КИНО: Дунд сургуулийн охины нийгмийг цочроосон эмгэнэлт түүх

Leave a Comment
3733

Энэ удаа бодит түүхээс сэдэвлэсэн “Han Gong Ju” киноны талаар хүргэхээр бэлдлээ. Тус кино 2014 онд нээлтээ хийж, ердөө 12 хоногийн дотор 141,366 хүн үзсэнээр хамгийн богино хугацаанд хамгийн олон хүн үзсэн кино болсон байдаг.
Киноны тухай
2004 онд болсон ахлах сургуулийн 43 хүүхдэд хүчирхийлүүлсэн дунд сургуулийн охины амьдралын талаар өгүүлнэ.
Хохирогч Чой нь 2003 онд интернетээр Бак хэмээх 17 настай хөвгүүнтэй танилцан улмаар 2004 оны 1-р сард түүний гэрт очсон байна. Гэрт нь очих үед хохирогч Чойг цохиж, ухаан алдуулан өөр хүүхдүүдтэй хамт хохирогчийг дэн буудалд 12 хүн хүчирхийлэн бичлэг хийжээ. Дараа нь хохирогчийн бичлэгийг олонд үзүүлнэ хэмээн сүрдүүлэн, удаа дараа өөр өөр хүүхдүүд хүчирхийлсэн байна. Сүүлдээ хүчирхийлсэн этгээдийн тоо 43-т хүрчээ. Хохирогч Чойгийн эцэг, эх нь салсан учир тэрээр хэн нэгэнд мэдэгдэж чадалгүй нойрны эм ууж, амиа хорлох оролдлого үхүртэл хийж байжээ. Тухайн үед хэргийг үйлдсэн хүүхдүүдийн ар гэрийнхэн нь хохирогч охиныг мөн л сүрдүүлсэн бөгөөд хохирогч охины ээж сүүлд нь хэргийн талаар олж мэдэн олон нийтэд уг асуудлыг ил болгон шийдэж өгөхийг хүссэн байна. Гэсэн хэдий ч хохирогчийн аав хэрэг хийсэн хүүхдүүдийн эцэг эхээс мөнгө авч, гомдолгүй хэмээн тохиролцсоноор гэмт этгээдүүдийн нэг нь ч ял авалгүй уг хэрэг замхарчээ.

Тус кино нээлтээ хийсний дараа хэрэг дахин сөхөгдөж хэрэг үйлдсэн этгээдүүд хуримаа хийн зарим нь цагдаа болсон байсан нь олонд ил болж нийгмийг цочролд оруулсан билээ.

WWW.MGLRADIO.MN
Солонгос мэдээ булан