Визний материал хэр үнэн, бодит байна тэр хэмжээгээр хариу нь хурдан гарах боломжтой

0
3453

БНСУ-ын виз анх 7-оос 14 хоногийн дотор гардаг байсан бол сүүлдээ сараас ч илүү хугацаагаар хүлээлгэх болсон. Тэгвэл ирэх оноос эхлэн визний хариуг 14 хоногийн дотор өгөх шийдвэрийг гаргаад байгаа юм.
Виз гарахгүй удаж байгаа шалтгаануудын нэг нь иргэд хуурамч бичиг баримт бүрдүүлж байгаатай холбоотой гэдгийг албаны хүмүүс хэлсээр байна.
Одоогоор виз мэдүүлгийн газарт ирж байгаа хуурамч материалуудаас дурдвал түрээсийн гэрээ, гэрлэлтийн лавлагаа, төрсний бүртгэлийн лавлагаа, сурч байгаа нь үнэн тодорхойлолт, дүнгийн тодорхойлолт, ажлын газрын тодорхойлолт, нийгмийн даатгалын дэвтэр зэрэг баримт бичгүүдийг хуурамчаар үйлдэж байгаа юм. Үүнээс хамгийн түгээмэл тохиолддог хуурамч материалд сургуулийн дүнгийн тодорхойлолт ордог бөгөөд виз мэдүүлгийн газарт ирж байгаа иргэдийн дүнгийн тодорхойлолтын овог, нэр, мэргэжил л өөр болохоос бүх дүн яг ижил, дүнгийн голч, үзсэн хичээлүүдийн нэрс яг ижилхэн байдаг байна. Тиймээс хэрэв Солонгос улс руу зорчих хүсэлтэй байгаа бол аль болох үнэн бодит материал бүрдүүлэх нь визний хариу хурдан шуурхай гарахад тодорхой хэмжээгээр нөлөөлөх боломжтой юм.

WWW.MGLRADIO.COM
Солонгос мэдээ булан