Хортой шавж илэрчээ

Leave a Comment
1754

Сүүлийн үед Солонгосд Paederus fuscipes хэмээх нэгэн төрлийн хортой шавж үзэгдэх болжээ. Сүүлд Иксан хотын сургуулийн дотуур байр болон орон сууцны байраас олдсон байна. Иксан хотын эрүүл мэндийн байгууллагаас тус шавж харагдсан тохиолдолд гараараа хүрэлгүй өөр зүйлээр холдуулахыг анхааруулжээ.


Тухайн шавжинд хүрсэн тохиолдолд бие түлэгдсэн мэт улайж халуун дүүгж эхэлдэг байна. Маажсан тохиолдолд 12-оос 36 цагийн дотор цэврүү үүсч, 2-оос 3 долоо хоногийн турш арьс загатнаж улаан, арьс хуурах эмгэг илэрдгийг анхааруулжээ. Нэгэнт хүрсэн бол маажилгүй усаар угаан даруй эмнэлэгт хандах ёстой юм байна.


Paederus fuscipes гэх энэ шавж нь зүүн өмнөд азийн бүс нутгуудад ихэвчлэн байдаг бөгөөд ойролцоогоор 6-аас 8 мм-ын хэмжээтэй, шоргоолжтой төстэй харагддаг ажээ.