Солонгосын цэргийн шүүх хүйсээ солиулсан албан хаагчийн асуудлыг шийднэ

0

Солонгосын цэргийн албанд ийм тохиолдол гарч байгаагүй учир уг түрүүчийн тухай асуудал хэрхэн шийдэгдэх нь олны анхаарлыг татаад байгаа ажээ.

Гёнгиду мужийн цэргийн ангид ажиллаж байгаа түрүүч А (20 гаруй настай) нь өнгөрөгч 11-р сард амралтаа аваад Тайланд руу явж хүйсээ солиулах хагалгаа хийлгэсэн байна. Тэр одоогийн байдлаар цэргийн эмнэлэгт хэвтэн эмчлүүлж байгаа ажээ. Түрүүч А шүүхэд хүйсийг нь эмэгтэй болгох өргөдөл гаргасан бөгөөд мөн цаашид цэргийн ангидаа үргэлжлүүлэн ажиллах хүсэлтэй байгаагаа илэрхийлжээ. Солонгосын цэргийн албан хаагчдын хүний эрхийн төвөөс “Бага байхаасаа эхлэн цэрэг болох мөрөөдлөө биелүүлэн өдийг хүртэл ажилласан цэргийн албан хаагчийг хүйсээ солиулсан хэмээн ажлаас нь түдгэлзүүлэх нь учир дутагдалтай” гэсэн байна. Цаашид түүний ажиллах эсэхийг цэргийн шүүхээр шийдвэрлэхээр болжээ.

WWW.MGLRADIO.COM
Солонгос мэдээ булан