Хулгайчийг илчилсэн ИРГЭН цагдаагийн байгууллагад гомдолтой гэжээ

0
227

Өнгөрөгч 27-ны өдрийн үүрээр Сөүлийн Дубун дүүргийн гудамжинд байрлах АТМ-ыг эвдэлж мөнгө авахыг оролдсон хэрэг гарчээ. Тус хэргийг харсан гэрч цагдаад мэдэгдэж хэрэгтний царайг таньж хэрэгтнийг барихад туслах зорилгоор цагдаагийн машинд сууж 20 гаруй минут хамт хайсны эцэст хэрэгтнийг барьсан байна. Гэтэл цагдаа нар хэрэгтэнг барьсныхаа дараа гэрчийн сууж байсан машинд суулгажээ. Уг хэргээс үүдэж хэрэгтэн гэрчийн царайг харсан байна. Энэ нь хэрэгтэн хариугаа авах зорилгоор гэрчид халдах нөхцөлийн үүсгэж болзошгүй гэж үзжээ.
Гэрч “Цагдаагийн байгууллага, дуудлага өгсөн иргэн болон хэргийн гэрч нарын царайг нууцалдаг байтал эсрэгээрээ хамт машинд суулгах гэсний улмаас хэрэгтэн миний царайг харсан” хэмээн хэлжээ. Харин цагдаагийн газраас хэргийн шалгалтыг хурдан явуулах зорилгоор яарснаас үүдэн ийм хэрэг боллоо. Гэрчээс уучлал хүсэн, дахин ийм хэрэг гаргахгүйн тулд анхаарч ажиллахаа мэдэгдсэн байна”.

WWW.MGLRADIO.COM
Солонгос мэдээ булан