“Хорт хавдартай тосгон”

0
2243

Игсан хотын Жанжом тосгонд 2001 онд байгуулагдсан тамхи боловсруулах үйлдвэрээс гарсан хорт бодисоос үүдэн тус тосгонд амьдарч байсан 99-н иргэний 22-н хорт хавдар туссан байна. Үүнээс 14-н иргэн нас баржээ.

Байгаль орчны яамнаас тосгоны хүмүүс өвчлөх болсон шалтгааныг судалсан бөгөөд судалгааны хариуг өчигдөр /2019.11.14/ олон нийтэд танилцуулсан байна. Судалгааны үр дүнд тосгонд байрлах боловсруулах үйлдвэр тамхины үлдэцийг хатаах явцад хорт хавдар үүсгэх хортой бодис ялгарсны улмаас тус тосгоны иргэд өвчилсөн нь тодорхой болжээ.

Уг хорт хавдар үүсгэх бодис нь тосгоны байр болон үйлдвэрийн хана, шал гэх мэт тосгон даяар тархсан байсан аж. Энэхүү хорт хавдар үүсгэх бодисоос үүдэн тосгоны иргэд уушигны хорт хавдар, төвөнхний хорт хавдар, улаан хоолойн хорт хавдар, давсагны хорт хавдар, цусны өвчин зэрэг хорт хавдрууд тусах болсон байна. Цаашлаад ийм төрлийн боловсруулах үйлдвэрүүд Солонгос улсад нэлээдгүй байдаг бөгөөд иргэд Жанжом тосгонтой адил ийм хорт бодис ялгаруулж байгаа үйлдвэрүүдийг шалгахыг шаардаж байгаа ажээ. Уг тосгоныг “Хорт хавдартай тосгон” хэмээн нэрлэх болсон байна.

WWW.MGLRADIO.COM
Солонгос мэдээ булан