Хүнд тус хүргээд хүн амины хэрэгтэн болжээ

0
1003

Чэжү арлын цагдаагийн газраас талхны дэлгүүрт орох гэж байсан 76 настай эмэгтэйд хаалга нээж өгсөн залууг хүн амины хэргээр баривчилсан байна. Хэргийг тодруулбал өнгөрөгч 4-р сарын 16-ны өдөр нэгэн талхны дэлгүүрт орох гэж байсан өндөр настан хаалгаа нээж чадахгүй байгааг хараад, дэргэдүүр нь өнгөрч явсан 33-н настай залуу хаалга онгойлгож өгөх гэтэл 76 настай эмэгтэй тэнцвэр алдан унахдаа толгойдоо хүнд бэртэл авч эмнэлэгт хүргэгдэн, долоо хоногийн дараа нас барсан байна.

Цагдаагийн газраас уг хэрэг болсон газрын ойролцоох камерыг шалгаад, 76 настай эмэгтэй хаалга нээж чадахгүй байсан нь үнэн болох нь батлагджээ. Тус хэргийг цагдаагийн газраас 33-н настай иргэнг санамсаргүй хүний аминд хүрсэн хэмээн шүүхэд шилжүүлсэн ба өчигдөр /2019.11.22/ хэргийг хэрэгсэхгүй болгосон байна.

WWW.MGLRADIO.COM
Солонгос мэдээ булан