БНСУ-д суралцаж байсан 13.945 гадаад оюутан сургуулиа орхижээ

0
1588

Солонгос улсад суралцаж байгаа гадаад оюутнуудын дийлэнх нь суралцаж буй сургуулиа дундаас нь хаях юмуу хууль бусаар оршин суугч болж байгаа гэсэн судалгааг боловсролын яамнаас гаргасан байна. 2016 онд 5652 гадаад оюутан сургуулиа орхин харласан бол 2018 онд энэ тоо 13,945-д хүрчээ. Эдгээр гадаад оюутнууд Солонгос улсад суралцах бус ажиллах зорилготой очдог бөгөөд сургуулиа дундаас нь хаях тохиолдол элбэг байдаг байна. Учир нь гэрээний ажилчнаар Солонгост очиж ажил эрхэлснээс сургалтын визээр Солонгос улсад очих нь илүү олон давуу талтай гэж үзэх гадаад иргэд багагүй байдаг аж. Тус асуудалтай холбогдуулан Сөүлийн нэгэн хувийн их сургуулийн гадаад оюутнуудад багшилдаг багш Ким-ээс тодруулахад “Монголоос ирсэн оюутнууд Солонгост сургуулиа төгсөөд нутаг буцсан ч өндөр цалин авч ажиллах боломж бага  тул сургуулиа төгсөхөөсөө илүү төгсөлтөө хойшлуулж Солонгост ажил хийх сонирхолтой байдаг. Монгол оюутнууд ихэвчлэн нүүлгэлтийн ажил хийж орой нь барилгын ажил их хийдэг эцэст нь суралцахаа больж нутаг буцах тохиолдол ч нэлээдгүй бий.” гэжээ.

WWW.MGLRADIO.COM
Солонгос мэдээ булан