КИНО: “Sewol” усан онгоцны ослоос сэдэвлэсэн кино

0
1240

Энэ удаа “Birthday” гэх бодит явдлаас сэдэвлэсэн киног танилцуулж байна. Тус бүтээл нь 2014-н онд болсон усан онгоцны ослоор нас барсан хүүгийн гэр бүлийнхэн хүүгээ алдсаны дараа хэрхэн эргэн энгийн амьдралдаа дасан зохицож байгаа талаар өгүүлэх аж.

Уг бүтээлийг 2014-н онд 4 сарын 16-ны өдөр Инчоноос Чэжү арал руу явж байсан зорчигч тээврийн усан онгоц живж 304 хүн нас барсан харамсалтай хэргээс сэдэвлэн бүтээжээ. Тухайн үед Сэволху усан онгоцонд 476-н иргэн зорчиж явсан бөгөөд үүнээс төгсөлтийн баяраа тэмдэглэж явсан 324 сурагчид явж байжээ. Тухайн үед живж буй хөлөг онгоцонд амьд байсан иргэд гэр бүлийхэн рүүгээ “Амьд байна авраач” гэх мэт мессеж хүртэл бичиж үлдээж байсан юм. Ялангуяа уг ослоор төгсөлтийн баяраа тэмдэглэхээр Чэжү арлыг зорьсон Ансаны Данвон ахлах сургуулийн 324-н сурагчдын дийлэнх нь нас барсан байдаг.

Тус хөлөг онгоцны ослоор амиа алдсан сурагчдын анги

Сэволху усан онгоц 2014-н оны 4-н сарын 16-ны өдрийн 8-н цагийн үед чиглэлээ өөрчлөх явцад живж эхэлсэн бөгөөд тухайн үед хөлөг онгоцоор зорчиж байсан иргэдэд “Тайван байж, байгаа газраасаа хөдлөхгүй байхыг” зөвлөснөөс үүдэн иргэд живж буй хөлөг онгоцноос гаралгүй аврагч нар ирэхийг удаан хүлээсний эцэст нас баржээ. Тухайн өдөр живж буй усан онгоцонд байсан сурагчид сүүлийн үгсээ утсандаа бичиж үлдээсэн ба “Ээж, аавдаа хайртай шүү” гэх мэт үгс хэлж байжээ. Уг бичлэг 4-н сарын 16-ны өдрийн 9 цаг 9 минут хүртэл бичигдсэн байсан бөгөөд удалгүй усан онгоц бүхэлдээ живж дотор нь байсан сурагчид амьд гарч чадаагүй юм. Энэхүү ослоос ердөө 172 иргэн эсэн мэнд эргэн иржээ.

Тус “Birthday” хэмээх уран бүтээл нь усан онгоцны осол гарснаас 5 жилийн дараа буюу энэ онд хийгдсэн юм. Киноны гол дүрийн жүжигчид гэр бүл, үр хүүхдээ алдсан хүмүүсийн сэтгэлийг үзэгчдэд илэрхийлж тэднийг бага ч болов ойлгоосой хэмээн хичээн жүжиглэсэн хэмээн ярьсан байна.

WWW.MGLRADIO.COM
Солонгос мэдээ булан