К поп-ын бас нэгэн “од” нас баржээ

0
393

Өчигдөр /2019.12.03/ Солонгосын бас нэгэн алдартан нас барсан байдалтай гэрээсээ олджээ. Залуу жүжигчин Ча Ин Ха-г өчигдөр Гангнамд байрлах гэрээс нь нас барсан байдалтай байхад нь түүний менежер олж цагдаад дуудлага өгсөн байна. Одоогийн байдлаар цагдаагийн газраас жүжигчний үхлийн шалтгааныг тодруулж байгаа бөгөөд нарийн мэдээллийг олонд дэлгэх боломжгүй хэмээн мэдэгджээ. Тус жүжигчний харьяалагддаг энтертайментээс “Үнэхээр харамсалтай мэдээ дуулгаж байгаадаа хүлцэл өчье. Жүжигчин Ча Ин Ха-г хайрлаж хүндэлж байсан хүмүүст харамсалтай мэдээ хүргэж байгаадаа үнэхээр их харамсаж байна. Одоо ч түүнийг нас барсан гэдэгт итгэж чадахгүй байгаагаа илэрхийлээд түүний ар гэрийнхэнд хүнд хэцүү байгааг хүндлэн жүжигчний талаар худал цуу яриа тараахгүй байхыг хүсэж байна.” хэмээн мэдэгдсэн байна. Жүжигчин Ча Ин Ха нь 2017 оноос эхлэн жүжигчний гараагаа эхлүүлсэн бөгөөд “Дүрэлзтэл цэвэрлэ”, “Чи ч гэсэн хүн юм уу” гэх мэт цувралуудад тоглож нэр хүнд нь өсөж явсан залуу жүжигчин юм.

WWW.MGLRADIO.COM
Солонгос мэдээ булан