БНСУ-д шинэ коронавирусын гурав дах тохиолдол илэрчээ

0


БНСУ-ын Халдварт өвчин судлалын төвөөс энэ сарын 26-ны өнөөдрийн 11.00 цагийн байдлаар тус улсад шинэ короновирусын халдварын 3 дах тохиолдол илэрсэн болохыг албан ёсоор мэдэгдэв. БНСУ-ын иргэн /55 настай, эрэгтэй/ БНХАУ-ын Үхань хотод оршин суудаг байсан бөгөөд энэ сарын 20-ны өдөр нутаг буцаж иржээ. Тэрээр 22-ны өдрөөс эхлэн өндөр халуурч эхэлж, 25-ны өдөр Халдварт өвчин судлалын төвийн шуурхай мэдээллийн 1339 утсанд биеийн байдлын талаар мэдээлэл өгсөн байна. Түүнийг БНСУ-ын Гёнги мужийн Мёнжи их сургуулийн эмнэлэгт тусгаарлаж, анхан шатны үзлэгээр шинэ короновирусын халдвар болохыг тогтоосон байна. Одоогийн байдлаар БНХАУ-аас БНСУ-д ирсэн өндөр халуунтай, ханиалгах, амьсгалын замын өвчний шинж тэмдэг илэрсэн 48 иргэнийг эмнэлгийн хяналтад байлгаж байгаагаас 47 иргэний шинэ короновирусийн шинжилгээ сөрөг гарч, 1 иргэний шинжилгээний хариу хүлээгдэж байна.

Эх сурвалж: Embassy of Mongolia in Seoul