КИНО: Хоёр Солонгосын дайнаар дайснууд болсон ах, дүүгийн бодит түүх

0
1647

Энэ удаа Солонгосын дайны сэдэвтэй кинонуудаас хамгийн алдартай киног хүргэе.

Солонгосын дайны тухай өгүүлэх Taegukgi:The Brotherhood of War хэмээх кино 2004 онд нээлтээ хийжээ. Уг бүтээлийг өдгөө 11-н сая гаруй хүн үзсэн байна. Мөн дайны тухай өгүүлсэн хамгийн шилдэг кино гэх байр сууриа хадгалсаар байгаа юм. 

Тус бүтээл нь Солонгос улсад хийгдсэн хамгийн анхны дайны талаар өгүүлсэн кино гэдгээрээ онцлогтой. Тус киноны гол дүрд Солонгосын хамгийн царайлаг жүжигчид гэгдэх Вон Бин болон Жан Дун Гон нар тоглосон байна.

БОДИТ ТҮҮХЭЭС СЭДЭВЛЭСЭН

Уг киног бодит явдлаас сэдэвлэн бүтээсэн бөгөөд хоёр Солонгос хагарснаар ах, дүү хоёр Өмнөд ба Хойд Солонгосын иргэн болж салцгаадаг байна. Улмаар дайн эхэлж ах нь Өмнөд Солонгосын цэрэг болж дүү нь Хойд Солонгосын цэрэг болон хоорондоо байлдаж байгаад дайны талбарт уулздаг. Тухайн үед тэд дайны талбарт бие биенээ харан тэврэлдэн уйлж байсан талаар мөр зэрэгцэн тулалдаж явсан нэгэн цэрэг дурсан ярьснаар энэ түүх кино болжээ.

Мөн Солонгосын Сөүл хотын дайны дурсгалын музейн урд тус ах дүүсийн дайны талбарт тэврэлдэж буйг дүрсэлсэн хөшөөг сүндэрлүүлсэн байна.

6 сарын 25-ны дайны бэлгэ тэмдэг болсон ах, дүүсийн хөшөө

КИНОНЫ ҮЙЛ ЯВДАЛ

Энэхүү кинонд 1950-н оны 6-р сарын 25-нд эхэлсэн хоёр Солонгосын дайнд ах, дүү хоёр хамт цэрэгт татагдсанаар үйл явдал эхэлдэг бөгөөд ах болох Жин Тэ дүүгээ дайнаас амьд авч үлдэхийн тулд тэмцэж буй талаар өгүүлдэг.  Энэхүү киног “Цэрэг Райныг аварсан нь” гэх дэлхийн 2-р дайны тухай өгүүлсэн Америкийн алдарт дайны тухай өгүүлсэн киноны Солонгос хувилбар гэдэг байна.

Киноны найруулагч болон гол дүрийн жүжигчид

WWW.MGLRADIO.COM
Солонгос мэдээ булан