Хуурамч сурталчилгаагаар иргэдийг хуурсан, олны танил 15 иргэнийг шалгаж байна

0

Интернет орчинд алдартай иргэд тураах, хаван буулгах гэх мэт олон төрлийн бүтээгдэхүүнийг хэрэглэж үзээд өөрчлөгдсөн хэмээн хуурамч сурталчилгаа хийх болжээ. Солонгосын хүнс, эмийн аюулгүй байдлын яамнаас  хуурамч сурталчилгаа хийсэн 15 иргэнийг шалгаж байгаа бөгөөд интернетэд олон төрлийн бүтээгдэхүүн хэрэглэн бодит үр дүнд хүрсэн хэмээх хуурамч сурталчилгаа хийж байсан 8 газрыг ч мөн адил шалгаж байгаа ажээ. Эдгээр газрууд нь олонд танигдаж алдартай болсон давуу талаа ашиглан тодорхой үр дүн өгөөгүй бүтээгдэхүүнийг сурталчилж байсан нь ил болжээ. Хүнс, эмийн аюулгүй байдлын яамнаас одоогийн байдлаар 33 нэр төрлийн бүтээгдэхүүний 153 хуурамч сурталчилгааг илрүүлэн эдгээр сурталчилгааг цаашид интернетэд байршуулахыг хориглохыг шаардаж байгаа юм байна.

WWW.MGLRADIO.COM
Солонгос мэдээ булан