Хүүхэд дайраад эх орон руугаа зугтсан Казахстан улсын иргэний шүүх хурал болжээ

0
1610

БНСУ-д хууль бусаар амьдарч байсан Казахстан улсын иргэн А жолооны үнэмлэхгүй машин барьж яваад бага сургуулийн хүүхдийг дайрч, хэргийн газраас зугтсан улмаар эх орон руугаа буцсан талаарх мэдээллийг өмнө нь хүргэж байсан. Түүнийг өнгөрөгч 9-р сарын 16-нд буцаан Солонгос улсад авчраад байсан юм. Тэгвэл тус иргэний анхан шатны шүүх хурал өнөөдөр /2019.11.13/ болж хэрэгтэн хийсэн хэргээ хүлээн зөвшөөрсөн байна. Гэхдээ А осол гарсны дараа шууд зугтсан гэдгээ үгүйсгэжээ. Тэрээр “Би осол гарсны дараа машинаа зогсоож хүүг харсан, удалгүй хүүгийн аав болон маш олон хүн цугласан. Би Солонгосоор ярьж чадахгүй учраас эмнэлэг явъя гэж хэлж чадаагүй, айсандаа явсан” гэжээ. Мөн түүний шүүх хуралд ээж нь Казакстанаас иржээ байна. Тэрээр “Солонгосчуудаас үнэхээр уучлал хүсэж байна. Санхүүгийн хувьд тохиролцоо хийж чадахгүйдээ хүлцэл өчөөд өөрийнхөө эд эрхтнээс хандивлаад ч болтугай мөргүүлсэн хүүд тусалмаар байна” хэмээн хэлжээ. Уг хэргийн 2 дах шатны шүүх хурал ирэх сарын 13-нд болно. Уг хэргээс болж Солонгос улсад хууль бусаар амьдарч байгаа иргэд шууд нутаг буцах боломжгүй болж 3-аас 15 хоногийн өмнө нутаг буцах хүсэлт гаргаж байж нутаг буцах болсон билээ.

WWW.MGLRADIO.COM
Солонгос мэдээ булан