Гадаад эхнэрийнхээ аминд хүрсэн хэрэг гарчээ

0
1844

Вьетнам эхнэрийнхээ аминд хүрсэн хэргээр Солонгос улсын иргэн А (55 настай) цагдаад баригджээ. Өнгөрөгч 16-ны оройн 11-н цагийн үед Янжү хотын цагдаагийн газарт Вьетнам улсын иргэн А (30 настай) алга болсон гэх дуудлага иржээ. Цагдаагийн газраас өчигдөр /2019.11.18/ өдрийн 1 цагийн үед алга болсон иргэний нөхөр болох Б-г баривчилж байцаалт авсан байна. Тэрээр эхэндээ цагдаад “эхнэрийнхээ хаана байгааг мэдэхгүй” хэмээн мэдүүлэг өгч байсан ч сүүлдээ эхнэрийнхээ аминд нь хүрсэн гэдгээ хүлээж, мөн цогцсыг нуусан гэжээ. Цагдаа нар тус мэдүүлгийн дагуу хохирогч А-гийн цогцсыг олсон байна. Хэрэгтэн Б нь Вьетнам эхнэртэйгээ суугаад удаагүй байсан бөгөөд тэрээр эхнэртээ хэрэглээний мөнгө өгөхгүй хэмээн маргалддаг байжээ. Тиймээс эхнэр нь өөрөө ахуйн хэрэглээний мөнгө олох гэж ажил сураглах үед тэрээр уурлан, маргалдаж эхнэрийнхээ аминд хүрсэн байна. Одоогоор цагдаагийн газраас тус хэргийн талаар нарийвчлан шалгаж байгаа аж.
Хохирогчийн дүү “Эгч минь Солонгос явахаасаа өмнө, очоод нөхрөө халамжилж сайхан амьдарна” гэж хэлээд явсан хэмээн ярьжээ.

WWW.MGLRADIO.COM
Солонгос мэдээ булан