НУУЦ КАМЕРЫН БИЧЛЭГЭЭС БОЛЖ АМИА ХОРЛОЖЭЭ

Leave a Comment
325

Чоннам Сүньчоний нэгэн эмнэлгийн эмэгтэй ажилтан амиа хорлосон хэрэг гарчээ. Нууц камерын бичлэг түүнийг амиа хорлоход хүргэсэн байна.
Сүньчоний цагдаагийн газрын мэдэгдэж буйгаар нэгэн эрэгтэй ажилтан хувцас солих өрөөнд нууц камер байрлуулж, 4 эмэгтэй ажилтныг нууцаар бичсэн байна. Гэвч нотлох баримт хүрэлцээгүйн улмаас түүнийг тавьж явуулжээ.
Хохирогч эмэгтэйн аав: “охин маань нууцаар бичлэг хийсэн этгээдийг шоронд хорих байх гэж найдсан, гэтэл удалгүй суллагдаад эмнэлэг дээр байнга таарах болсон. Тухайн үед өөрийг нь нууцаар бичсэнээс болж том цочролд орж сэтгэл санаагаар нэлээд унасан. Миний охин ирэх жилийн 1 сард хуримаа хийхээр зэхэж байсан юм. Би охиноо тэр эмнэлгээс холдуулж чадаагүйдээ өөрийгөө маш ихээр буруутгаж байна” хэмээн ярьсан байна.
Уг хэрэг гарснаас хойш эмнэлгийн зүгээс эрэгтэй, эмэгтэй хувцас солих өрөөг тусдаа болгож нууцаар камер байрлуулахаас сэргийлэх бүхий л талын арга хэмжээг авна хэмээн мэдэгджээ.
Үлдсэн хохирогчид сэтгэл санааны эмчилгээ авч одоогийн байдлаар ажилдаа хэвийн явж байгаа юм байна.