Ма Дун Сог Солонгос улсын иргэн биш боловч шилдэг татвар төлөгч

0
6954

“Бусан хүрэх галт тэрэг” хэмээх киногоороо үзэгчдийн сэтгэл зүрхийг булаасан, хүчирхэг дүр төрхтэй Ма Дун Согыг олон киногоор нь андахгүй мэдэх биз ээ. Тэрээр хамгийн сүүлд Marvel цувралын “Eternals” кинонд баатрын дүр бүтээх болсноор холливүүдийн зах зээлд хөл тавиад байгаа юм.

Хэдийгээр Ма Дун Сог булчинлаг бие, ширүүн харцтай ч, бүтээсэн дүрүүд нь хайр татам, нөмөр нөөлөгтэй, яг л superman шиг санагддаг ажээ. Тиймээс ч Солонгосчууд сүүлийн үед гэрийнхээ үүдэнд Ма Дун Сок-ын зурагтай стикер наах болжээ.  Уг  стикерт  “Хүүхэд унтаж байна чимээгүй бай”, “Хөөе Дун Сог ах нь байна” гэх мэт үг бичээстэй байдаг байна.

Сонирхуулахад өдгөө 48 настай жүжигчин маань 19-н настай байхдаа гэр бүлийн хамт Америк руу цагаачилж,  Америк улсын иргэн болжээ. Харин иргэншлээ солиулсан алдартнууд татвараас зайлсхийх, цэрэгт явахгүй байх зэрэг асуудалтай байдаг бол Ма Дун Сог жүжигчин эсрэгээрээ шилдэг татвар төлөгч шагнал авч байжээ.