Солонгос иргэний сайхан сэтгэлд талархжээ

0
150

Нэгэн гадаад оюутан сургалтын төлбөрөө алдаж, визээ сунгуулж чадахгүйд хүрчээ. БНСУ-д суралцдаг оюутан Б өнгөрсөн 21-ний өдөр /2019.11.21/ сургалтын төлбөр болох 850.000 мянган воноо гээсэн байна. Тэрээр уг мөнгөөрөө энэ сарын 29-ны өдөр төлбөрөө хийж, визээ сунгуулах зорилготой байжээ. Гэвч мөнгөө алдсан тул харлахаас өөр аргагүйд хүрч, арга мухарджээ. Гэтэл тус сургуульд суралцдаг нэгэн Солонгос оюутан түүний сургалтын төлбөрийг олж оюутны албанд хүлээлгэн өгсөн байна. Б энэ явдалд талархаж “Төлбөрөө олж, визээ амжиж сунгуулж чадсандаа баяртай байна. Солонгос хүний сайхан сэтгэлд үнэхээр их талархаж байна” хэмээжээ. Мөн цагдаагийн газраас алга болсон төлбөрийг олж өгсөн иргэнд талархлын бичиг гардуулж өгнө хэмээн мэдэгджээ.

WWW.MGLRADIO.COM
Солонгос мэдээ булан