Интернет орчинд бусдын нэр төрд халдах явдал ихэссэн байна

Leave a Comment
472

Хувийн бизнес эрхэлдэг Солонгос улсын иргэн Б (26 настай) нь 3 жилийн турш сүрдүүлсэн утгатай сөрөг сэтгэгдэл авч байгаа ажээ. Түүний хэрэглэдэг хувийн интернет хаягд танихгүй хаягаас “Хагалгаа хийлгээд мангас шиг царайтай болчихсон пиллер шахуулчхаад төрөлхийн хөөрхөн юм шиг дүр эсгэхээ боль” гэх мэт сэтгэгдэл байнга ирдэг байсан бөгөөд Б нь 2016 оноос одоог хүртэл ийм төрлийн мессэж сэтгэгдэл хүлээн авчээ. Хэдийгээр шалтгаангүйгээр сөрөг сэтгэгдэл бичиж байгаа хүмүүсийг блоклосон хэдий ч шинэ хаягаас хараалаар дүүрэн сэтгэгдэл бичсээр байжээ. Энэ нь сүүлдээ даамжирч Б-гын хувийн мэдээллүүдийг интернет орчинд задалж цацаж эхэлсэн байна. Улмаар уг этгээдийг цагдаад өгтөл 2 хүүхдийн аав 40 настай эрэгтэй байжээ. Энэ мэтчилэн алдартнууд л зөвхөн сөрөг сэтгэгдэл авч хараалгуулдаггүй ба энгийн иргэд хүртэл маш олон үзэн ядсан, хараалгуулсан сэтгэгдэл авдаг байна. Нэгэн судалгаанаас үзэхэд интернет орчинд хэн нэгнийг харааж зүхэх, сөрөг сэтгэгдэл бичих тохиолдол ихсэж байгаа бөгөөд өнгөрсөн 9 сарын байдлаар хэн нэгнээс доромжлон гутаасан, сүрдүүлсэн сэтгэгдэл авсны улмаас 120,000 мянган иргэн цагдаад гомдол гаргасан ажээ. Эдгээр сөрөг сэтгэгдэл бичиж байгаа иргэдийн дийлэнх нь интернет орчинд стрессээ тайлах зорилготой эсвэл ганцаардсан, хэн нэгэнд атаархсан хүмүүс байдаг байна.

WWW.MGLRADIO.COM
Солонгос мэдээ булан