БНСУ түүхэндээ анх удаа Хойд Солонгос Улсын иргэдийг нутаг буцаажээ

0
1272

БНСУ-ын үндсэн хуулинд Хойд Солонгос улсын иргэн ч мөн адил Өмнөд Солонгос улсын иргэнээр хүлээн зөвшөөрөгдөнө гэж тусгагдсан байдаг аж. Гэвч өнгөрөгч 7-ны өдөр Хойд Солонгосоос дүрвэж ирсэн 16-н иргэний аминд хүрсэн 20 гаруй насны хоёр залууг түүхэндээ анх удаа Өмнөд Солонгос улс Хойд Солонгос руу буцаажээ. Эдгээр иргэдийг хүлээлгэн өгөөд бараг долоо хонож байгаа хэдий ч тус асуудлыг тойрсон шуугиан намжихгүй байгаа юм. Учир нь хуулиндаа Хойд Солонгос улсаас дүрвэж ирсэн иргэд Өмнөд Солонгост очвол тус улсын иргэн болно гэсэн хуультай мөртлөө тус хуулийг зөрчсөн хэмээн иргэд шүүмжтэй хандаж байна.
Хуулийн мэргэжилтнүүд “Хойд Солонгос улсын иргэд Өмнөд Солонгос улсад хөл тавих үед шууд хууль ёсны дагуу БНСУ-ын иргэн болдог. Мөн хуулийн дагуу бол Өмнөд Солонгос улсын иргэн л бол тус улсад байцаагдан, шүүхийн шийдвэр ч мөн БНСУ-д гарах ёстой” гэжээ. Мөн зарим хуулийн байгууллагаас засгийн газраас шийдвэр гаргахдаа үндсэн хуулийн заалтаа үндэслэн шийдвэр гаргах хэрэгтэй. Ийм онцгой тохиолдол ч байсан хуулийн дагуу шийдэх нь зүйтэй гэжээ. Түүнчлэн Хойд Солонгосын хүний эрхийн төвөөс “Хойд Солонгос улсын иргэн Өмнөд Солонгосын газар нутагт хөл тавьсан цагаас эхлэн Өмнөд Солонгос улсын иргэн болдог. Тиймээс энэ удаагийн шийдвэр хууль бус явдал гэж үзэж байна” хэмээн мэдэгдсэн байна.

WWW.MGLRADIO.COM
Солонгос мэдээ булан