КИНО: “Гэртээ хүрэх зам”

Leave a Comment
1156

Энэ удаа бодит явдлаас сэдэвлэсэн “Way Back Home” киног танилцуулж байна. Тус киног 2004 онд болсон бодит явдлаас сэдэвлэн бүтээсэн бөгөөд 2013 оны 12 сард үзэгчдийн хүртээл болжээ.

2004 оны 10 сард тухайн үед 34 настай байсан Жан Ми Жон нь нөхрийнхөө найзын гуйлтаар Францын хилээр нийт 30 кг кокаин гаргах гэж завдсан хэргээр цагдаад баригддаг байна. Тухайн үед гэр бүлийн байдал хүнц хэцүү, мөнгө шаардлагатай байсны улмаас “4 сая вон өгөх болохоор оронд нь 2 цүнхыг Францын хилээр гаргаад өгөөч” гэсэн нөхрийнхөө найзын хүсэлтийг хүлээж авсан аж. Тэрээр хилээр авч гарах цүнхээ шалгаагүй ба дотор нь кокаин байсныг мэдээгүй байна. Гэтэл түүнийг Францын хилээр гармагц цагдаа нар баривчилжээ. Тэрээр 2005 оны 1 сард Францын Мартиникийн шоронд орж улмаар 2006 оны 11 сард шүүхээс түүнд 1 жилийн хорих ял оноосон аж. Тухайн үед тэрээр хэдийн 2 жилийн ял эдэлчихсэн байсан учир суллагдаж 2006 оны 11 сард Солонгос руу буцсан байна.

Тэрээр нэлээдгүй хүнд дэглэмтэй шоронд хоригдож байсан тул Солонгос дах амьдралдаа эргэн дасан зохицож чадалгүй багагүй хугацааг зарцуулсан аж. Хэдийгээр түүний амьдрал хүнд хэцүү байсан ч хүмүүст өөрийн бодит үнэнийг хүргэхийн тулд 2013 онд өөрийнхөө амьдралаар “Алдагдсан цаг хугацаа” хэмээх ном гаргасан ажээ.


WWW.MGLRADIO.COM
Солонгос мэдээ булан