Сөүлийн их сургуулийн багш шавь нарийнхаа дипломын ажлыг хуулбарлажээ

0
1302

Солонгосын хамгийн алдартай их сургууль болох Сөүлийн их сургуулийн профессор шавь нарийнхаа дипломын ажлыг хуулбарласан хэрэг гарчээ. Сөүлийн их сургуулийн Солонгос хэл, уран зохиолын ангийн оюутнууд тус сургуулийн өмнө уг хэргийг эсэргүүцэн “Оюутнуудын дипломын ажлыг хуулбарласан багшийг ажлаа чөлөөл” хэмээн жагсаж байгаа юм. 

Сөүлийн их сургуулийн бакалаврын ангийн оюутан Р тус багштай холбоотой хэргийг анх 2017 онд мэдэгдэж байсан бөгөөд тухайн үед багш П нь түүнийг нэр хүндэд халдсан хэмээн цагдаад мэдэгдэж байжээ. Тус сургуулийн багш П-гын Солонгосын харьцуулсан уран зохиолын нийгэмлэгт танилцуулсан 2 диплом, 2005-н онд болсон олон улсын Солонгосын уран зохиолын харьцуулсан, эрдэм  шинжилгээний хуралд танилцуулсан “Харьцуулсан Солонгосын уран зохиол” гэх мэт нийт 20 гаруй дипломыг ажлуудыг хуулбарласан хэмээн үзэж байгаа аж. Уг хэргийг анх олонд мэдэгдсэн оюутан К нь “П багш 10 гаруй жилийн турш энгийн оюутан, багш нарийн дипломын ажлыг хуулбарлан яг өөрийн мэт хүмүүст  танилцуулж байсан” хэмээсэн байна. Түүнчлэн Сөүлийн их сургуулийн шалгалтын комисс 2 жил гаруй дипломуудыг хуулбарласан эсэхийг шалгасны эцэст П багшийн бичсэн 20 дипломын 12 нь хуулбарласан болохыг баталжээ. Сургуулийн зүгээс тус багшид сахилгын арга хэмжээ авах эсэхээ удахгүй шийднэ хэмээн мэдэгдсэн байна.

WWW.MGLRADIO.COM
Солонгос мэдээ булан