Эмч нар хорт хавдартай иргэдэд туслах апп гаргажээ

0
773

Солонгос улсад гурван иргэн тутмын нэг нь хорт хавдар тусаж байгаа гэх судалгаа байдаг. Тэгвэл өнөөдөр /2019.11.19/ Солонгосын их сургуулийн эмнэлгийн эмчилгээний багийн 56-н гишүүн таван жилийн турш, хорт хавдартай хүнд туслах апп хийснээ танилцуулсан байна. Тус апп-ыг “Second Doctor” гэх бөгөөд хорт хавдар туссан иргэд эмнэлэгт эмчлүүлээд эмнэлгээс гарсан үедээ ч мөн хатуу дэглэм барих шаардлагатай байдаг асуудлыг шийдэх зорилгоор тус апп-ыг бүтээжээ. Энэхүү апп-ыг хэрэглэснээр өөрийн эм уух цаг, дасгал хийх цаг, ямар хүнс хэрэглэх гэх мэт олон төрлийн мэдээлэл авах боломжтой аж. Одоогоор ходоодны хорт хавдар, хөхний хорт хавдар, бүдүүн гэдэсний хорт хавдар, түрүү булчирхайн хорт хавдар зэрэг 4 төрлийн өвчний мэдээллийг өөртөө багтаасан байна. Мөн тус апп-д стрессийн эсрэг зөвлөгөө, нойргүйдлийн талаарх зөвлөгөө, тамхи татдаг өвчтөнд тамхины хэрэглээгээ багасгах хянах боломжийг олгох ажээ. Тус апп-ын хамгийн чухал үйлчилгээ бол өөрийн өвчний талаар мэдэх шаардлагатай зүйл, зөвлөгөө зэргийг заавал эмнэлэгт хандалгүйгээр тус апп-ыг ашиглан асуултаа бичиж үлдээх юм уу дуугаа хураагаад үлдээвэл өвчтөний асуултад мэргэжлийн эмч 24 цагийн дотор хариулах юм. Одоогийн байдлаар тус апп-ыг 1000 гаруй өвчтөн ашиглаж байгаа ажээ.

WWW.MGLRADIO.COM
Солонгос мэдээ булан