Мүн Жэ Ин шинэ Хууль зүйн сайдыг томилжээ

0

СӨҮЛ. /Yonhap/. БНСУ-ын Ерөнхийлөгч Мүн Жэ Ин Хууль зүйн шинэ сайдаар шүүгчээр ажиллаж байсан Чу Ми Аег томилсон талаар Хөх ордон пүрэв гарагт мэдээлжээ.

Хууль зүйн сайд асан Чо Гук албан тушаалаасаа огцорсноос хойш хоёр сар гаруйн дараа дээрх томилгоог хийжээ. Мүн Жэ Ин эрх баригч Ардчилсан намын дарга Чу Ми Аег уг албан тушаалд өнгөрсөн 12 дугаар сарын 5-нд нэр дэвшүүлсэн байна.

“Парламентын гишүүнээр таван удаа сонгогдсон Чу Ми Аегийн Хууль зүйн сайдын бүрэн эрхийн хугацаа эхэлсэн. Мүн Жэ Ин пүрэв гарагийн орой болох албан ёсны ёслолын ажиллагааны үеэр Чу Ми Аед томилох бичгийг гардуулан өгнө” гэж Хөх ордон мэдээлжээ.

www.montsame.mn