Гадаад ажилчид үнэгүй шинжилгээнд хамрагдах боломжтой

0

Кёнгиду Хвасон хотын эрүүл мэндийн төв гадаад ажилчид болон олон соёлт гэр бүлд үнэгүй эмчилгээ оношлогоо хийх арга хэмжээ зохион байгуулах ажээ. Тус арга хэмжээ нь Солонгос улсад ажиллаж амьдарч байгаа гадаад иргэдийн эрүүл мэндэд анхаарал хандуулахад гол зорилго нь оршиж байгаа аж. Тус үйл ажиллагаа жилд 6 удаа зохион байгуулагдах бөгөөд ирэх 2 сарын 2, 3-н сарын 8, 5-н сарын 10, 7-н сарын 12, 9-н сарын 13, 11-н сарын 8 зэрэг өдрүүдэд өглөөний 10 цагаас өдрийн 14 цаг хүртэл зохион байгуулагдах юм. Түүнчлэн уг үйл ажиллагаанд очсоноор гэдэс дотор, гэмтэл, нүд, чих хамар хоолой гэх мэтчилэн олон төрлийн шинжилгээнд хамрагдах боломжтой ажээ. Хвасон хотын эрүүл мэндийн төвийн ажилтан Ким Жан Сү “Өнгөрсөн онд төрийн болон хувийн хэвшлийн хамтарсан үнэгүй эмчилгээ оношлогоо хийх үйл ажиллагаа зохион байгуулагдсаны ачаар энэ жил илүү олон эмнэлэгийн байгууллагаас уг үйл ажиллагаанд оролцох хүсэлт гаргасан. Мөн хэлний бэрхшээлээс үүдэн эмчилгээ хийлгэхэд хүндрэлтэй учирч байгаа гадаад иргэдэд цаашид илүү их хүрч ажиллахын тулд хичээж ажиллана” хэмээжээ.

WWW.MGLRADIO.COM
Солонгос мэдээ булан