Япон-БНСУ-ын тогтмол нислэгийн гуравны нэг цуцлагджээ

Leave a Comment
440

Өнгөрсөн гуравдугаар сараас хойш Япон, БНСУ-ын тогтмол нислэгүүдийн гуравны нэг цуцлагдсан талаар “NHK” сувагт мягмар гарагт мэдээлжээ.

Өнгөрсөн гуравдугаар сарын сүүлээс 10 дугаар сарын эцэс хүртэл 2500 орчим нислэгийг төлөвлөсөн байснаас долдугаар сарын дунд үеэс хойш 940 орчим нислэг цуцлагдсан гэж Японы Зам тээврийн яамнаас мэдээлсэн байна.

БНСУ-ын “Jeju Аir” агаарын тээврийн компани Япон аялагчдыг татах зорилгоор нэг талын үнэ 1000 иен буюу 9 орчим ам.доллароос эхлэх нислэгийг үйлчлүүлэгчдэдээ санал болгож байгаа ажээ. Японы Үндэсний аялал жуулчлалын газрын мэдээлснээр, өнгөрсөн сард БНСУ-ын 201 мянга гаруй жуулчин Японоор аялсныг өмнөх оны мөн үетэй харьцуулахад 58 хувиар буурсан байна.

Японыг сонгон аялах БНСУ-ын иргэдийн тоо өнгөрсөн онд хамгийн өндөр буюу 7.5 саяд хүрсэн боловч Японы Засгийн газар энэ оны долдугаар сард экспортын хяналтаа чангатгаснаас хойш уг үзүүлэлт буурах болжээ. 

Эх сурвалж:Montsame.mn