КИНО: Кино гарснаас зургаан жилийн дараа гэмт этгээдэд 20 жилийн ял оноожээ

Leave a Comment
1191

Энэ удаа бодит явдлаас сэдэвлэсэн “The Case of Itaewon Homicide” киног танилцуулж байна. Уг кино 2009 онд нээлтээ хийсэн бөгөөд 2 долоо хоногийн дотор 480,000 мянган хүн үзсэнээр өндөр амжилт үзүүлсэн бүтээл юм.

1997 оны 4 сарын 3-ны өдөр Итэвонд байрлах нэгэн хоолны газрын ариун цэврийн өрөөнд 23 настай Ч-г 9 удаа хутгалан аминд хүрсэн хэрэг гарч тухайн үед Солонгосын хэвлэл мэдээллийн хэрэгслүүдээр шуугиан тарьж байжээ. Учир нь уг хэргийг үйлдсэн сэжигтнүүд болох Солонгос гаралтай Америк иргэд болох Arthur John Patterson болон Edward Lee нар хоёулаа насанд хүрээгүй хүүхдүүд байжээ. Түүнчлэн тэд бие биенийгээ буруутган хохирогчийн аминд хүрээгүй хэмээн мэдэгдсэн байна. Гэвч Америкийн эрүүгийн мөрдөн байцаах албанаас тус хэргийг шалган Arthur John Patterson-ыг жинхэнэ хэрэгтэн хэмээсэн аж. Шалтгаан нь түүний хувцаснаас олдсон цус болон байнга хутга авч явдаг байсан гэх мэт шалтгаануудыг харгалзан үзсэн байна.

Хохирогчийн ээж хэвлэлийнхэнд ярилцлага өгч буй нь

Ингээд уг хэргийг Солонгос улсын цагдаагийн албанд хүлээлгэн өгсөн байна. Гэвч Солонгос улсын цагдаагийн байгууллагаас Patterson-тэй хамт байсан Edward-ыг жинхэнэ хэрэгтэн хэмээсэн хэдий ч 2 жил үргэлжилсэн шүүх хурлын эцэст түүнийг гэм буруугүй хэмээн үзсэн байна. Гэтэл энэ хугацаанд Patterson-ы хилээр гарахыг хориглосон хугацаа дуусч Америк руу зугтсаны улмаас 2009 онд буюу уг хэрэг гарснаас 10 жилийн дараа хэрэгтэнг эргэн авчрах хүсэлтийг шүүхэд гаргажээ. Ингээд тус хэргийн гол сэжигтэн болох Patterson-ыг 2015 онд буюу 16 жилийн дараа Солонгост авчран шүүх хурал хийн 20 жилийн хорих ял оноожээ. Түүнчлэн уг кино олны хүртээл болсноор хэргийг дахин шийдвэрлэхэд хувь нэмэр оруулсан хэмээн үздэг аж.

Хэрэгтэн Arthur John Patterson 2015 онд

WWW.MGLRADIO.COM
Солонгос мэдээ булан