БНСУ-д гэрээгээр ажиллаж байгаа иргэд “Үхэлгүйгээр ажил хийх эрхээ эдлэх”-ийг шаардсан байна

0
7011

Өчигдөр /2019.10.20/ БНСУ-д гэрээгээр ажиллаж байгаа гадаад иргэд “Үхэлгүйгээр ажил хийх эрхээ эдэлмээр байна” гэх уриан дор Сөүл хотод цуглаж, суулт хийжээ. Өнгөрөгч 11-ны өдөр Солонгос улсад гэрээгээр ажиллахаар ирсэн Непал улсын иргэн, нэгэн металл боловсруулах үйлдвэрт нас барсан байдалтай олдсон юм. Энэ мэт гэрээт ажилчид амь насаа алдах хэрэг байнга гарах болжээ. Ажлын мэдлэг мэдээлэл дутмаг, хамгаалалтын хувцас хэрэглэл өмсүүлдэггүй гэх олон шалтгаанаас үүдэж гадаад ажилчдын нас баралтын тоо нэмэгдсээр байгаа аж. Узбекистан улсын иргэн “Өглөө болон орой 10 минут амрах эрхтэй байдаг ч амарч байвал яагаад амраад байгаа юм ажлаа хий” хэмээн шаарддаг гэжээ. 2018 оны байдлаар ажлаа хийж байгаад нас барсан иргэдийн тоо 150-д хүрсэн байна. Энэ нь сүүлийн таван жилийн байдлаар 60 хувь өссөн үзүүлэлт ажээ.

WWW.MGLRADIO.MN
Солонгос мэдээ булан