Их сургуулийн бичиг баримтыг хуурамчаар үйлдэж гадаад оюутан элсүүлжээ

0
724

Солонгос улсад ажиллах зорилготой гадаад иргэдэд сургуульд элсэн суралцах бичиг баримтыг хуурамчаар үйлдэж байсан нэгэн их сургуулийн гадаад оюутан хариуцах албаны даргад нэг жилийн хорих ял өгчээ. Гённамд байрлах тус их сургуулийн гадаад оюутан хариуцах албаны дарга А (54 настай) нь Вьетнам, Узбекистан улсын иргэдэд сургуульд суралцах зөвшөөрлийн хуудас хуурамчаар хийн явуулсан нь илэрсэн байна. Түүнд өнөөдөр /2019.11.22/ шүүхээс нэг жилийн хорих ял болон 3-н сая воны мөнгөн торгууль төлөх шийтгэл оноожээ. Шүүхээс “А нь хуурамч материал бүрдүүлээгүй хэмээн мэдүүлэг өгсөн хэдий ч, сургуулийн захирлын тамгийг хуурамчаар хийн, сургуульд элсэх материал хуурамчаар үйлдэж байсан нь илэрсэн” гэжээ. А 2017 оны 5-р сарын сүүлээс эхлээд 2018 оны 3-р сар хүртэл Вьетнам улсын 469 иргэн, Узбекистан улсын 5 иргэн нийт 474-н гадаад иргэнд сургуульд элсэх материал хуурамчаар бүрдүүлж шуудангаар явуулж байжээ.

WWW.MGLRADIO.COM
Солонгос мэдээ булан