К поп дуучин CL шинэ цомгоо худалдаанд гаргана

0
363

Солонгосын алдарт 2NE1 хамтлаг 2016 онд тарснаас хойш хэдийн 3 жил өнгөрчээ. Тус хугацаанд хамтлагийн гишүүд тус тусын уран бүтээлээ хийн, амралтын байдалтай байсан билээ. Тэгвэл уг хамтлагийн хуучин гишүүн CL “In The Name Of Love” хэмээх шинэ цомгоо худалдаанд гаргаж байгаа бөгөөд тус цомог нь 2NE1 хамтлаг тарсан үеэс эхлэн одоог хүртэл 3 жилийн турш өөрт нь тохиолдсон явдлыг өдрийн тэмдэглэл болгон цомогтоо багтааснаараа нэлээдгүй онцлог болсон ажээ. Уг цомог нь энэ сарын 4-ны өдрөөс эхлэн борлуулагдаж эхлэх юм. Мөн тэрээр шинэ цомгоо гаргаж байгаатай холбогдуулан өөрийн инстаграмм хаягтаа фенүүддээ талархлаа илэрхийлэн өнгөрсөн хугацаанд 2NE1 хамтлагийн дор маш олон хүмүүст хайрлагдаж, хүндлэгдэж байсандаа талархлаа илэрхийлсэн байна. Тэрээр сарын өмнө олон жилийн турш хамтарч ажилласан YG энтертайментээс гарч өөрийн ганцаарчилсан уран бүтээлдээ түлхүү анхаарч эхэлсэн билээ.

WWW.MGLRADIO.COM
Солонгос мэдээ булан