Солонгосчууд Цонжин болдогт НИЙТИЙН АРИУН ЦЭВРИЙН ӨРӨӨ барьж өгчээ

1 Comment
1606

Сүвонь хот болон Дэлхийн ариун цэврийн байгууллагаас Улаанбаатар хотод “Сүвонь нийтийн ариун цэврийн өрөө”-г барьж өнгөрсөн долоо хоногт /2019.10.18/ хүлээлгэн өгчээ.

“Чингис хааны хөшөөт цогцолбор”-т байгуулсан нийтийн ариун цэврийн өрөө нь нийт 68.9㎡ ба эрэгтэй, эмэгтэй, хөгжлийн бэрхшээлтэй иргэнд зориулжээ. Уг ажлыг 5-н сарын дотор хийж гүйцэтгэсэн байна.

Тухайн цогцолборт  нийтийн ариун цэврийн өрөө хомс учир жуулчид болон иргэдэд хүндрэлтэй байдаг байсан бол уг нийтийн ариун цэврийн өрөө ашиглалтад орсноор энэ асуудлыг шийджээ.

Дэлхийн ариун цэврийн байгууллагын ерөнхий нарийн бичгийн дарга Ким Ён Чол “Улаанбаатар хотыг зорин ирж буй жуулчид тус нийтийн ариун цэврийн өрөөг тухтай ашиглаасай хэмээн найдаж байна. “Сүвонь нийтийн ариун цэврийн өрөө”-г барьж байгуулснаар Монгол улсад өнгө нэмнэ хэмээн итгэж байна” гэжээ. 2007 онд байгуулагдсан “Дэлхийн ариун цэврийн байгууллага” 2008 оноос эхлэн 2018 оныг хүртэл нийт 16-н улсад 33-н нийтийн ариун цэврийн өрөөг байгуулсан бол Улаанбаатар хот 34 дэх нь болжээ.

WWW.MGLRADIO.MN
Солонгос мэдээ булан