Хорин жил Солонгосын хамгийн царайлаг эрэгтэй жүжигчнээр нэрлэгдсэн Вон Бин

Leave a Comment
828

22 жил болсон ч хамгийн царайлаг жүжигчин хэмээх нэр тодотголоо хадгалсаар байгаа жүжигчин Вон Бин нь 1977 онд мэндэлсэн бөгөөд өдгөө 42 настай юм. Жүжигчин Вон Бин багаасаа урлагт сонирхолтой байсан хэдий ч алдартан болох хүслийг нь эцэг, эх нь төдийлөн дэмждэггүй байжээ. Түүний эцэг, эх “Чамаас илүү царайлаг залуус зөндөө байгаа алдартан болно гэдэг амар зүйл биш” хэмээдэг байж. Сүүлд түүнийг алдар нэртэй болсны дараа фенүүд нь хэрвээ Вон Бин жүжигчин болоогүй бол үнэхээр хайран байх байсан талаар хэлж байжээ.

Түүнийг жүжигчний гараагаа эхлүүлэхэд анхандаа үзэгчид царайлаг залуу хэмээн дүгнэдэг байсан бол цаг хугацаа өнгөрөх тусам сайн жүжигчин хэмээн тодотгох болсон байна. Учир нь тэрээр дүр бүтээх киногоо маш нухацтай судалж байж тоглодог бөгөөд хамгийн сүүлд 2010 онд “The Man From Nowhere” хэмээх бүтээлд тоглосноосоо хойш 9 жилийн турш ямар нэг уран бүтээлд тоглоогүй байна.

Мөн тэрээр 2015 онд жүжигчин И На Ёнтой гэрлэж хүүтэй болсон бөгөөд одоогоор гэр бүлдээ түлхүү анхааран чимээгүй амьдарч байгаа аж. Түүний фенүүд Вон Биныг дахин дэлгэцнээ харахыг хүсэж байгаа хэдий ч тэрээр чанартай сайн уран бүтээлийн санал ирэхээс нааш кинонд тоглох хүсэлгүй байгаагаа мэдэгджээ. Гэсэн хэдий ч тэрээр рекламны салбарт хамгийн эрэлт хэрэгцээтэй жүжигчдийн нэг хэвээр байгаа ажээ.

WWW.MGLRADIO.COM
Солонгос мэдээ булан