БНСУ Монгол Улс дахь элчин сайдаа эгүүлэн татлаа

0
1532

Солонгос улсын засгийн газраас гадаад улс орнуудад ажиллаж байгаа элчин сайд нараа шинэчлэн, дахин томилсон талаар өнөөдөр /2019.11.11/ мэдээлжээ. Үүнээс Монгол Улсад сууж байгаа элчин сайдыг дахин томилсон байна. Учир нь элчин сайд Жон Жэ Нам зөрчил гаргаж, виз гарахад нөлөө үзүүлсэн болон ажилчдаа дарамталж байсан нь ил болсон юм.
Түүнчлэн элчин сайдын яамны цайллагад зочдыг дайлаад үлдсэн хоолыг ажилчдаасаа нэхсэн бөгөөд тухайн үед элчингийн ажилтан үлдсэн хоолыг хаясныг сонсоод уурлан ажилтандаа анхааруулга өгч бүр цаашлаад ажлаас нь халах арга хэмжээ авсан талаар Солонгосын хэвлэл мэдээллийн хэрэгслүүдээр нэг хэсэг шуугьж байсан юм.
Тухайн үед элчин сайд Жон Жэ Нам “Солонгосын ард иргэдийн татвараар хийсэн хоол учир зөв зарцуулагдаж байгааг тодруулах нь миний үүрэг хэмээн” мэдэгдсэн бөгөөд энэхүү хэргийн талаар сонссон иргэд “Гадаад улс оронд очоод улс орноо таниулах бус хоол ундны ардаас хөөцөлдлөө” хэмээн шүүмжлэлтэй хандаж байсан билээ. Тэгвэл өнөөдөр Солонгос улсын засгийн газраас тус сайдын оронд БНХАУ-д элчин сайдаар ажиллаж байсан Ли Ёо Хоныг томилсноо мэдэгджээ.

WWW.MGLRADIO.COM
Солонгос мэдээ булан