Гэр бүлийн хүчирхийлэл үйлдсэн этгээд гадаад хүнтэй суух эрхгүй болжээ

Leave a Comment
1501

Өнгөрсөн 7-р сард гадаад эхнэртээ хүч хэрэглэсэн Солонгос улсын иргэн цагдаад баригджээ. Уг үйл явдлаас үүдэн “Хууль зүйн яам”-наас гадаад иргэдийг гэр бүлийн хүчирхийлэлд өртөхөөс сэргийлэхийн тулд хуулиндаа багагүй өөрчлөлт оруулсан байна.
Уг хуулинд хүрээнд гэр бүлийн хүчирхийлэл үйлдэж, шийтгүүлээд 10 жил болоогүй иргэн, хүүхдийн хүчирхийлэл үйлдэж, шийтгүүлээд 10 жил болоогүй иргэн, бэлгийн хүчирхийлэл үйлдэж, шийтгүүлээд 10 жил болоогүй иргэн , онц ноцтой хүчирхийллийн хэрэг үйлдэж байсан иргэн түүнчлэн хүн амины хэрэг үйлдэж, ял аваад 10 жил болоогүй иргэн, хуурамчаар гэрлэлтээ батлуулж хорих ял аван 5 жил болоогүй иргэд гадаад хүнтэй суух зорилгоор урилга явуулах боломжгүй болсон байна.
Түүнчлэн гадаад иргэнтэй сууж байгаа тохиолдолд тухайн хүний визны асуудалд анхаарал хандуулан нарийн шалгаж виз олгох ажээ.

(Солонгос улсын иргэн Вьетнам эхнэрээ “Хоол захиалж идэх гэж байхад хоол хийлээ” гэх шалтгаанаар зодсон бичлэг интернетэд цацагджээ. Уг бичлэгийг эхнэр нь нууцаар хийсэн байна.)