөөрөмжийг сонгох боломж олгоно” гэж тэрбээр нэмж хэлэв.

“Galaxy S21” ухаалаг гар утас нь 6.2 инчийн “120Hz Dynamic AMOLED 2X Infinity-O” ухаалаг, хялбаршуулсан дэлгэцтэй бөгөөд илүү жигд гүйлгэж, контентыг үзэх боломжтой. “Galaxy S21+” загвар нь “Galaxy S21”-тэй ижил үзүүлэлттэй 6.7 инчийн дэлгэцтэй, мөн хүчин чадлыг нь нэмэгдүүлсэн батерейтай байна. Хоёр загвар хоёулаа хиймэл оюун ухаан бүхий гурвалсан камертай, мөн “Exynos 2100” процессортой, 8 GB-ын RAM, 128 GB/256 GB-ын дотоод санах ойтой ажээ.

“Galaxy S21 Ultra” загвар нь “Galaxy S21” цуврал дотроо хамгийн том хэмжээтэй нь юм. Уг ухаалаг гар утсанд суурилуулсан бүх камер нь 4K форматаар нэг секундэд 60 зураг дарах чадалтай байна. Түүнчлэн 100 дахин ойроос харах боломжийг олгодог “Space 100X ZOOM” камер нь өндөр мэдрэмжтэй “hybrid optical zoom” линзтэй тул хол байгаа объектын нэг ч жижиг деталийг орхилгүйгээр чанарын өндөр түвшинд зураг авдаг аж.

Шинэ загварууд мөн хувийн нууцлалыг хадгалах шинэ хэрэгсэлтэй болсон бөгөөд зураг байршуулахаасаа өмнө байршлын мета өгөгдлийг аюулгүйгээр устгаж болно.

“S21 Ultra”, “S21+” загварууд нь хэт өргөн зурвасын (UWB) технологитой болсноор ухаалаг гар утсаараа автомашиныхаа хаалгыг автоматаар онгойлгох боломжтойг “Samsung” мөн онцолсон байна. Үүнээс гадна эдгээр загвар нь алдагдсан эд зүйлсээ хайж олоход туслах хүсэлтийг “Galaxу” загварын бусад ухаалаг гар утас хэрэглэгчдэд мессежээр илгээдэг “AR Finder” функцтэй болжээ.

Эх сурвалж: Montsame.mn

БНАСАУ шумбагч онгоцноос харвах алсын тусгалтай баллистик пуужингуудаа танилцуулжээ

0

ПЁНЬЯН. /KCNA/. БНАСАУ-ын нийслэл Пёньян хотод пүрэв гаргийн орой Солонгосын Хөдөлмөрийн намын VIII их хуралд зориулсан хүндэтгэлийн цэргийн сүрт жагсаал болжээ.

Солонгосын төв цахилгаан мэдээний агентлагийн мэдээлснээр, парадын үеэр шумбагч онгоцноос харвах алсын тусгалтай баллистик пуужингуудыг танилцуулжээ.

“БНАСАУ Зэвсэгт хүчний хүчин чадлыг харуулж, дэлхийн хамгийн хүчирхэг зэвсэг болох шумбагч онгоцноос харвадаг алсын тусгалтай баллистик пуужингуудыг талбай дээр нэг бүрчлэн үзүүллээ” хэмээн “КСNA” агентлаг мэдээлсэн байна.

Цэргийн парад Пёньян хотын Ким Ир Сений нэрэмжит талбайд болж, БНАСАУ-ын удирдагч Ким Жөн Ун арга хэмжээнд оролцжээ. Энэ үеэр мөн тактикийн пуужин, өөрөө явагч их бууны суурилалтуудын шинэ загваруудыг үзүүлжээ.

Хөдөлмөрийн намын VIII их хурал 1 дүгээр сарын 5-наас 12-ны хугацаанд болсон юм. Өмнөх их хурал 2016 оны 5 дугаар сард болсон. Хамгийн сүүлд БНАСАУ-д 2020 оны 10 дугаар сард Солонгосын Хөдөлмөрийн нам үүсгэн байгуулагдсаны 75 жилийн ойд зориулсан цэргийн парад болжээ.

Эх сурвалж: Montsame.mn

Сурталчилгаа

БНСУ-д өнөөдрөөс эхлэн кофе шопууд нээгдэнэ

0
БНСУ-д 1 сарын 18 өдрөөс эхлэн кофе шоп зэрэг газруудад сууж үйлчлүүлэхийг зөвшөөрч эхэллээ. БНСУ-ын засгийн газраас орлого нь тасалдаад байсан жижиг бизнес эрхлэгчидээ бодон...

БНАСАУ-ын хөгжлийн таван жилийн төлөвлөгөөг батлав

0
СӨҮЛ. /Yonhap/. БНАСАУ-ын Ардын дээд хурлын 14 дэх удаагийн сонгуулийн дөрөвдүгээр чуулган ням гарагт болж, 2021 оны төсөв, улс орны удирдлагад хийх боловсон хүчний халаа...

“Kia” 2027 он гэхэд долоон шинэ цахилгаан автомашин танилцуулна

0
СӨҮЛ. /Yonhap/. БНСУ-д автомашины борлуулалтаараа хоёрдугаарт бичигддэг “Kia” компани 2027 он гэхэд шинэ загварын долоон цахилгаан автомашин танилцуулна гэдгээ өнөөдөр мэдэгдлээ. “Kia” ийм тээврийн хэрэгслүүдийнхээ эхнийхийг энэ...

“LG Uplus” 2G сүлжээг үйлчилгээнээсээ хална

0
СӨҮЛ. /Yonhap/. БНСУ-ын “LG Uplus” үүрэн холбооны оператор компани энэ оны зургаадугаар сарын сүүлээс “2G” сүлжээг үйлчилгээнээсээ хална гэдгээ өнөөдөр мэдэгджээ. БНСУ-ын утасгүй сүлжээний хамгийн том компани...

БНСУ-д халдварын 389-н тохиолдол шинээр бүртгэгджээ

0
БНСУ-ын Халдварт өвчин судлалын төвийн 09:30 цагийн мэдээллээр тус улсын хэмжээнд коронавирусаар халдварласан тохиолдол 01 дүгээр сарын 18-ны 00.00 цагийн байдлаар 389-өөр нэмэгдэж нийт...

88708390

0
1.15нд Солонгос явах хүн байна уу. Паспорт явуулах гэсийн.

Уншиж байна ...

Дахин ачаалах

Сонсох

Дууг хаах

Монгол