Сөжүний шилэн дээрх алдартнуудын зураг архинд донтуулж байна гэж үзжээ

0
2230

Өнөөдөр /2019.11.04/ Эрүүл мэнд нийгмийн хамгааллын яамнаас алдартнуудын зургийг сөжүнд нааж сурталчлахыг хориглох талаар хуульд өөрчлөлт оруулах талаар хэлэлцэж байна. Учир нь алдартнуудын зургийг сөжүний шилэн дээр нааж сурталчилснаар архи хэтрүүлэн хэрэглэхийг сурталчилж байна хэмээн үзжээ.

2018 оны байдлаар насанд хүрээгүй эрэгтэйчүүдийн 18,7 %, эмэгтэйчүүдийн 14,9 % нь архины төрлийн бүтээгдэхүүн хэрэглэж байгаа гэх судалгаа гарсан байна. Түүнчлэн эрэгтэй хүн өдөрт 5-аас дээш шил сөжү хэрэглэж байгаа бол эмэгтэйчүүд өдөрт 3-аас дээш шил сөжү хэрэглэж байгаа судалгаа гарчээ.

Мөн 2010 оны байдлаар 922 насанд хүрээгүй хүүхэд архинд донтож байсан бол 2017-н онд энэ тоо 1,968 болж, өсвөр насны залуус архинд донтсон байна. Энэ нь сүүлийн 7-н жилийн хооронд 2.1 дахин ихэссэн үзүүлэлт ажээ.

Эрүүл мэнд нийгмийн хамгааллын яамнаас “Насанд хүрсэн хүнтэй харьцуулахад насанд хүрээгүй хүүхэд архи хэрэглэснээр бие болон сэтгэцэд том өөрчлөлт ордог бөгөөд цаашдаа насанд хүрээгүй хүүхэд архины төрлийн бүтээгдэхүүн хэрэглэхгүй байх талаар хуулиа чангатгах шаардлагатай” хэмээн мэдэгдсэн байна.

WWW.MGLRADIO.COM
Солонгос мэдээ булан