Монгол оюутан нууцаар зураг авсан хэргээр шалгагдаж байна

0
328

Инчоны нэгэн их сургуульд суралцдаг Монгол оюутан тус сургуулийн эмэгтэй оюутны зургийг нууцаар авсан хэргээр цагдаад шалгагдаж байна. Өнөөдөр /2019.11.29/ Инчоны цагдаагийн газраас “Энэ сарын 25-ны өдрийн үдээс хойш Инчонд байрлах архины газарт Солонгос улсын иргэн А-гийн зургийг хамт хичээлд суудаг Монгол оюутан нууцаар авсан хэмээн цагдаад дуудлага өгсөн. Тухайн үед хэсэг оюутнууд хамт архи ууж байсан бөгөөд А-г ариун цэврийн өрөөнд орох үед түүний зургийг эрэгтэй ариун цэврийн өрөөнөөс авч байгааг харсан байна. Дуудлагаар очсон цагдаа нар Б (23 настай)-гын гар утсыг хураан авсан. Тухайн үед Б-гын гар утаснаас нууцаар авсан зураг болон бичлэг олдоогүй. Одоогоор устгагдсан мэдээлэл байгаа эсэхийг шалгаж байна. Монгол иргэний утсыг шалгаж дууссаны дараа дахин дуудаж байцаалт авна” гэж мэдээлжээ.

Мөн сургуулиас нь “нууцаар авсан гэх баримт олдоогүй тул Монгол оюутныг хичээлдээ суухгүй бай гэж хэлэх боломжгүй” хэмээн мэдэгдсэн байна.

WWW.MGLRADIO.COM
Солонгос мэдээ булан