Солонгосын шөнийн цэнгээний газрууд гадаад иргэдээс татгалзах болсон байна

Leave a Comment
2312

Саяхан Солонгост магистраар суралцаж байгаа Монгол Улсын иргэн гадаад найзуудтайгаа хамт шөнийн цэнгээний газар орох гэтэл “Монгол хүн оруулахгүй. Тэд үргэлж зодолдож, муудалцдаг” хэмээн оруулаагүй тухай нүүр номондоо хуваалцжээ.
Мөн саяхны нэгэн мэдээнд Франц улсын иргэн ажлынхантайгаа Итэвонд байрлах нэгэн шөнийн цэнгээний газар орох гэсэн боловч “No French” хэмээн оруулаагүй байна. Энэ мэт гадаад иргэдийг шөнийн цэнгээний газар оруулахгүй байх тохиолдол гарсаар байгаа ажээ.
Солонгос улсад 2 сая гаруй гадаад иргэд амьдардаг бөгөөд гадаад иргэдийг ялгаварлан гадуурхах явдал нэмэгдэж байгааг хэвлэлүүд онцолсон байна. Түүнчлэн “Шөнийн цэнгээний газрууд ихэвчлэн Казахстан, Пакистан, Монгол, Саудын Араб, Египет улсын иргэдийг оруулдаггүй байна” хэмээн бичжээ.

WWW.MGLRADIO.COM
Солонгос мэдээ булан