Амиа хорлосон алдартны сүүлийн мессэжийг ил болгожээ

0
252

Өмнөд Солонгосын k-pop урлагийн төлөөлөгч, дуучин Гү Хара 11-р сарын 24-ний орой амиа хорлосон байдалтай олдсоныг мэдээлж байсан. Одоогоор үхлийн шалтгааныг бүрэн тодруулахаар ажиллаж байна.

Тэгвэл Гү Харагын төрсөн ах өчигдөр /2019.11.28/өөрийн инстаграмм хаягтаа дүүтэйгээ хамт авахуулсан  зургуудаа нийтэлжээ. Мөн дүүтэйгээ хамгийн сүүлд бичсэн мессэжээ хуваалцсан байна.

 Уг мессэжинд түүний ах “Ах нь чамаас хүсэх зүйл байна.. муу зүйлс бодож өөрийгөө зовоолгүй, эрүүл байж ирээдүйд хүнтэй сууж хүүхэд гаргаж, цаашид үлдсэн амьдралаа аз жаргалтай өнгөрүүлээсэй гэж хүсэж байна..хэцүү байвал хүссэнээрээ уйлаарай.. бүгдийг нь ярьж чадахгүй ч гэсэн.. дүүдээ хайртай шүү” хэмээн бичсэн бөгөөд хариуд нь дуучин Гү Хара “Хайртай шүү ахаа, битгий санаа зовоорой” хэмээн бичиж байжээ.

2018 оны есдүгээр сард дуучин бүсгүй нууцаар авсан зургийг нь тараахаар сүрдүүлсэн хуучин найз залуугийнхаа эсрэг шүүхэд гомдол гаргаж, анхан шатны шүүх экс найз залууд нь 18 сарын хорих ял оноож байжээ.

Мөн сарын өмнө поп дуучин, Гү Харагийн дотны найз Сулли онлайн орчинд байнга дарамтлуулж байсны улмаас мөн амиа егүүтгэж байжээ. Уг шалтгаанууд түүнийг амиа хорлоход хүргэсэн хэмээн таамаглаж байгаа юм байна. Тэрээр өнгөрсөн тавдугаар сард мөн амиа хорлохыг завдаж байжээ.

WWW.MGLRADIO.COM
Солонгос мэдээ булан