Хууль бус иргэд өвдсөн үедээ эмнэлэгт хандаж чадахгүй байна

0
1509

Хууль бусаар оршин сууж байгаа иргэд бүртгэлгүйн улмаас эмнэлэгт хүүхдээ үзүүлж чадахгүй байгаа ажээ. Саяхан хууль бусаар амьдарч байгаа 340-н иргэнээс судалгаа авчээ. Тэдгээрээс “Хүүхдээ өвдсөн хэдий ч эмнэлэгт үзүүлж чадаагүй тохиолдол байдаг уу” хэмээн асуухад 52,1 хувь нь тийм, 46,2 хувь нь үгүй хэмээн хариулжээ. Үүний дараа эмнэлгээр үйлчлүүлдэггүй шалтгааныг тодруулахад 39,29% нь эмнэлгийн төлбөр өндөр учраас хэмээсэн бол 18,15% нь эмнэлэг рүү хүүхэд авч явж үзүүлэх хүн байхгүй болохоор, 17,80% нь эмнэлгийн ажилчидтай хэл нэвтрэлцэж чадахгүйн улмаас, 7,58% хууль бусаар амьдарч байгаа нь ил болохоос, 7,31% ажлын цагаар очиж үйлчлүүлэх боломжгүй учир, 6,23% ямар эмнэлэгт очиж үйлчлүүлэхээ мэдэхгүй учраас, 3,52% ихэнх эмнэлэг хол байдаг учраас, 0,20% бусад шалтгаанаар эмнэлэгт үйлчлүүлж чадахгүй байгаа хэмээжээ. Энэ мэтчилэн шалтгааны улмаас Солонгос улсад хууль бусаар амьдарч байгаа иргэд эмнэлэгт хандаж чадахгүй байна. Ялангуяа хүүхэдтэй гэр бүлүүд хүүхдээ өвдсөн үед эмнэлэгт үзүүлж чадахгүй байгаа нь хамгийн том бэрхшээлүүдийг нэг хэмээсэн байна.

WWW.MGLRADIO.COM
Солонгос мэдээ булан