Нутаг буцахын тулд хулгай хийгээд баригджээ

0

БНСУ-д хууль бусаар амьдарч байсан Орос улсын иргэд дээрмийн хэрэг үйлдэн нутагруугаа зугтах гэж байгаад 18-ны өдөр цагдаад баригдсан байна. Тус иргэд нь онгоц хөөрөхийн өмнөхөн баригдсан бөгөөд өнгөрөгч 17-ны өдөр 64 настай Солонгос иргэний гэрт орж, гэрийн эзнийг сүрдүүлэн 2 сая вон дээрэмджээ. Тэд хэргийн газраас зугтах хугацаа гаргахын тулд 64 настай иргэнийг хүлж машинд нь суулган хэргийн газраас 2км зайд орхисон байна. Ингээд хохирогчийг маргааш өдөр нь буюу 18-ны өдөр ойролцоо явж байсан иргэн олжээ. Хэрэгтнүүдийг барихын тулд хэргийн газрын ойролцоо байрлах камерыг шалгаж хэрэг үйлдсэн этгээдүүдийг хэн болохыг илрүүлж цааш мэдэгдэн БНСУ-ын хилээр гарахаас нь өмнө баривчилсан байна. Орос улсын иргэдийн хэрэг үйлдэх болсон шалтгаан нь ажил олгогч байгууллага нь тэднийг найдваргүй, ажилдаа муу гэх мэт шалтгаанаар халсны улмаас нутаг буцах мөнгөө олох зорилгоор уг хэргийг үйлджээ. Одоогийн байдлаар Орос улсын иргэд болох 33 настай А болон 29 настай Б нарыг баривчлан байцаалт авч байна.

WWW.MGLRADIO.COM
Солонгос мэдээ булан