Сөрөг сэтгэгдлийг далдлах арга хэмжээ авч эхэлжээ

0
541

Солонгосын хамгийн том мэдээллийн сайт болох “Naver” хараалын үгтэй сэтгэгдэл үлдээсэн тохиолдолд автоматаар нуудаг шинэ систем нэвтрүүлжээ. Тус системийг нэвтрүүлэхээс өмнө спортын мэдээ, Webtoon, алдартнуудын мэдээний хэсэгт хараалын үгтэй сэтгэгдэл бичихэд халхалдаг байсан бол одоо мэдээний хэсэгт мөн уг систем нэмэгдэж байгаа аж. Гэхдээ өмнө нь хараалын үгтэй сэтгэгдлийн хараалын үгтэй хэсгийг “ooo” хэмээн хаадаг байсан хэдий ч ерөнхий утгыг нь уншаад ойлгох боломжтой байжээ. Тэгвэл одоо хараалын үгтэй сэтгэгдлийг тэр чигт нь нуудаг болгож байгаа юм.

“Naver” сайтаас цаашид тус системийг улам сайжруулах зорилготой ажиллаж байгаагаа мэдэгдсэн байна. Түүнчлэн сүүлийн үед алдартнууд сөрөг сэтгэгдлээс үүдэн сэтгэл санаагаар унаж амиа хорлох тохиолдол гарсантай холбогдуулан ялангуяа алдартнуудын тухай мэдээнд сөрөг сэтгэгдэл бичихийг хориглож, далдлах биш устгах хэрэгтэй гэсэн байна.

WWW.MGLRADIO.COM
Солонгос мэдээ булан