ЭЕШ авч байгаа байрны ойролцоо автомашины хөдөлгөөнийг хязгаарлажээ

0
1416

Өнөөдөр БНСУ-ын төгсөх ангийн сурагчид элсэлтийн ерөнхий шалгалтаа өгч байна. Энэ жилийн хувьд 1185-н газар ерөнхий боловсролын шалгалт авч байгаа бөгөөд нийт 550,000 мянган сурагч шалгалт өгч байгаа ажээ. Тус шалгалт Солонгосын цагаар өнөөдөр /2019.11.14/ өглөөний 08:40-д Солонгос хэлний шалгалтаар эхэлсэн байна.

Шалгалтын хувьд сурагчид Солонгос хэл, тоо, Англи хэл, Солонгосын түүх, гадаад хэл зэрэг шалгалтуудыг сонгон өгөх аж.
Солонгосчууд хүүхдийнхээ ирээдүйд хөрөнгө оруулан бага байхаас нь эхлэн маш олон сургалт, дугуйлан, сайн дурын үйл ажиллагаанд явуулдаг байна. Саяхны нэгэн судалгаагаар Солонгос хүүхдүүд хичээлээ тараад ч дахиад хэд хэдэн сургалтанд явдаг тул сэтгэл санааны байдал тавгүй, стресс ихтэй байдаг гэж гарчээ.

Төгсөлтийн шалгалтын өдөр шалгалт өгч байгаа байрнаас 200 метрийн зайд машин явахыг хориглодог байна түүнчлэн англи хэлний сонсох шалгалтын үед онгоцны нислэгийг түр хойшлуулж ач холбогдол өгдөг байна. Мөн энэ өдрүүдэд метро, автобусны явах цагийг сунгажээ.

WWW.MGLRADIO.COM
Солонгос мэдээ булан